係香港嘅朋友年初4仲係放假，可惜係英國的小公關聽日星期一又要開工了(其實年初一係星期五都有開工)，不過好在我仲有廿幾日有薪假期未放，聽落係唔係好爽呢? 其實係英國黎講廿幾日有薪假期都係基本野黎咋！
公眾假期 – 英國vs香港
2021年香港嘅公眾假期有17日，而英國嘅公眾假期只有8日，事實係少咗一半有多，不過法律規定英國打工仔第一年已經有28日有薪假期(一星期返5日計)。以年資計，香港人要連續返年工先可以同英國打個和(17+9=28 )，但係如果你轉工就要重新計過了。係英國返Part-time一樣受依條條例保障，要知道自己可以放幾多日，就可以透過英國政府提供嘅holiday entitlement calculator去計算 – https://www.gov.uk/calculate-your-holiday-entitlement
英國有薪假期需知
不過英國有薪假期有一點要留意係，僱主可以選擇將8日公眾假期計埋係有薪假期內。但係如果你上Indeed/Reed搵工(相關文章: 英國搵工網站(上))，當中都有唔少僱主會將2個假期分開計，所以都有唔少超過30日假期工作比你揀，但都提提大家係簽僱傭合約之前睇清楚。
香港公眾假期雖然多，不過姐係代表全香港人都同你一齊放假，到時去邊都會好多人，而且計劃去旅行就要精打細算一點，甚至要搶機票。而英國有薪假期就flexible得多，唔少公司仲可以買/賣假期，要計劃去玩都易好多啦！仲有2021年英國公眾假期好多都係星期一或者星期五，long weekend去玩又慳多2日假期。
資料來源：
其他關於英國假期的文章: