英國逐步解封 是時候準備帶埋毛孩主子去旅行 英國寵物友好民宿搜尋
好多香港朋友已經帶埋毛孩主子飛左去英國開展新生活。根據BBC報導英國解封路線圖，4月12日進入第2階段，商舖、食肆、健身室逐步重開 (要搵最近健身室可以睇返我地之前出嘅文章：英國健身室暖水池搜尋神器)，更令人興奮的是5月17日便進入第3階段解封，當中酒店及BnB可以重開。過去呢段時間周圍都去唔到嘅朋友，係時候可以帶埋毛孩主子出去行一行走一走，正式呼吸英倫生活嘅新鮮自由空氣(唸起可以去Brighton同陽光玩遊戲已經好開心)。相信大家係租屋時都已經深切感受到搵寵物友善BnB並非易事。所以今次介紹一個好好用的BnB搜尋器，非常支援搜尋在英國的寵物友善Pet Friendly BnB。不論你係帶貓貓還是狗狗移民或去旅行，booking一樣好爆，剛才上網睇睇，6月booking已經開始爆爆地，需要英國寵物友好民宿嘅朋友真係要快快手去我地Chapter 2個blog睇睇。
Source: BBC -What’s the roadmap for lifting lockdown?
https://www.bbc.com/news/explainers-52530518
Vrbo 超級支援英國寵物友好民宿搜尋
香港朋友對Vrbo應該未必完全陌生，皆因佢改左名，之前叫做Homeaway。相比其他BnB搜尋及訂購系統，Vrbo係超級支援大家搵寵物友善Pet Friendly嘅住宿，完全係第一步已經好有愛心問定你有無寵物。我地而家帶大家去Vrbo嘅網站睇一睇。
用Vrbo系統搜尋寵物友善住宿
用法非常簡單，只要去Vrbo首頁，輸入你想去嘅城市(postcode都接受)、日期、入住人數(18歲或以上為成人)，之後同一格係”Pet”個格(我用紅色幫大家框住左)按”Yes”然後按”Apply”之後再按”Search”就得。
Vrbo系統選擇指定英國城市pet-friendly BnB
之後大家可以利用右手邊個地圖或者左面嘅民宿/酒店資料去搵適合自己的住宿。記得入到個資料page要睇多一次佢係”Pet Welcome”，某些BnB因為地方或其他原因只可以俾體型較細的寵物入住，有時甚至會寫得好清楚只係30磅以下嘅動物先可以入住。如果大家見到”Some Pets allowed” 或”Pets allowed, ask”最好先利用佢右手面”Contact Host”嘅功能同業主溝通左先。Vrbo我最喜歡嘅另一個原因就係可以好早就同業主傾好，以防有甚麼誤會。
免費取消booking期限
係Vrbo訂BnB，基本上係每一間BnB都有定立一個免費取消期限，可以係1-2星期甚至更長時間，大家一定要仔細看清楚。係呢個期限內取消預約，業主係一定會全費退款(當然如果係用HKD卡去訂GBP嘢，係會因為貨幣兌換有少少出入)，而且佢必須要係24小時內回覆你。小書僮相信超高質嘅大家一定唔濫用呢個服務嘅。
希望移民去英國嘅朋友，你地嘅貓貓狗狗同陽玩遊戲旅行團會超開心愉快啦。
如果大家有需要，可以去Vrbo網站度搵更多資料。