Table of Contents
「今時今日，有咩緊要得過部手機？」
「Hello! 咩話？我係邊個？枉我同你捱生捱死、任勞任怨、出雙入對。你食飯帶住我、行街帶住我、做運動帶住我、去廁所都帶住我，直頭無咗我一秒都周身唔聚財。仲未知我係邊個？你而家望住我喎！係呀，我係你部手機呀！！！嚟到英國展開Chapter 2，有無諗住點照顧我呀？Apple手機壞咗就去返Apple Store問點整啫，如果係Samsung或其他牌子，英國唔似香港，手機有咩事拎去先達實搞得掂喎！唉，知你無架嘞，都唔怪得你嘅，你要忙呢樣又忙果樣，我就問咗朋友做咗research，等我話你知我有事你應該點做啦！」
英國手機維修 – Carphone Warehouse、Timpson
電話維修1- Carphone Warehouse
「Carphone Warehouse本身係英國一間大型連鎖嘅手機零售店，以前有自己獨立嘅舖頭淨係賣手機。不過舊年間公司所屬嘅集團就閂晒Carphone Warehouse所有獨立舖頭，只係保留Carphone Warehouse喺同一集團旗下另一間賣電子產品商店Currys PC World(類似香港嘅豐X、百X匯) 入面嘅門市，集團解釋係配合消費者習慣改為網上購物，而且消費者期望一間舖頭，可以搵到所有不同嘅電子產品，唔係淨係手機！Carphone Warehouse提供整手機服務，爆Mon、爆殼、電池問題、耳塞位壞咗等等，佢都識整。你拎壞咗嘅手機去到佢哋設有維修中心嘅門市，佢哋會quote價俾你，問題唔大而又有零件喺度，基本上即日搞掂。如果佢設有維修中心嘅門市，位置對你唔方便，亦可以drop off部手機喺任何一間門市，等佢哋幫你send去維修中心。」
https://www.carphonewarehouse.com/repair.html
電話維修2- Timpson
「Timpson係另一個可以拎手機去整嘅舖頭。Timpson其實係一間幾得意嘅連鎖商店，分店非常之多，佢嘅口號係“Great Service by Great People”，唔同分店提供唔同服務，提供嘅服務由整皮鞋、配鎖、車匙、開鎖、影證件相、整手錶、乾洗等等等等，其中一樣就係“ Phone and Tablet Repair”。你只需要上佢地個網，輸入postcode search最近有整手機嘅分店，然後拎去就可以嘞！」
https://www.timpson.co.uk/stores/
上門電話維修- WeFix
「有咩好得過有人上門招呼。WeFix係一個專門維修手機同平板電腦嘅網頁，但基本上淨係整Samsung機，程序係先輸入postcode，然後提供你要整嘅係手機定平板電腦、咩型號、顏色、邊部分有問題(Mon、電池、耳塞位、前鏡頭後鏡頭等等)，之後佢就會好均真，先報個價俾你，你同意價錢後，佢會俾最快嚟到上門嘅日子你揀，但時間就要果日朝早先send到message話你知。維修費水平嚟講，舉個例子，Samsung S21+ 換個Mon要239英鎊，可以講水平同香港差唔多啦。不過用WeFix要留意一點，佢哋上門整你部手機，其實係喺佢揸嚟果架Van仔入面整，裡面有哂工作枱、工具、電腦等等，所以有泊車位是必須的，如果需要泊車錢會由佢哋負責，但如果無泊車位，佢會當取消而收取59英鎊手續費。」
二手電話買賣 – sell my mobile 、mazuma mobile
「如果萬一你嫌我老嫌我舊，我都想為你燃燒至最後一刻，創造啲價值。你可以上去呢兩個網站，將我轉賣。呢兩個網站勁方便，只要一打入牌子同型號，以及手機嘅狀態係完全正常，定係有啲問題，佢就會出一個或者幾個唔同回收商出嘅收購價俾你揀，你同意後就跟指示將手機mail出去或拎去drop off shop，對方確認收到就會俾錢你，可以係e-payment或者cheque都得。」
mazuma mobile
Sell my mobile
關於手提電話的文章，同時亦可以參巧我地另一篇關於英國網絡覆蓋的文章《尋找最合適你的英國電訊商》。
預設文章格式。