英國租樓包傢俬的租盤真係少，而且英國傢俬大多唔包安裝，唔少客戶都會為此頭痕，會問我地可唔可以幫手，我都會推介一個英國Handyman Online配對平台比佢。依個平台除左可以搵人幫手係砌傢俬，亦可以幫你做運輸、搬屋、拆解傢俬、清潔、打理花園等等，比機會你用錢解決問題。
我認大家最有機會用既就係IKEA Click and Collect再上門砌埋，咁就唔需要等IKEA 2-3星期嘅送貨時間，另外就係入伙時通常花園都雜草叢生，如果仲有埋樹的話，不妨請一個專業人士打理一次。
Table of Contents
TaskRabbit的背景
TaskRabbit其實係一間美國公司，亦係共享經濟下的一個英國Handyman配對平台。同之前介紹如何喺英國「搵師傅」解決家居問題？Handyman services 的mybuilder.com類似，不過mybuilder.com比較偏向專業，而TaskRabbit比較係售賣努力同經驗，即係好似砌傢俬、運輸及清潔等等，唔需要考取專業資格都可以做。TaskRabbit上你可以搵到的Tasker都係以Freelance形式同TaskRabbit合作，無合約關係，所以質素好唔好，係睇個Tasker本身個Level。另外TaskRabbit係IKEA Partner之一，
TaskRabbit的英國服務地點及範圍
TaskRabbit英國的服務地點
TaskRabbit的服務範圍主要係英國17個大城市，不過編輯試過入佢無列出來城市的Postal Code，一樣有機會搵到，不過選擇少左好多。
17個城市包括: 伯明翰、白禮頓、布里斯托、卡迪夫、高雲地利、愛丁堡、格拉斯哥、列斯、利物浦、倫敦、曼徹斯特、紐卡素、諾定咸、謝菲爾德、修咸頓、雅息特及米爾頓凱恩斯。
最受歡喜的服務有以下9項
- 運輸/送貨
- 購物
- 跑腿
- 打理花園
- 搬屋
- 砌傢俬
- 鑽牆
- 小維修
- 清潔
另外仲有執屋、油牆、包裝收拾、排隊等等。
TaskRabbit的收費
其實睇到以上服務圖片都有個大概數字，不過留意只係Average，個別Tasker收費都幾大差距，不過好在你可以自己揀。以下係2-3小時係曼市砌傢俬的收費，可以見到最平係£14.23/hr，而最貴的係去到£56.93/hr。新手Tasker當然係會平d， 因為未儲到job review，如果擔心質素可以揀Elite Tasker，即係通常接Job次數比較多而且評價正面，仲有價錢又未必係最貴果下好。
總結
由於英國最低工資都係£8.91，所以所有任何要靠個人技術同勞力的工作都唔會平得去邊，加上用共享經濟配對平台通常收入有一部份要同網站分成，進一步令Tasker收費提升，因為一定係轉嫁去消費者手上的。如果覺得貴就唯手自己動手，去B&Q買返套電鑽返屋企慢慢砌啦，不過買一套好鑽都要£80 至£115，你可能要砌幾個鐘的，Tasker可能快你最少一半，條數就自己計喇，仲未計自己付出的體力呢? 所以如果想偷懶或者真係無辦法要搵人幫手，唯手課金搵TaskRabbit解決問題了。
TaskRabbit UK網站: https://www.taskrabbit.co.uk/
