就快到暑假了，我哋當然知道好多Chapter2朋友正為細路們安排最好嘅活動。一如以往我哋會俾大家最有用嘅貼士，今次等我哋介紹英國最好嘅Campsites，而且全部喺水邊，例如河、湖或者海，唔單止享受到喺山間叢林中純樸生活，亦可以欣賞海景甚至進行水上活動，一次過滿足哂兩個願望！事不宜遲，快啲去我哋個網頁睇吓全文啦！
不同人去camping可能有不同想法。有人鍾意去wild camp，帶備所有足夠份量嘅生活用品，例如水、食物、電源、床、被、枕頭、求生用品等，深入人跡罕至嘅偏僻郊外，做到真正嘅野外求生；有人鍾意去近年興起嘅glamping，商戶提供哂所有生活所需，包括水、電、煤，而且帳篷房間內有風扇冷氣，可以親近到大自然之餘，又不失舒適度。對於有細路嘅Chapter2朋友，兩方面都比較平衡嘅campsites有佢嘅好好處，有管理嘅場地唔使太擔心安全問題，亦有人支援最基本嘅生活所需，但又可以嘗試自己搭營、煮食等，接觸大自然之餘，落手落腳解決生活所需。
以下有幾個英國最受歡迎嘅呢類campsites，每晚每名成人收費大約£10至£20，相當經濟實惠，而且全部喺水邊，唔單止享受到喺山間叢林中純樸生活，亦可以欣賞海景甚至進行水上活動，一次過滿足哂兩個願望！(營地價錢可能有變，請留意官方網頁)
Table of Contents
1. Henry’s
The Lizard, Cornwall
Website: http://henryscampsite.co.uk/
Henry’s營地位於The Lizard，呢個英國最南端嘅半島，擁有一望無際嘅海景，以及無敵大日落。營地內周圍都喺充滿特色嘅雕塑和藝術品，營友可以喺草地上搭起自己嘅帳幕，營地提供好多基本設施，包括熱水沐浴、廁所、電源、洗衣機、風筒等等。由營地步行十多分鐘，就可以到達Kynance Cove旁水清沙幼嘅沙灘；又者登上Caerthillian valley嘅最高處，黃昏時欣賞「咸蛋黃」徐徐降落直到完全躲在地平線之下。附近有小商店可以買到一般食物和所需用品，亦有酒吧可以嘆返兩杯，甚至可以沿住海邊去到距離大約3英哩Cadgwith Cove嘅漁村，有機會買到龍蝦、蟹、海魚返去營地度bbq添！
全年開放；每晚每位成人£9.6 小童£4.8
2. Nantcol Waterfalls
Llanbedr, Gwynedd
Website: https://nantcolwaterfalls.co.uk/
Nantcol Waterfalls營地位於英格蘭西部近海嘅Llanbedr，距離伯明翰百多公里。Nantcol Waterfalls營地位於山坡之中，唔算係喺正海邊，但位於Rhinog山脈嘅河床旁邊，附近有多條支流。小朋友可以河上嘅繩索鞦韆盪來盪去，甚至跳入水中，又或者喺充氣遊樂設施上彈來彈去。喜歡探險嘅大人就可以走入樹林，尋找Nantcol瀑布。營地容許起campfire，同樣有提供電源、食物等所需。營地內劃分咗60多個供紮營嘅草地範圍，營友可各自享有自己嘅空間。營地嘅樹木屬於受保護範圍，所以可以欣賞到最原始嘅大自然風光，不過記住唔好帶走一草一木，因為係禁止㗎！
全年開放；每晚每位成人£8 小童£3
3. Low Wray
Ambleside, Cumbria
Website: https://www.nationaltrust.org.uk/holidays/low-wray-campsite-lake-district
Low Wray營地位於Lake District National Park入面，喺正lake Windermere溫德米爾湖旁邊。呢個有多種不同類型嘅營地，除咗可以訂營地自己帶營幕去搭嚟住，亦有提供現成嘅camp唔使自己搭，仲有不同種類，除咗帳幕Tents，更加有樹屋Safari and tree tents以及Pods，，甚至可以自己揸露營車去，肯定有一款揀到啱自己心水。營地同樣提供不同設施，包括小商店、廁所、沐浴間等，亦有小童遊樂設施。當然亦可以隨意係旁邊嘅溫德爾糊享受水上活動，例如玩划板paddle、獨木舟甚至游水等，另外亦有探索樹木和行山路線提供。附近亦有餐廳和酒吧，所以亦唔使擔心飲食。
復活節至十月開放；每個營地每晚£8 (一名成人加汽車), 額外每名成人£5 小童£2.50
4. Masons Farm
Appletreewick, North Yorkshire
Website: https://masonscampsite.co.uk/bolton-abbey-camping/
Mason Farm營地位於比較內陸英格蘭中部，在一遍綠油油嘅山嶺中間。營地分為main field和river field，前者都有標準電源提供，比較方便，並適合較大型嘅露營車，後者就要自己準備電源，只適合較小型嘅帳幕。營地旁邊就係夏天出名嘅休閒勝地河流River Wharfe，適合多種水上活動，由垂釣、划板甚至游水。營地旁邊亦有大遍開放草地，適合踢泳、投球等輕鬆運動。營地一般喺下午 1 點開始check-in入住，上午11點check-out離開。另外，營地方面亦表明不允許無父母或監護人在場嘅年青人開派對，確保其他營友可以享受純天然寧靜嘅大自然環境。
四月至十月開放；每個營地每晚£17 (2名成人) 額外每晚每名成人每晚£6 小童£3.50