你有你的沙嗲牛麵我有我的香腸薯蓉英國傳統菜式你要知

Chapter2 Editor

4 年 ago

入鄉隨俗，係基本禮貌，移民到英國，就要放開心胸去學習當地文化。唔少香港人對英國飲食文化都有基本嘅認識，但係英文飲食文化的底蘊，可能比你想像中深厚，以下我地將會介紹係香港比較少見但又係英國大眾化的幾道傳統菜式。

點解要學習英國飲食文化?

英國菜式雖然未必好似香港傳統茶餐廳食物咁多元化，又或者未必啱你口味，但係請記得而家你移民咗去個新地方，你就有必須接受當地嘅文化，就算覺得唔啱食，可以選擇其他食物，千祈唔好去詆毀人哋傳統食品及文化，其實有時除咗味道，感情/情意結成份亦好高，係某人的Comfort Food。

除咗大家都知道嘅Fish & Chips同埋English Breakfast，今次分享下五款英國傳統菜式，大部份18世紀已經開始流傳，到時同英國新朋友出去食飯或受邀到家中作客，都可以多一個話題打開對話匣子。

Bangers and Mash – 唔少人會叫佢做Sausage and Mash，顧名思義就係就係香腸加薯蓉配肉汁丁及青豆/炸洋蔥，香腸口味無規定，簡單直接，幾乎每間餐廳都可以點得到，就算喺屋企整都會好容易。
Sunday Roast – 唔少英國人都好鐘意依個菜式，因為通常都係星期日成家人一齊食，食味道又食感情，而且唔少餐廳仲係星期日限定提供，高級餐廳賣到20-30鎊都有嫁。材料包括有燒過嘅牛肉/雞肉/羊肉/豬肉 + 燒過嘅薯仔 + Yorkshire Pudding (有朋友覺得似鬼佬油炸鬼)+ 一堆雜菜 + (都係)肉汁。
Toad in the Hole – 以賣相為名，中文直譯係洞中的蟾蜍，又係香腸同埋Yorkshire Pudding。其實香腸唔一定係Cheap野，歐洲都唔少高級香腸。通常都係早餐，因為好快同易整，成條腸就好似鑲咗係Yorkshire pudding 中，Yorkshire pudding負責吸哂D油脂，Yummy!
Shepherd’s Pie – 雖然佢叫批，不過無麵粉做嘅批皮。主要材料係薯蓉 + 羊肉，如果用牛肉就叫做Cottage Pie，另外仲有菜，一睇就知係飽肚野。
Steak and Kidney Pie – 主要材料牛肉 + 牛腎，今次依個批有酥皮喇，重口味，家常菜，家的味道。