甜品喺英國日常飲食文化當中佔有一個非常重要嘅地位，無論平時大家喺超級市場買餸又或者出去餐廳食飯都會見識到種類繁多到令人花多眼亂嘅甜品款式，當然同香港嘅「糖水文化」截然不同。來到英國生活，自然都應該好好認識下本地嘅甜品文化，如果大家不嬲對整餅有興趣，呢個搵咗本地英式蛋糕製作高手嘅The Cake & Bake Show應該都會幾適合大家去參加。
Cake & Bake Theatre 專家示範蛋糕製作
係呢個節目入邊最令人期待嘅其中一個項目就係全日車輪式有唔同英式蛋糕製作專家喺台上面親自為大家示範點樣整好好味嘅蛋糕，當中例如有Edd Kimber “The Boy Who Bakes”、”Rosemary Shrager’s Very Cheesy Scones”等等。如果大家本身對甜品製作已經有一定程度嘅認知相信對大家嘅蛋糕製作技巧都有一定嘅幫助。當然如果大家冇喺香港做開蛋糕製作都唔緊要，呢個係一個好嘅機會俾你帶埋小朋友一齊去睇睇英國本地嘅蛋糕製作技巧同埋文化。
除咗蛋糕製作之外，編輯G覺得另一個己幾有興趣去睇嘅環節就係Sugar Craft Stage，就係點樣去用糖去裝飾個蛋糕嘅一啲技巧，咁大家喺整好好味蛋糕嘅同事又識整到個蛋糕靚靚。
圖片來源: https://www.thecakeandbakeshow.co.uk/london/whats-on
The Cake and Bake 仲有咩玩？
除咗入場睇表演之外其實呢個節目都有啲似美食博覽，裏邊有Market Stands大家除咗可以喺裏面買到好好食嘅蛋糕甜品之外，仲可以睇到好多整蛋糕嘅器材而且仲會有參展商我大家示範點用，正所謂「工欲善其事，必先利其器」如果大家閒時都鍾意喺屋企已製作甜品為興趣嘅話，都可以考慮吓為自己屋企個甜品武器庫添置「架生」。除咗買嘢食之外呢個節目仲有Champagne and Nail Bar，女士們係行到攰攰地都可以入去飲杯香檳同埋整吓指甲。
免費英式甜品食譜
Apple Desserts, Strawberry cheesecake, Loaf Cake, orange pudding 真係聽到都覺得甜，其實係官方網站上面都放咗好多呢類英式甜品嘅免費食譜，大家如果有時間而且佢嘅興趣自己屋企想做吓英式蛋糕製作等第日可以招呼下朋友，都不妨去下面條link睇睇呢啲呢啲英式甜品食譜。
https://cakeandbakemix.caboodleai.net/en/article/22031/20-easy-apple-desserts
The Cake & Bake Show 詳情
日期: 2021年10月1至3日
地點: ExCeL London
入場門票價格：成人£15.00，60歲以上長者及學生£13.00，7-15歲小童£9.50，6歲以下免費入場，詳情可參閱
The Cake & Bake Show入場門票網站 by Seetickets。
相關文章: 我要做女王之Scone英式鬆餅