隨著歐洲各國疫情漸趨穩定，疫苗接種比率上升，歐洲多國亦準備放寬旅遊限制，熱愛旅遊嘅大家可能已經開始籌備疫情過後嘅旅程。香港人放假除咗去第二個家鄉日本之外，我相信泰國都係其中一個最多人選擇嘅地方之一。陽光與海灘好多人都鍾意，不過移民嚟到英國，無理由下下都山長水遠飛返去泰國，更何況歐洲一樣有大把地方有陽光與海灘。但係泰國哩啲香港人去慣去熟就緊係容易攪，但初嚟到英國，歐洲有咩渡假勝地，邊到有渡假酒店，邊到有陽光與海灘，又要重新再做功課，今日就為大介紹一個一站式訂機票連酒店嘅網站On The Beach畀大家。
Table of Contents
On The Beach的用法
On The Beach個用法都真係幾User Friendly，大家只要輸入想去邊個國家（無特別想去嘅國家或地方就直接揀Anywher就OK）、揀出發機場（哩Part就係幾好，你要知道英國唔同香港，英國係有好多個機場，如果你住Leeds要去London上機都唔講得笑，哩度就直接箍走你附近機場無直航嘅選擇。）、邊日出發要去幾多日同有幾多人去，網站就會晒附合你嘅選擇你。不過留意On The Beach只提供酒店選擇，係無BNB的，不過講明「渡假」，比人服侍就最好了。
酒店經營時間提示
唔同東南亞地方一年大部份時間都適合陽光與海灘，有部份地方嘅渡假酒店只會係某段時間內營運，當你揀地方嘅時候，你揀個日子同渡假酒店嘅營運唔夾嘅時侯，網站會直接話畀你知，等你唔駛浪廢時間去睇。
出完大量結果之後，大家可以再按自己需求篩走啲唔岩心嘅，除了用可以用國家、Holiday Type等基本選項，網站可以按航班要求去篩選其實真係幾貼心，小編就好憎轉機，自己就一定篩走晒所有要轉機嘅選擇先慢慢揀。大家甚至可以揀用航班時間嚟做篩選條件。
Book酒店外的服務
話明係一站式嘅網站，當大家揀完心水渡假酒店之後，仲可以係網站入面訂埋機場到渡假酒店嘅接送服務同直接買埋旅遊保險。但哩度買啲旅遊保只有基本保障，如果大家覺唔夠就要自行購買。（買保險前格價，詳情請看：https://hkersuklife.co.uk/16/06/2021/daily-life-2/4208/）
行李限制
另外有一點要提提大家，由於經On The Beach訂嘅機票都係廉航，一般只係包一個Hand Carry Bag（40x20x25cm）。所以大家可能要因應自己嘅需要加返適當嘅行李數量。
分期付款
最後佢有一個一個類似分期嘅付款方式畀大家去揀，有部份可以分4期，有啲就只可以分2期，每期分期要畀£4.95 Admin Fee。最後一期大約係總數嘅一半會係出發前一個月先要畀。
On The Beach網站: https://www.onthebeach.co.uk/
