初初移民英國，除非你係千萬富豪，否則多少都會為英國生活費擔憂，如果未有收入又支出不斷，難免多少會令人覺得唔安心，係未搵到工開源之前，節流就係其中一個最簡單直接嘅方法。今日為大家介紹幾個英國Cashback或Reward網站，實行英國慳錢生活。
[20 June 2021]更新最新4個Cashback or Reward網站
-
Table of Contents
TopCashBack
英國最大嘅TopCashBack網站，合作商戶同折扣都係最好，而且Track到嘅成功率好高，就算Track唔到，之後去Claims嘅成功都好高。
英國TopCashBack VS 美國TopCashBack
相信有部分朋友未到英國己經開咗個TopCashBack Account，係到提提大家用Apple嘅朋友，香港App Store D/L到嘅TopCashBack App係美國版來的，要D/L UK版就要轉返去英國App Store先得；另外如有大家係用網站Sign In，記記得係入www.topcashback.co.uk，www.topcashback.com係美國版來的，美國同英國帳號係完全分開的。大家唔好去錯US版到買嘢。
增加成功Track到嘅方法
Apple嘅用戶我信相一般都會用Safari，其實佢有時都會通知大家唔好用Safari，因為用Safari會影響網站Track唔Track到個交易，雖然Track唔到大家都可以Claim返，但成個Cash Back過程就會就會拉長好多。個人經驗用Chrome成功率係最高，暫時未Miss過，所以建議真係買嘢嘅時候改用Chrome。
Reward最大化
Reward到帳嘅錢，大家當然可以選擇直接過戶到銀行戶口喇，但都可以選擇換取現金卷，TopCashBack有超過60間嘅商戶畀大家揀，唔同商戶有唔同嘅Bouns，最多可以有額外25% Bouns。
圖片1: TopCashBack
UK TopCashBack官網：www.topcashback.co.uk
-
Quidco
英國第二大Cash Back網站，基本上Quidco + TopCashBack都包辦咗大部分網站，而且Quidco嘅Cash Back Rate有時會比TopCashBack仲高，所以大家買嘢之前可以先到兩個網站比較下邊一個網嘅Cash Back Rate比較高。
ClickSnap
Quidco旗下嘅一個Cash Back App，不過ClickSnap係一個針對超市購物嘅App，用法同Quidco唔同，ClickSnap係要你親身到超市購物，買完嘢將單據Upload，跟核實後就會Reward到你Quidco戶口內。大家去Supermarket購物之前就可以睇下有咩嘢自己啱又咁啱有優惠，提提大家，有時甚至係免費的。£1.75嘅杯麵Cash Back £1.75畀大家。
圖片2: Quido
圖片來源: https://www.quidco.com/
Reward最大化
同TopCashBack一樣Reward到帳嘅錢，大家可以選擇直接過戶到銀行戶口，但同時大家都可以選擇換取現金卷嚟賺取額外嘅Bouns。
圖片3: Quido
圖片來源: https://www.quidco.com/
Quidco官網：https://www.quidco.com/
-
SWAGBUCKS
同之前TopCashBack同Quidco唔同，前者兩個都係靠消費Reward，但係SWAGBUCKS就主力係儲積分（SB）換Gift Card或現金卷 (可以選擇出Cash到PayPal戶口)
做Surveys賺積分
同TopCashBack同Quidco最大嘅分別係SWAGBUCKS除咗可以購物賺積分之外，大家仲可以做Surveys賺積分，又或者做某啲Task就可以嚟賺積分，就好似Sign-up Prime Video免費試用30日等等。。。。。。
圖片4: swagbucks
圖片來源: https://www.swagbucks.com
SWAGBUCKS唔好用？
首先SWAGBUCKS合作嘅商戶不及前兩者多，Reward rate亦不及前兩者高，除非係SWAGBUSKS獨家商戶，否則買嘢正常都會用TopCashBack同Quidco。SWAGBUCKS最大賣點應該係做Surveys同做Task嚟賺積分，如果大家有時間又唔太介意自己啲喜好畀人收集，又唔怕煩裝App申請Account嚟做Task，用SWAGBUCKS嚟賺啲零用錢是可以的。
SWAGBUCKS官網：https://www.swagbucks.com
-
Airtime Rewards
相信哩個比較會少人識嘅Reward Program，可能因為佢唔可以直出現金，Airtime Rewards 嘅 Rewards只可以用嚟幫大家交電話費，而且合作商戶比較少，所以大家覺得佢無乜用忽略咗佢。但其實Airtime Rewards勁好用。
Airtime Rewards有咩好？
Airtime Rewards同上面介紹嘅最大嘅分別係佢個系統，樓上介紹嘅都主力係要經佢哋個網站進入商戶購物，佢哋Track到你個交易就會回贈比你；Airtime Rewards個玩法係你入個App登記咗你常用個張信用卡（登記晒所有信用卡都可以）之後你基本上就唔駛理佢，以後只要你用登記個張信用卡係合作商戶消費即可，包括Online Purchase 同 In-Store。你基本上唔需要刻意去搵有邊間係合作商戶，隨時自己賺咗Reward都唔知。
自制雙重優惠
Airtime Rewards最大嘅好處係佢On Card嘅玩法，因為佢唔需要經任何Link進入合作商戶都你可以Track到你條Trade，所以大家可以使用Topcashback或者Quidcor嘅Link去買嘢，假設大家去Foot Locker買嘢，Online Purchase超過£150就有10% Cash Back，只要你埋單嘅時侯係用登記嘅信用卡，咁Airtime Rewards就會有3% Cash Back，變相由9折變87折。
圖片5 & 6 : Airtime Rewards
圖片來源: https://www.airtimerewards.co.uk
Airtime Rewards官網：https://www.airtimerewards.co.uk
[20 June 2021]更新最新4個Cashback or Reward網站
之前為大家介紹咗4個CashBack App，今日再為大家介紹另外4個Rewards Program，希望繼續為大家慳得一蚊得一蚊。今次介紹哩4個有三個都同之前介紹嘅有啲分別，想知有咩分別就Click入我哋個Blog睇下喇!
