我哋之前都講過英國嘅文化係好鼓勵閱讀，唔知大家去圖書館果時有無留意，大部分英國圖書館5點前都會關門及星期日休息，而且大部份一星期會休兩日（有小部份甚至休三日）。對於要工作嘅大家，或者想帶小朋友借書嘅機會相對困難，如果撞啱平日放假又撞正圖書館休館，咁要去借本書就難上加難。而編輯L最常去的圖書館最近就推出左無人圖書館計劃，等大家有更多時間及機會去使用圖書館。想知道點用法? 就立即去我地個Blog睇啦!
開於Leicestershire的Smart Library Project
Leicestershire 為咗增加圖書館嘅使用量，係今年嘅9月6日開始係Leicestershire 14個地方嘅推行Smart Library Project (14個地方包括：Ashby De La Zouch, Birstall, Blaby, Broughton Astley, Coalville, Earl Shilton, Glenfield, Hinckley, Loughborough, Lutterworth, Oadby, Shepshed, Syston and Wigston)。所謂嘅Smart Library 就係利用全自助服務嚟延長圖書館嘅營運時間，以編輯L當去果間圖書館為例，本身一星期休兩日之餘，仲要有兩日只係開3-4個鐘，但係增加Smart Mode時間之後，營運時間有就延長咗，早咗開門，晏咗關門，連平日果日休假都改為Smart Mode全日開放。
Smart Mode圖書館的入場限制
圖書館喺Smart Mode時段完全無員工當值，出入都係靠圖書證，不過就算大家已經有圖書證，係第一次進入圖書館時時都仲要簽份文件拎返個4位數字嘅Pin先可以用嚟Smart Mode出入。只要任何人年滿16歲就可以申請使用Smart Library服務。每名18歲以上人士都可以帶同一位16歲以下人士進入圖書館。如果大家有兩名小朋友，就必須要父母到在場同時父母都係Smart Library 嘅使用者。
Smart Mode圖書館提供的服務
Smart Mode時段基本上好多平時用到嘅服務都會照常，包括借書還書，用電腦，Print嘢等。咁你可能會問，咁Smart Mode有咩做唔到？其實就係所有要搵員工支援嘅服務都會暫停，即係你用電腦有咩問題就唔會搵到人幫手，如果大家有借過書都可能會發現，唔知點解一疊書總有一兩本唔知點解用Kiosks係過唔到機，要行埋Counter搵員工幫手過機，咁係Smart Mode時段大家就可能要放棄借哩本書了。
希望大家都可以善用哩館個政策，好好培養閱讀嘅習慣。