英國垃圾處理及回收安排

Chapter2 Editor

4 年 ago

BNO Visa移民嚟到英國，生活上乜都要重新適應，生活習慣，飲食乜都要慢慢適應，其中一樣香港人嚟到要適應嘅可能係倒垃圾。喺香港，你每日有垃圾掉出垃圾站攪掂，嚟到英國，依個習慣一定要改。由其大部份朋友一入伙都會需要買大量傢俱及電器等等，會製造大大小小嘅垃圾，如果處理不當，唔幫你收垃圾之餘仲有機會罰錢嫁!

Table of Contents

Toggle

House的家居垃圾安排

就住House黎講，正常每間屋會有兩個垃圾筒畀你儲起啲垃圾，一個係for家居垃圾，另一個係for可回收垃圾，而有唔少地區基本上一個月只收4 – 6次垃圾。如果你做好垃圾分類嘅話，隔個星期收一次家居垃圾（天氣唔太熱果時）應該無乜問題，但係可回收垃圾就有問題了，如果你每一樣嘢都儲起之後等回收，都幾肯定一個星期左右就爆筒（當然你可以同Council 申請多一個筒喇，畀錢解決問題）。

太多垃圾的處理方法

如果真係太多垃圾，可以揸車拎去回收中心，但係有D回收中心係要預約咗先可以拎啲垃圾去，唔係你想去就去。咁仲有咩方法可以解決呢？其實一般大型嘅Supermarket 都會設置就唔同類型嘅回收箱，有啲分類仲會好仔細。個人嘅做法係記低邊間Supermarket 可以回收邊類型嘅垃圾，去開就可以順手拎埋啲垃圾去回收，咁就可以減少屋企啲垃圾囤積喇。

其他大型垃圾安排及懲罰

另外亦有部分Council係容許將啲大型紙皮整齊放係個回收筒隔離，等待清潔工人一次過回收，不過哩個做法並非個個Council都容許。所以大家最好了解清楚先咁做，甚至有部份Council連個垃圾筒滿晒關唔到個蓋都要罰，輕則唔幫你收，重則罰錢，所以大家真係要好好上番Council Website了解你哋個社區。如果你有其他大型垃圾，有時候係你買新item時，加錢比送貨公司可以幫你做埋回收，依D錢建議唔好慳，到時要你自己去掉仲費時失事，到時最後又係比錢Council解決問題。