新手滑雪裝備介紹及係英國邊道有得買?

Chapter2 Editor

3 年 ago

對大部份長期住係亞熱帶既人，滑雪係一件好新鮮的事，雖然大家有機會去過鄉下(日本)及南韓滑雪，但係相信大部份人經驗都唔會太多，琴日就介紹左英國可以戶外滑雪的地方，亦有提到英格蘭大部分雪場內都無滑雪用品和衣物出售，所以今日就簡單分享新手滑雪裝備介紹及係英國邊道有得買?

滑雪的基本裝備及其注意事項

戶外滑雪有一定風險所以選擇正確使用及穿著護具係十分重要，以下為基本裝備及其注意事項

冷帽/頭套

就算雪山去唔風大，你滑雪的時間都會有風，keep住比d咁凍既風吹住好易頭痛。如果係初學者會帶頭盔，就要揀比較薄的冷帽/頭套，不過冷帽最主要都係揀款式，所以隨自己喜好揀就OK

護目鏡/雪鏡

由於白色的雪會反射紫外光，有機會造成眼睛不適，嚴重起來更有機會導致雪盲，除此以外亦有擋風擋雪擋雨的作用，要留意鏡片嘅防霧功能。

頭盔/安全帽

對於初學者嚟講跌到係家常便飯，所以必須配戴頭盔，而且亦可以保護耳朵避免凍傷。

面罩或頸巾

保暖主要裝備，因為喺滑雪時速度會令溫度會變得更低會更易造成凍傷，一條頸巾可以令你感覺溫暖好多，不過留意不應該用長頸巾以避免勾到樹枝等障礙物。

手套

如果空手接觸雪會極速帶走你身上嘅熱量，好容易就會造成手指僵化等，而且喺滑雪嘅時候如果跌倒，帶咗手套亦都有保護作用能減輕受傷的程度，所以基本必須揀防水手套。

滑雪外套

滑雪外套主要有四大功能，包括 i)保暖 ii)透氣 iii) 防水iv)防風。唔好以為喺咁凍嘅環境滑雪就唔會出汗，其實滑雪運動量極大，所以出汗的機會唔細，因此必須保持身體乾爽，否則好易凍親。

相關交章: 英國防水外套品牌介紹

滑雪褲

滑雪褲同普通褲唔同，首先通常都會闊身d，而且因為需要包住滑雪鞋，防止雪整濕鞋的內部，所以通常會喺褲腳位置有索帶可以索緊

Heattech 保暖內衣

一件保暖功效強勁嘅發熱內衣可以令你著少幾件衫，咁喺滑雪嘅過程中就不會過份臃腫，保持靈活性。而且進入室內時，除低咗外套後，亦都唔會感覺太凍。

長襪

有專為滑雪而設嘅長襪，通常長度會到膝頭下方而且必須要長過雪鞋。亦會喺啲容易磨擦嘅位置做加厚，減少同雪鞋的磨擦，所以唔好以為著普通襪就可以。

滑雪鞋

首先你要知道你係想玩Snowboard定係傳統滑雪，因為兩者嘅鞋並不一樣。一般傳統雙板滑雪鞋都會比較硬及高身，穿著比較困難，不過會有更好嘅保護效果。Snowboard滑雪鞋方面，通常比較矮身及比較舒服，所以好多人都鍾意玩Snowboard。但係留意而家並沒有一對鞋可以做到傳統雙板滑雪及Snowboard同時應用。

雙板滑雪板及單版Snowboard

雙板滑雪板即是傳統的滑雪工具，左右腳分別都會由一塊板，而且行走時係唔需要脫板。Snowboard就係由單一板塊構成，如果大家有玩過滑水(Wakeboard)，基本上差不多如果要行嘅時候就通常要除鞋。

雪杖

主要會用於雙板滑雪用嚟改變方向及加強平衡力

英國係邊買滑雪裝備?

以上12種就係滑雪的基本裝備，咁究竟係英國可以係邊買到呢? 以下有2間大家應該已經十分熟悉，而且我地亦有文章介紹過，另外亦會介紹幾間比較大型的滑雪用品專門店。

Decathlon

Website: https://www.decathlon.co.uk/sport/c0-sports/c1-skiing/_/N-1n3duu

戶外活動零售王者之一都唔需要我多介紹，如果係新手又想有自己裝備同時又唔想買太貴既品牌，可以考慮幫趁Decathlon。

Go Outdoor

Website: https://www.gooutdoors.co.uk/skiing/

之後有專門文章介紹過 – 英國戶外用品及服裝零售店 Go Outdoors，有興趣可以睇返。Go Outdoors係一間英國公司，係2016年比JD Sport Fashion收購，喺英國國內有超過65間實體鋪，當然亦都有Online Store – https://www.gooutdoors.co.uk/，係英國最大的戶外用品及服裝零售店之一。價錢方面會比Decathlon貴少少，但係專業程度高D。

Ellis-brigham

Website: https://www.ellis-brigham.com/

專做戶外活動嘅零售商之一，係英國有22間門市，比較多大牌子的選擇，即係The North Face, Patagonia, Salomon, Arc’Teryx 等等。Trustpilot 都有14,500+個review, 評分4.7/5，十分唔錯。

Snow and Rock

Website: https://www.snowandrock.com/

睇個名就知係主打冬季戶外活動的專門店，全英國有17間門市，亦都有Online Store。

Snow Inn

Website: https://www.snowinn.com/ski-store

又係睇個名就知係滑雪用品專門店，西班牙公司，不過就無門市了，只做Online。

英國租用滑雪裝備

始終英國並唔係出名滑雪嘅國家，所以喺英國國內要搵到租滑雪裝備嘅地方並唔係太多。喺外國好多時你可以喺你住嗰間滑雪resort就租到用具，又或者喺機場pick up，但係喺你肯定你對滑雪嘅熱情之前，租用裝備某程度上會更加合理，以下就係2間喺英國國內會出租滑雪裝備嘅店舖及其費用，主要都係出租滑雪板同滑雪鞋比較多，因為衫褲襪等等單價唔貴係可以自己準備