英國對兒童的照顧真係無微不至，首先3-4歲有每個星期15小時的Nursey學費補貼，亦有之前寫過的NHS Healthier Together兒童成長檢查服務，仲有唔少網民分享過的兒童牙科、驗眼及補打針等。最近編輯F又收到NHS嘅信，今次檢查係由Audiometric Clinic負責的免費Hearing Test，大家一齊黎睇下兒童Hearing Test有咩攪!
Table of Contents
英國Hearing Test的服務
根據護士所講，如果你小朋友係英國本土出世，依個Hearing Test其實應該係初生嬰兒果時候做的，不過由於編輯F係以BNO Visa入境，而登記GP後，NHS check到3歲半的女兒仲未做過Hearing Test，所以而家就後補。留意Hearing Test未必一定係登記GP個Centre做，今次編輯F個女就被派左去隔離Town個Health Centre做測試。
初生嬰兒的Hearing Test
根據NHS資料，1000個小朋友之中就有一個出現聽力問題，如果你係小朋友係英國醫院出世，係你同小朋友出院之前一般都會幫你小朋友做左個Hearing Test先，如果當時無做的話，NHS就建議4-5個周內就要補做，最遲最遲3個月內需完成。如果無人contact你安排依個Test，可以聯絡GP安排。
用於初生嬰兒上的Hearing Test叫做AOAE(automated otoacoustic emission)，方法係將一個小耳筒放入BB耳朵中，亦播出聲音睇下佢有無反應，測驗時間只需要幾分鐘。
以上測驗並非強制性，但是NHS強烈建議一定要做，而且係免費的，作為家長，我諗唔到有咩原因唔去做。
兒童的Hearting Test階段
同初生嬰兒唔同，由於小朋友已經有一定自覺能力，所以測驗方法及內容亦有調整。而當中有分左2個Level:
- 9個月至5歲 – 如果係初生嬰兒時已經做過Test，一般都唔再需要係依個時段再做測驗，tocuhwood當年有咩問題或成長中發現小朋友聽覺有問題，可以聯絡GP安排Hearing Test。
- 4-5歲 – 通常會由學校負責做Hearing Test，亦有機會由其他Centre負責。係唔係個個都要做? 唔係，因為NHS網站只係講明 “Some Children”需要做，而標準係咩，網站就無詳細資料。
兒童的Hearting Test內容
NHS網站就列明左有幾個測驗方法，不過編輯F個女亦唔係全部都有做，可能係護士會根據年齡做決定用咩方法可以達到最準確測驗結果。以下係編輯F個女有進行的測試
- 檢查耳窩 – 用小電筒照耳仔，睇下耳窩發展有無問題
- 鼓室測試(Tympanometry) – 用一部小型機械將微風+聲音打入耳仔，睇下耳朵反彈返來的聲音。如果機械上顯示係一條直線，即代表有問題，如果係有高低，即代表聲音有正常被反彈。
- 透過遊戲測試(Play audiometry) – 護士姐姐拎左個類似棋+積木的玩具出來，一開始先會教點玩，就係聽到聲音之後將個積木放係任意一個凹位，初時係會比小朋友睇到護士姐姐幾時撳掣播出聲音，之後試左幾下之後小朋友就需要帶上耳機，估計係會分左右耳測試，不過由於小朋友係可以用視覺睇到護士姐姐撳掣，所以有就算聽唔到野，都有機會識放好個積木，因此，帶上耳機試左幾下無問題之後，護士姐姐就用遮住唔畀佢睇到幾時撳掣，來來回回大概試左放左25次左右，測驗就完成。不過護士姐姐有講明呢個測試未必適用喺所有小朋友，因為有啲小朋友會比較怕醜所以就未必可完成放置積木呢個任務。
編輯F個女就只測驗左以上3樣，加埋問病歷等等，時間只係用左15分鐘左右，整個測試就完成，托賴寶貝女聽覺完全冇問題。離開之前有問護士姐姐仲需唔需要再嚟中心做測試，護士姐姐話你小朋友一切正常所以就唔需要再返嚟測試了，Yeah!
NHS網站亦提到有其他測試方法，包括視覺強化測試（用於6個月至2歲半）及純音測試及骨傳導測試等等，會按唔同個案需要亦安排相關測試。詳情可以參考網站 – https://www.nhs.uk/conditions/hearing-tests-children/
相關閱讀: