展開chapter2英國生活，最大感受之一當然係地方大咗，空間多咗，無論踩單車消閒或者代步，真係最適合不過。我哋介紹過喺英國踩單車https://hkersuklife.co.uk/13/01/2021/entertainment-event-travel/2349/ 有幾咁正、要留意啲乜嘢同埋興咩單車類型。今次等我哋再介紹單車，但唔係一般單車，而是electric bikes簡稱ebikes，中文有人叫「電動單車」或「電輔車」。
Table of Contents
英國政府對ebikes的取態
英國政府早就睇到鼓勵人踩單車代步嘅好處，一來可以解決塞車，二來減少空氣污染，所以盡量完善單車設施、又推出補貼僱員踩單車上班嘅計劃等等。不過另一方面，始終有啲人唔會考慮踩單車，一來可能佢哋日常出入嘅地方，踩單車去路程又真有少少遠，二來佢咃可能唔想付出咁多體力，或者有少少懶、或者身體條件唔許可，所以英國政府亦好聰明，睇到ebikes可以解決呢問題，部分呢啲人可能接受到用ebikes，所以早喺2015年就改例容許一啲合規格嘅ebikes可以當單車咁用，提高踩單車及用ebikes代步嘅比率，甚至計劃緊提供補貼俾用ebikes嘅人！
英國ebikes相關規定
Electric bikes簡稱ebikes，喺英國法例上被界定為「electrically assisted pedal cycles」(EPACs)，即係可以翻譯成「電力輔助腳踏推動的單車」。英國法例容許14歲或以上人士，唔使考牌，喺單車徑或其他容許ebikes行駛嘅地方，駕駛ebikes作為代步工具。喺英國買ebikes用嚟代步，唔使向當局註冊、買保險或打稅，但係架ebikes要符合以下的規格：
- 要踩動腳踏來啟動輸出電力來提供動力輔助前進
- 要show到最大輸出電源(不能多過250watts) 或摩打嘅生產商
- 要show到電池嘅voltage或者最高時速每小時5英里(即大約每小時25公里)
- 可以多過兩個轆，即可以係三輪車
詳情可睇吓英國政府網頁：https://www.gov.uk/electric-bike-rules
如果架ebike符合哂呢啲條件，即可以界定為一架EPAC，基本上可以當單車咁用，係所有單車徑或容許踩單車嘅地方踩。有少量ebike未必符合哂以上所有條件，例如可以唔使踩腳踏都可以自己行(用手控制前進”twist and go”EPAC、electric scooter等)，但生產商或進口商已經向當局申請咗approval，都可能當成EPAC咁揸，呢類型嘅EPAC會有個牌show佢個approval number，買嘅時候就要留意清楚嘞。
記住任何ebike唔符合以上條件被界定為EPAC，英國法例基本上就會當佢成一部電單車，要登記車牌、打稅同埋有駕駛執照先可以揸。
ebike的體驗
踩ebike有咩感覺呢？根據我踩過幾次嘅經驗，視乎你開動乜野power mode，一般ebikes有三個power mode，輸出由細至大嘅動力，「ECO」<「Normal / Middle」<「Sport / Trail」。當開動最細嘅「ECO」踩，你會覺得「點解用咁少力都好似幾快」、開「Normal」就會覺得「點解唔使用力架車都行嘅」、開「Sport」會感覺到「有力推緊架車行」，上斜都好似平路咁，無話要用多咗力。
其實ebikes喺英國真係越來越普及，因為除咗用嚟代步，你幻想吓踩住架ebikes喺英國郊遊，喺電力輔助下唔使咁擔心路程有幾遠，又唔使擔心踩斜路上山唔夠力斷氣，幾咁逍遙寫意。事實上ebikes唔單止有road-bikes，亦都有off-road/mountain bikes，甚有有摺車，適合唔同人需要，價錢大約由£500至£3500，充滿電所需時間視乎電池容量，36V要大約4個鐘頭，行走到嘅路程視乎你開到佢提供幾大動力，一般可以行到40km至160km。萬一你踩到無哂電，你都可以繼續當普通單車咁踩，不過當然會重咗少少，因為架車有粒電池喺上面嘛。
購買ebikes
喺英國想揀ebikes購買，唔使周圍撲，上Amazon UK搜尋「electric bikes」或者「ebikes」就可以慢慢睇。