善用閒置空間賺取收入英國另類迷你倉及車位租賃平台Stashbee

Chapter2 Editor

4 年 ago

用閒置空間製造收入？香港樓價寸金尺土，唔好話閒置嘅地方，唔駛額畀錢外租個迷李倉擺嘢就已經好好了。但係移民英國之後情況就可能唔一樣。雖然有理由相信大部份BNO Visa移民英國嘅香港朋友都會揸車，不過應該都會有小部份唔會揸車嘅，如果你個租/買盤咁啱有車房，白白丟空好浪費，咁有咩途徑可以利用空間創造收入呢？

同時間中會都見到有移民英國仲住緊BnB嘅朋友未搵到租/買盤，但係家當船運已經到埗，與其放係船公司個倉，有無諗過短租個近D又可以自由出入嘅倉去存放家當呢?

Table of Contents

Toggle

Stashbee 係乜嘢？

Stashbee係一個類似租用迷你倉/車位嘅共享經濟配對平台，畀大家租用其他人嘅閒置空間，大家可以因應自己嘅需要去選擇自己租咩類型或大小，包括車位、車房、空置嘅房間、閣樓、地牢、貨倉等等… 咦！又話賺額外收入嘅？唔駛急。既然你可以租人哋嘅閒置地方，你當然都可將自己閒置嘅地方開放出去。

出租要查嘅三件事

1）如果你層係自住物業是有做按揭的，咁就要記得Check下份Mortgage Agreement容唔容許你咁做；如果係租嘅就要查下你份Tenancy Agreement容唔容許你分租個單位出去。

2）向保險公司確認保單條款是否容許你出租你家中的閒置地方，有部分保險公保單範圍係覆蓋”Sharing Economy Activities”，所以大家出租閒置地方是記得再同保險公司確認一下。

3）出租閒置地方嘅收入係有機會要交稅的，所以大家記得Check清楚到底你哩份額外嘅租金收入到底要唔要交稅，避免因小失大。

點樣開放自己嘅地方去畀人租？

其實Stashbee嘅用法好簡單，首先輸入自己所屬地區嘅Postcode，網站就會跟據你輸入嘅地點，閒置地方嘅類型及空間大少等因素，按市價大約估算你一年可以賺到幾多錢。

下圖以好多香港人的選擇嘅Solihull為例。如果你有一個200尺閒置車房出租，一年就可以賺到大約£1416。

申請一個帳號之後，輸入完整嘅Postcode，再填寫閒置地方嘅資料，包括類型，樓層，以及你容許使用嘅用途，另外你都要填寫你出租嘅閒置空間有咩保安設施同基本設備。（哩個絕對會影響用家嘅選擇，因為如果佢想租嘅地方係用嚟Storage，你個地方係一項保安設施都無，相信佢都未必會租。）仲有出租閒置間嘅大細、街景圖同相、簡單介紹。

之後就係要Set使用嘅條款，包括使用者嘅使用時間（包括：Anytime, Prior Notice Only, Specific Hours or Drop-off Only）, 同使用者可以點進入佢哋租用嘅地方。（With a Key/Fob/Pin Code/Fingerprint Scanner or Access is grated each time）

只後就到設定價錢，佢會有個建議定價畀你，決定後Stashbee會直接Show埋畀你睇扣除佢哋個Service Fee之後每個月你可以實收幾多錢。Service Fee中包括咗兩個相信係大家最關心嘅情況 – 租客遲交租，甚至唔交租的處理費用，同時亦包括咗保險），大家亦可以設最短租約時間、每次Booking是否都需要你去Confirm等等。最後做埋ID Verification就可以將大家嘅閒置地方上架。

如果租客儲存非法物品會點？

哩個應該係每個房東最擔心嘅問？會唔會有咩法律債任？哩個大家可以放心，由於租客係確認租在地方之前都要簽租用合同確認不會儲放任何非法物品，因此房東都唔會有任何法律責任。假設租客租違反合同儲放任非法物品，哩個將會係租客同警察之間嘅事。

Stashbee對租客可儲放嘅有一定嘅規限：

雖然名義上租客可以儲存任何合法嘅物品，但基於安全及衛生問題，Stashbee都將部分物品列為禁止存放，任何種類的食物，飲料或易腐爛物品、任何活著或曾經活著的東西，包括動物，植物，昆蟲，真菌或細菌等等⋯⋯ Stashbee亦避免租客存放嘅物品有機會影響房東，任何會產生噪音的東西都被禁止存放。詳細禁止存放名單如下：