Admiral Rewards
由Admiral Group營運嘅一個Rewards Program，Admiral Group本身係一間英國嘅保險公司，主要提供汽車、家居同旅遊保險，嚟到英國有買過以上保險嘅朋友都可能對Admiral唔會太陌生。
Admiral Rewards點玩法？
Admiral Rewards個Rewards方法同樓上介紹嘅Airtime Regards有啲似，Airtime Rewards就用嚟交電話費，Admiral Rewards就用嚟交保險咁解，咁當然喇只可以用嚟交Admiral自己公司嘅保險喇。你嘅Rewards會係你每次買新保險或續保嘅時候就會退到你嘅銀行戶口入面。
點解用Admiral Rewards？
都係個句，一般嚟講都係會用TopCashBack同Quidco，不過Admiral Rewards如果用獨家合作商戶點解唔照賺咗先？另外Admiral Rewards一樣有On Card哩個玩法，之前就試過Morrisons推出優惠，直接去Morrisons買嘢用登記Credit Card埋單有10%回贈。所以反正都要買，贈咗Rewards，就算而家唔係Admiral客戶，都可以睇下之後有無機會轉會可以用到。
意外嘅雙重優惠
之前同大家介紹Airtime Rewards最正係On Card嘅玩法，雖然Admiral Rewards主要都係經佢入面啲Link去買嘢之後賺Rewards，不過佢一樣有On Card玩法，我之前就試過係我唔知清嘅情況下兩知Program一齊賺到Rewards。
我之前都講過，On Card嘅好處係我登記完之後唔洗理，只要不停用同一張卡消費就可以，隨時賺咗Rewards都唔知，下面就係一個例子，我當日去咗Q Park泊車，我事前都唔知Airtime Rewards有Rewards，點知之後Check先發現當時原來當時Admiral Rewards都可能做緊On Card嘅優惠（點解係可能，因為我發現個陣已經無咗哩個Promotion），個次泊車變相有4% Discount。
Admiral Rewards官網：https://www.admiralrewards.com/
Shopmium
哩個可以話係去超市必備App之一，Shopmium同之前介紹嘅Program唔同，佢唔係經Link入買嘢，亦唔係用On Card方法去追蹤你買咗咩，Shopmium係要你買完嘢之後，憑收據Claim錢。只要你每次買完嘢，返到屋企打開個App，影收據Scan Barcodes就可以收到錢，啲錢會直接入返去你登記嘅銀行戶口入面。
優惠低至免費
其實Shopmium用法好簡單，就係你出發去買嘢之前，Click吓你要去個間有咩係做緊優惠，入面都係一啲牌子做優惠Try For £1 or £0.5，有時甚至係免費。
有咩要注要？
用Shopmium有幾件事想提提大家：
1. 大家買嘢之前最緊要確認你買果樣物品係唔係做緊特價，另外就係產品嘅味道同Size，因為你買錯Size就Claim唔到錢架嘢喇。最簡單嘅方法就係買之前入咗個App用個Check a Barcode Scan吓件Product，如果係做緊優惠，就會即時Show出嚟，咁就一定唔會錯。
2. 出發前最好Check一Check你準備去個間超市是否有個樣Product出售，因為就算個優惠係Tesco做緊，亦唔代表每一間Tesco都有個樣Product出售。
3. 最後一樣好重要，就係大家每次買完嘢之後，最好即日就做晒成個Claim錢程序，每次優惠都有時限，大家啲產品就算係優惠期內買，但只要優惠期一過，就唔會再搵到個樣Product個Item出嚟Claim錢架喇。希以大家緊記今天的事今天做喇。
Shopmium官網：https://www.shopmium.com/uk/
Green Jinn
Green Jinn嘅用法基本上同Shopmium一模一樣，入面都係唔同Product做嘅優惠，一樣有Product係畀大家免費試用。大家可以兩個App都裝晒，每次去超市之前，連同我嚟緊介紹嘅App同之前介紹過嘅ClickSnap，四個App都睇下，咁隨時每次都慳唔少。
Green Jinn官網：https://www.greenjinn.com
CheckoutSmart
用法同Shopmium、GreenJinn大同小異，版面設計同用法甚至產品優惠都同Quidcor嘅ClickSnap極為相似（但小編唔肯定CheckoutSmart同Quidcor有無關係）。免費試用嘅Product當然唔少得。
有咩要注要
一）你會見到有時CheckOutSmark同ClickSnap有同一樣Product同一時間做緊優惠，但我唔建議大家嘗用同一張單兩邊Claim，小篇就未試過亦唔打算試，始終唔知會有咩後果，避免因小失大。
二）CheckOutSmart Cashout有小小條件，就係如果Cashout個銀碼唔夠£20就會有5% Transfer Fee。所以建議大家存夠£20先一次過Cash Out。
Cashback或Reward必須留意的地方
TopCashBack同埋Quidco都必須要經由佢地網站條Link過去目標網站買野先會有Cashback record，不過你都可以事先去到想買野既網站add哂想買嘅產品去購物車先，之後先經Reward網站條Link去埋單。如果唔記得咗經佢地條Link去，真係十分抱歉喇，係唔可以返手Claim的，所以埋單之前記得Check Check!
總結
自己學到之後最緊要分享埋比另一半知，根據個人經驗，有時候另一半買左野之後先發現有Cashback無去Claim，真係會好揼心! 另外既然有方法可以慳錢，就千其唔好錯過喇!