識得搵，其實英國周圍都可以係你嘅41校網。英國Locrating讓你對英國新居附近的學校瞭如指掌。
好多香港嘅爸爸媽媽都唔介意「孟母三遷」幫仔女入讀名校。我相信大家移民去英國生活嘅時候呢個情況都會係一樣。所以我地今次為大家介紹英國升學必備神器─Locrating網站。，等家長們可以多啲頭緒點樣喺英國搵到心目中嘅41校網。
英國校網劃分跟香港大有不同
其實英國同香港嘅校網劃分方式係好唔同㗎，英國每間學校都有佢自己嘅catchment。咁呢個Locrating神器又有咩咁特別呢？呢個網站分為免費版同埋會員版兩種。以下就等我講吓兩者有咩分別啦，睇完之後俾唔俾錢就…自己決定啦，反正我是用會員版，因為有更多最新嘅資料尤其係Over-subscription嘅百分比。
Ofsted學校分級，英國讀書開心指數同樣十分重要
免費版本身已經好好用，只要輸入UK屋企嘅postcode，附近所有嘅學校就會彈晒出嚟。藍色就係Independent School，綠色就係Outstanding；黃色係Good；橙色係 Requires Improvement；而紅色就係 Inadequate。但係免費版只可以睇到直至2017年成績，不過都可以睇到學校嘅Happiness Rating。咁大家就比較容易搵到學習成績好又或者Happiness Rating高嘅學校喇(不過我估大家都係想要哂架喇)。係英國，小朋友係按實際年齡入學，所以大家睇返自己小朋友幾歲，再係locrating系統選擇返就可以搵到合適嘅場學校。
搬完屋先知間學校無位? 收費版應該幫到你
講返收費版，約7鎊一個月，但佢嘅功能又真係幾強大嘅。除咗可以睇到直至2019年嘅成績之外，仲多咗搜尋功能。例如可以按小學，中學，公立學校，私立學校(英國私立學升學費用差距非常大)，男校，女校，男女校以及成績劃分等等呢啲criteria去搵一間適合小朋友讀的學校。最後不得不提嘅強大功能就係睇到呢間學校嘅oversubscription rate有幾多，即係有幾爆又或者有幾難入。咁樣聰明嘅香港爸爸媽媽就更加容易計到小朋友入到呢間學校嘅機會有幾多，尤其係插班嘅時候更加需要留意，因為係英國當間學校真係滿咗嘅時候真係好難入㗎。有人鍾意捨難取易，有人喜歡捨易取難。咁我就祝來到英國生活，展開Chapter 2 of life嘅時候順順利利，開開心心啦。
希望今次嘅介紹可以幫到大家係移民英國嘅時候，更加容易搵到附近有冇啱自己仔女讀嘅學校啦。
如果想知道更多英國升學準備嘅資訊，記得follow我地嘅Social Media啦。
傳送門: https://www.locrating.com/schoolsmap.aspx