小書僮細個都係香港一啲比較催谷嘅小學讀書，結果係覺得辛苦嘅，真正鍾意讀書係中四開始，因為卒之唔需要係屋企用摺檯仔(因為去左自修室溫書)做功課，同埋學識左讀書方法之後。記得人生唯一一次補習，係上一對夫婦一齊教嘅A-level Geography，當中當然獲益良多，而且只係需要係某段時間一星期上一次堂。如果你問我意見有無需要幫仔女搵補習老師或者做好多補充練習？我會答你：「我唔知道」，因為人人嘅需要唔同，只要唔好過份催谷,同學仔開開心心就好。個人比較主張Happy Learning，但同時都認為知己知彼呢個道理。讀書唔係為考第一，不過如果一早學懂遊戲規則，又的確會事半功倍，實際上又多左時間去玩同休息。正如當年考HKCEE/ HKALE第一樣要學識係睇syllabus；第2樣要學識睇marking scheme。
Table of Contents
剛剛到英國⭐一般家長的擔心
明白到很多家長朋友自己也是剛剛到帶同仔囡移民英國讀書，生活上都有好多唔熟識要適應的地方，本身對英國課程要求亦並非十分熟悉，所以有時都會擔心中學生仔女的升學問題。明白到每個家庭狀況都唔同，小學Happy Learning為主，但如果仔囡好快就要應付英國公開考試GSCE，需要係比較短時間內catch-up時而用力小小都係明白嘅，市面上都有同考試有關嘅網上資源俾大家參巧。今次會用EdPlace嘅GCSE學習資源為例子。
英國GCSE補充資料⭐目的為熟習遊戲規則
的而且確，EdPlace 都係為左幫助中學生應付考試，但佢唔係一個補習班，而係一個提供Supplementary Learning resources 嘅平台，提供左根據英國National Curriculum 要求而製定的網上補充學習資源，EdPlace係學生做完同submit後，大部份就會被自動instantly marked(除左閱讀理解類Open End Question等)，而且仲會即刻有老師一早已預備好嘅解釋提供，可以作為係課堂後嘅複習，學生會比教易明白GCSE特定範疇嘅學習以及考試要求。
⭐學生自定學習目標
其實用呢類學習App嘅好處之一係學生有極大獨立自主性。因為佢地可以用個APP為自己製定GCSE學習計劃。以EdPlace為例，佢係英國GCSE覆蓋學科範圍頗多，包括English, English Literature, Maths, Physics, Chemistry, Biology。而每個科目的補充資料又因為syllabus分得非常仔細。學生可以自己決定係成科入面邊一個topic加多練習，而唔需要全部做哂。
支援家長互動⭐獎勵為本 及指派活動
當學生自訂左學習計劃，亦可以一段時間俾個學習進度report父母，父母亦可以透過App同仔女製定學習獎勵計劃，如果俾我選擇，我會叫媽咪送部Switch俾我🤣。
父母如果認為子女某些科目需要補強，都可以Assign比小朋友做。
Worksheet數量 – 左至右, Maths; English; Science
學生介面
GCSE數學科選項
GCSE英文科選項(部份)
GCSE科學科選項(部份)
收費及應用
去到英國生活讀書，大家都係要慳得一鎊得一鎊，唔好以為咁多資料就一定好貴，其實discount period買個app都係最平每年£99。如果有2個小朋友不過唔同進度又需要分開評估，就要£165。再唔係就就開Free Account試用一下先，不過一個月得5個活動可以做，而£99係可以無限做，其實都真係好抵，如果自己英文唔太好其實都可以學埋一份。
EdPlace 除左網頁版，亦都有Android同埋IOS App。
不過最後希望各位去左英國嘅家長唔好太催谷小朋友，一來英國教育方法同香港不盡相同，而大家離開香港應該都係為左有更開心同自由的生活，如果將香港果套完全帶來英國，又何必呢? 不過，EdPlace的而且確係一個十分好用的輔助平台，如果大家想再了解多啲，可以去EdPlace個網站睇更多資料。
相關文章: