移民英國生活，剛剛到步未搵到工作，生活開支真係需要慳得一鎊得一鎊。去超市掃貨係英國移民生活當中差不多係最重要嘅一環，英國supermarket Poundland，同一家睇睇有咩咁抵買。
英國生活分享– 必備的Poundland
香港人每次返鄉下其中一個必去目的地肯定係100 円店，平時係香港都大家有時鍾意行下10蚊店，今次大家飄洋過海尋找第二個家，工作同生活始終需要時間適應，所以Chapter 2 希望搜羅更多生活慳錢方法，幫大家慳得一蚊得一蚊。今次就同大家介紹吓英國嘅「£1店」——Poundland。
真係件件£1?
就咁睇個店名，大家梗係會以為每件貨品都係£1啦，如果唸住「買嘢唔駛睇價錢」，咁俾錢個時就會失咗預算了。Poundland本身同其他英國超市冇咩大分別，有食物、家居用品、電子產品及配件、玩具以致藥物都一應俱全。雖然大部份產品既售價都係£1，但目測亦有其它售價由50p到£10嘅產品，慢慢實機會尋到寶架。
以下係我覺得比較抵嘅產品
- Cereal穀類早餐，大牌子包括Kellogg’s & Weetabix都有.。有時見到£1 幾packs
- Toiletries 洗漱用品，牙膏牙刷濕紙巾都好抵買。電動牙擦都係£1
- Cleaning products 清潔用品，由洗潔精到百潔布，實在係我本人至愛既系列，基本上大部份嘅清潔用品都係£1，長遠真係慳好多英國嘅生活費。
- Cupboard staples罐頭，包括汽水、湯、茄汁豆。50p就有罐牛肉雜菜湯。
- Toy玩具，Disneys 、Star Wars都有 。我最鍾意帶兩位老闆去，再好豪咁俾佢哋一人買一件£2之內嘅玩具。
- Batteries & Charging cable最後一樣一定要提就係電池同埋叉電線。無論係2A、3A都係£1，£1仲要係12粒！成日唔見既USB-C叉電線又係£1。不過咁，平還平，大家要注意環保呀
希望以上嘅生活慳錢方法可以幫到大家大家如果覺得繼續有興趣知多啲呢啲係英國生活嘅慳錢方法，就請大家follow我地嘅social media啦。Thank you。
作者：小書僮