到英國超市逛行買食物以及生活日用品基本上是日常生活中最重要的一部份。今次會為大家介紹英國超市黃色減價標籤Hunters!配合適當時機，找尋貼有黃色減價標籤的英國超市必買好物，每餐慳夠2鎊錢 長期節省英國生活費。
Table of Contents
英國超市的減價標誌- 黃色減價標籤 Yellow-Sticker Bargain
每次小書僮去日本旅行的例行動作，就是8-9pm百貨超市關門前狂掃半價便當、刺身，樂此不倦地誓要食返張機票錢返來。而今日小書僮就會同大家講吓英國超市嘅「Yellow-Sticker Bargain」,又稱「Whoopsie Deal」,即係超市減價嘅黃色標記，只要見到呢張貼紙就代表該產品有折扣優惠。與日本的超市不同的是，英國超市降價唔一定係收舖前，所以如果大家決定要做個精打細算嘅當家，真係需要慳得1p得1p，全天候為降低英國生活成本作戰係絕對必須架，1日慳多2鎊，成個月就差不多60鎊，小數怕長計。
會提供折扣的超市好物1: 快將過期食品
英超食品絕對係減得最多，而愈接近過期日就會愈便宜，為左促銷加上減少浪費，分店經理有時仲會一減再減。好多英國超市都設有一個貼滿Yellow-Sticker食品嘅特價專櫃，大家只要好優雅咁行埋去睇睇，就會見到裡面有林林總總嘅減價食品，原隻肥雞 (whole chicken)、牛肉丸 (Beef meatball)、黃鰭吞拿魚魚柳 (Yellowfin Tuna Steak)、乳酪、麵包、Pizza、用來塗三文治無得輸嘅 Three Cheese & Onion等等都應有盡有，絕對係英國超市必買必睇嘅一part。如果當日收工順路經過去買當晚或第2日要煮嘅餸都幾划算。而另外壞左小小包裝嘅食品，如果係無影響食物質素嘅情況下，店員有時都會貼張Yellow-Sticker上去促銷。當然，大家一定要注意食用日期，雖然降低英國生活費係重要，但始終健康絕對係第一考慮。
會提供折扣的超市好物2: 過氣應節日食品
12月個時大家有無發覺英國嘅節日糖果包裝好精緻呢? 實在係入親去都見到海量嘅聖誕朱古力同糖果。但當節日過去，為左應節而生產嘅包裝食品對顧客的吸引力就會大減(試想下大家呢刻過左農曆新年見到年糕蘿蔔糕會唔會超想食就不難理解了)。而印有今年過節包裝嘅朱古力、糖果又未必可以留到去下一年賣，所以一般係復活節、萬聖節同聖誕節之後，朱古力、糖果零食就會湧現Yellow-Sticker，減價促銷，如果大家屋企有地方，係絕對可以買定一堆英國超市必買零食架。當然高糖食物大家都係需要有節制。
英國超市的減價幅度有多少?
真心吸引。由5% off到80% off小書僮都見過。當然真係每次都唔同，好似相中嘅Whole Chicken，原價£5減到£3.50；魚塊由£2減到£1.26。呢餐餸小書僮已經慳左£2.24，呵呵。
時限黃色減價標記出沒注意，適當運用即可節省英國生活開支小攻略：
- 每間超市貼Yellow-Sticker時間大不同 ，小書僮觀察各大英國超市嘅店員大概係呢段時間開始貼Yellow-Sticker，大家去啱時間會增加執平貨機會。(只係小書僮個人經驗，間間都有幾會唔同)
- Morrisons – 早上11點鐘開始有Yellow Sticker，個人最愛買佢嘅肉類食品
- Asda – 晚上7點-至收舖
- Tesco – 早上8點最多；另外仲有1日就過期嘅食物減最多
- Sainsbury’s – 下午1點後開始減午餐食物，7折左右；夜晚8點打後食品就開始有Yellow-Sticker
- Aldi- 一大早去係最多Yellow-Sticker，夜晚8點又有一堆出現
- 唔好怕醜，主動尋找「黃老太」(為左令大家天易明小書僮又出賣自己年齡秒密)。如果大家係傍晚去買餸剛巧見到有當日到期嘅食品時，可以唔駛太怕醜，主動又禮貌地問下拎住支「yellow-sticker gun」嘅店員會唔會名以貼張Yellow-Stick 落去，因為幾時貼、可唔可以貼減價標籤分店係有比較大嘅自由，有機會不妨禮貌地詢問，以小書僮有限嘅英文通常會講”Excuse me, Sir (or Ma’am), may I ask if your store may consider to slap a yellow sticker to this please because by chance I notice this is quite close to the last best-selling date?, Thank you”。其實都係以前嘅同學仔教我講，大家應該可以講得好，覺得自己講得唔好就唔講就唔會進步，呢度無人會笑你講得唔好，不過最緊要都係要禮貌，店員唔係老馮幫我地架
英國日本網上超市
大家應該很想念日本食物吧，其實英國都有網上日本超市 Japan Centre，銷售日本食品以及零食，而且他們亦會定時推出鬼價產品，如果大家想知更多可以參功我們另一篇文章《英國日本食材及雜貨店 Japan Centre 日本米特價中》
https://www.japancentre.com/en
希望以上小小嘅經驗可以幫到大家初初移民來到英國可以減省生活費用啦。