英國搵工是大家在英國展開新生活的重要議題。今日為大家介紹4個英國搵工網站包括Indeed UK, UK Part Time Jobs, CV Library, 以及Escape the City，除左朝9晚5搵食外嘅工作外，仲會介紹一些以個人興趣為求職前題的英國求職網，亦有可以上載CV被僱主容易找到的求職網站。希望大家可以搵到一份享受既能支持英國生活開支，亦可享受新生活的工作。
迷途並非小書僮嘅專利。呢幾日收到好多朋友來信，除左瘋狂表達對小書僮既關愛外，亦好想得到更多英國搵工的資訊，Chapter 2一直都好希望為大家提供有用既英國工作方面情報，大家似乎幾喜歡早前英國最低工資同產假嘅文章，所以小書僮今日為大家介紹幾個英國搵工網站，除左大大間個幾個之外，小書僮都想介紹一啲另類得意的，除左朝9晚5搵食外嘅工作外，仲會介紹一些以個人興趣為求職前題的搵工網站，希望可以協助大家打開多一度全新既門，找到一份享受既能支持英國生活開支，亦可享受英國新生活的工作。
Table of Contents
1. Indeed UK – 一個字「齊」
基本上係英國最大既求職網站，同香港既Jobsdb差唔多，都係一般人搵工既第一線網站，大公司CEO、麥當當開心工、全職、半職應有盡有，仲可以upload自己個CV上去，有時僱主或獵頭公司會自己搵你。除左可以按行業、職位、工種、地點搜尋外，小書僮最鍾意就係”Find salaries”功能💰，可以用來比較出市場既平均薪金，咁就無咁易撞到縮骨算爆兼老土既腦細了🤥。對於喜愛朝9晚5文職工作既你，呢個都係個相當豐富既英國求職網站。
🚪隨意門: https://uk.indeed.com/
2. CV Library- 讓工作找上門
CV Library的功能非常支援僱主，所以很受僱主歡迎，他們可按需要聘請員工的城市、相關技能及經驗來搜尋已上載CV的求職者，更可使用CV Library的網上面試系統功能與你進行會談，方便大家不需要為見一面而攀山涉水長途跋涉。因為呢個網站受僱主喜愛，如果有時間上載左CV，更快找到好工作的機會自然相應提高。
Chapter 2 另外有一篇關於CV Library 的文章《英國求職-如何讓僱主找到你? CV Library -Make yourself visible to Employers》大家都可以參巧下。
🚪隨意門: https://www.cv-library.co.uk/
3. UK Part Time Jobs – 炒散之選👩🏭
Hourly Job呢個terms基本上係等於香港既part time job，中文譯兼職或炒散，係當地好多人鍾意用Snagajob搵兼職(I am just not a big fans of its search engine)，獨具為眼既小書僮就喜歡用UK Part Time Jobs，因為有時連好山旮旯 (小書僮is a big fans of Jay Fung 馮允謙🤣)既地方都會搵到有兼職。對於初初來英國生活既你，尤其因為英國無左姐姐同四大掌老幫手而要全職湊小朋友既父母，如果時間許何，做下part time除左幫補家計之外，仲可以識多啲本地朋友，唔駛對住四面牆，會無咁容易抑鬱同思鄉，更快融入英國生活，唸返轉頭，N年前小書僮都做過幾日唏噓既豬肉佬架。同我一齊抬豬🐖既英國朋友今日都仲有用Signal聯絡架。
🚪隨意門: https://www.ukparttimejobs.co.uk/
4. Escape the City – 用興趣尋找工作
💖作為小書僮本篇最愛既其中一個英國求職網站，Escape the City (ESC)唔單止係一個只係搵工既地方，仲似一個community，強調搵自己真正有興趣、有熱誠、有夢想既工作，do something exciting and make a difference就係佢地強調既value。(當然唔會似大家以前係interview聽到HR問個啲”你點解對我地公司呢個opening咁有興趣”個類迫人roll your eye🙄 既situation)。小書僮覺得佢應該幾適合香港朋友仔既原因係佢既”Career Change”功能同資源，幫大家由做左N年既工種轉行，跳出comfort zone and open your Chapter 2 of Life😆。係呢個英國求職網站度，可以完全用你既唸法去search job，例如用start-up、social media related、remote working、environmental friendly等等既條件去search，同時亦有付費同免費既course教大家點預備。話時話，度先見到份係National Park做護林員既工作
🚪隨意門: https://www.escapethecity.org/
精靈既小書僮🤴🏼真係明白Covid同埋Lockdown搵工既難度係高左，來到陌生既英國生活再遇上文化差異、語言、思鄉、空虛寂寞同凍等等既因素，會令你有氣妥同想放棄既一刻🥺，假使世界不像你預期縱然可怕，希望大家可以停半分鐘聽一闋歌，唸返以前「日做夜做似隻狗🐩，俾人鬧仲要開口笑既工😬」呢啲完全唔好笑既笑料既時候，驀然回首，喚然一新，你是你本身的傳奇。共勉之
英國搵工網站中集同大結局可以係以下睇返
小書僮明白來到陌生既英國生活再遇上文化差異、語言、思鄉、空虛寂寞同凍等等嘅因素，會令你有氣妥同想放棄既一刻🥺，假使世界不像你預期縱然可怕，希望大家可以停半分鐘聽一闋歌，唸返以前「日做夜做似隻狗，俾人鬧仲要開口笑既工」呢啲完全唔好笑嘅笑料既時候，驀然回首，喚然一新，你是你本身的傳奇。共勉之。
