極光彷如黑夜天空上一幅隨風飄揚、色彩燦爛嘅窗廉，唔單止宏偉壯觀，亦令人驚嘆大自然嘅奧妙。好多人以為要睇極光，一定要去到冰島、加拿大、澳洲等非常接近北極或南極嘅地方先至睇到，其實只要緯度夠高，亦有機會欣賞到呢個自然奇景。事實上只要揀啱合適嘅時間和地點，喺英國方都可以睇到極光，今次等我哋俾啲資料chapter2嘅朋友啦！
極光點解會出現，簡單嚟講，是由於來自太陽帶電高能粒子，經過太空接近地球，與地球磁場互相發生作用，令到呢啲粒子飄向南北兩極嘅上空，當呢啲粒子進入大氣層，與高層大氣當中嘅分子或原子碰撞，釋放出能量而產生嘅光芒。雖然極光多數喺接近北極或南極嘅地方出現，但只要緯度夠高，亦有機會見到呢個現象。
熱門極光觀賞地–英格蘭Lake District ,Northumberland , 蘇格蘭Highland
喺英國部分地方，就有機會見到極光嘞。極光喺英國叫做Northern Lights或者Aurora Borealis，叫得做Northern Lights，全因為對於位處北半球嘅英國嚟講，越北面嘅地方見到嘅機會就比較大。呢啲地方包括蘇格蘭，尤其是蘇格蘭嘅Highlands以及西北面嘅多個島嶼。至於英格蘭地區，熱門極光欣賞地點位於湖區(Lake District)，當中特別以Keswick附近嘅Derwent Water最受歡迎，呢度有湖面倒映天上嘅極光，容易拍攝出極光嘅靚相。另一個英格蘭熱門觀賞極光地點，係位於東北部嘅Northumberland，呢度有面向北面嘅海岸線，加上有被譽全英格蘭「最黑」嘅天空，只要時機合適，欣賞到極光一啲都唔難。
有網站提你何時有機會看到極光
「AuroraWatch UK」網站
講完地點，講最緊要嘅時間嘞。根據統計喺英國，極光最常出現嘅日子，係每年九月至翌年三月，時間係晚上10點至到午夜。要欣賞到極光，最緊要係把握到來自太陽帶電高能粒子，喺地球大氣層最活躍嘅時間，呢方面要靠專業科學機構幫手。介紹你呢個網頁「AuroraWatch UK」https://aurorawatch.lancs.ac.uk/ ，由Lancaster University嘅Department of Physics負責製作，根據地磁活動監測數據，來推斷能夠睇到極光嘅機會。佢將可能見到極光嘅機會分為四級，機會由低至高以「綠、黃、橙、紅」做代表顏色，即「綠色」最細機會見到，「紅色」好大機會見到。大家可以follow佢嘅twitter或telegram，如果出現大機會睇到極光，就會發出alert。不過個網站都講明，呢啲數據都係實時而非預測，換言之如果收到alert，就係當時好大機會出現極光，但睇唔睇到，都要視乎當時天色、方位、所處位置有無其他光源等。