唔少香港朋友係未出發先之前都已經會買定Pay as your go英國sim card或拎定Giffgaff果張免費Sim Card，如果搵好地方落腳之後，上台轉返月費計劃都好正常，因為同一個價錢可以用既流量係Pay as you go的好幾倍，不過編輯S上網申請英國電話上台竟然被拒絕? 究竟點解而又有咩方法解決呢?
Table of Contents
英國電訊商的上台計劃
之前我地已經有文章介紹過英國電訊商同埋如何尋找最合適你的英國電訊商，當中包括點check每個台既Coverage，邊間係借邊間個Network用(e.g. Giffgaff係借O2)等等，如果有興趣可以check返以上Hyperlink過去睇。
而針對Pay as you go sim card, Three台一個月£15得10GB, 而Giffgaff £15就好少少，有15GB可以用。可能你會覺得夠用，不過如果同一個價錢可以有更多，甚至加多少少變無限上網又何樂而不為呢?
就好似Three台咁，如果係以Sim Only上台(即係唔連買電話)，簽24個月就可以用每月£18無限上網。英國最大電訊商EE就£20有150GB。Vodafone 就£20有160GB。O2 就£20有120GB。香港人咁精明一定識揀啦!
圖1: Three台Pay as you go sim card vs 24個月上台收費
圖2: EE 24個月上台計劃
圖3: Vodafone 24個月上台計劃
圖4: O2 24個月上台計劃
EE上台遇到的問題
由於編輯S屋企收Three台完全係失去聯絡，初初嚟嗰兩個月又真係太忙冇時間上台，終於有時間就上網check咗個覆蓋率之後決定上EE，唔使買電話所以淨係join Sim Only計劃，由於已經習慣網上shopping，編輯S就直接喺EE個網絡落Order簽24個月約，填曬資料之後EE會叫你拎住個reference number打電話去佢地Centre作最後確認。
編輯S第一次打去果時原本以為好順利，但係到最尾果時EE個職員話system down咗要過兩日再打畀我，咁橫掂Three台張電話卡仲未到期所以冇乜所謂。最好笑係等個system loading嘅時候同個職員傾計先發現佢喺波蘭移民過嚟都係半年，2個男人等下吹下結果傾咗成40分鐘。
結果兩日之後終於有另一個職員打嚟，呢位女職員話畀編輯S知，由於佢冇credit score所以唔可以直接上台，佢講到好明話係怕你唔比錢，所以佢提出如果你想用上台計劃先要證明你會畀錢，所以一開始要用啲比較貴但係又低用量的計劃，即係£20 10GB，職員仲解釋如果你願意嘅話可以順便儲埋credit score，咁編輯S都冇選擇焗住要用，點知職員話你頭兩個月比咗錢之後就可以打電話返上個台重新做一樣叫做 re-grade的服務，一般嚟講由於你有紀錄有準時交錢，係可以轉返一般上台嘅服務，咁樣可以順便儲埋credit score，其實都算一舉兩得，登記埋啲資料之後sim卡就係兩日後送到屋企。
但係我哋另一位編輯R就有其他情況啦，編輯R一開始都係用Three台嘅pay as you go sim card, 而最後佢係選擇返上Three台，所以網上落單簽約都好順利，一來可能係同台嘅關係，已經有你付款紀錄，二來可能係編輯R嚟到英國嘅時間比較長，亦有心經營credit score，所以可能咁易就攪掂，所以大家上台之前不妨可以試下落門市先問吓個情況。
英國帶號碼轉台方法
如果你想將而家個電話轉去新上台嘅電訊供應商，你就需要一個PAC code，只要你sms PAC 依三個英文字去65075，再輸入埋你出生日期，咁你就會得到一個PAC Code，依個大部份台都適用。之後網上申請上台時，如果你選擇keep舊number，就會有選項要求你填PAC code，就算編輯S收到電話確認，都係要畀PAC code個職員。
總結
英國人好多做野嘅系統和方法同香港係完全唔同，無論你係租樓定係上台等等，你都可能會有一個全新體驗。我哋之前都有文章講過英國credit score系統，如果你無睇過，可能你會以為只係會影響你同銀行借錢，今次嘅經驗可以話畀大家聽絕對唔止，所以大家都要好好經營自己嘅credit score。
[4 Aug更新]: 見到有網民討論如果想一次上台申請就成功，可以先登記做選民加下Credit Score! 所有係英國有BNO既朋友都可以去登記做選民嫁 – 網址係 https://www.gov.uk/register-to-vote
Giffgaff張Sim卡係免費可以寄來香港的，如果你仲未拎，就快d去登記啦!
Giffgaff免費索取網址: https://www.giffgaff.com/orders/mgm
相關文章: