嚟到英國，好多人都會買架車代步，就算係香港係雪藏牌都好，都會開始揸返車。如果大家本身太耐無揸車又或者Budget所限，都可能會選擇年份比較舊嘅平車嚟操下車先。舊車車機好多時都無USB或藍牙連電話播歌，如果揸長途車只聽收音機都幾辛苦，聽住熟識嘅歌人都會精神D嫁。有無諗過其實唔駛換車機，都可以升級車機連電話播歌呢? Car FM Transmitter就可以幫到你!
為車機升級至藍牙連線
揸車當然最好緊係專心揸車喇，不過我相信大家都會鍾意聽住音樂揸車，編輯L自己都好鍾意，特別係揸長途車嘅時候，聽住音樂又真係無咁易恰眼瞓。不過如果大家架車年份比較舊嘅話，又未必有藍牙功能畀大家駁去車個喇叭到聽歌。大家當然可以選擇換個新啲有藍牙功能嘅收音機，不過如果大家嫌麻煩又或者想平啲，大家就可以買舊 Car FM Transmitter 解決哩個問題。
Car FM Transmitter的原理及功能
Car FM Transmitter個原理係佢藍牙連接咗大家個電話，之後佢用FM頻道射返個訊號出嚟，大家就可以用收音機接收返個訊號，咁大家就可以用車機嚟播歌喇。成個安裝過程極為簡單，將個Car FM Transmitter 插係點煙器上面，電話藍牙連接Trasmitter，Transmitter上面會顯示一個頻道，大家只要將車上面嘅收音機調較到該頻道，成個過程就完成。連對電子嘢唔叻嘅編輯L都覺得非常Easy。一般哩啲Transmitter 都會有Handfree功能，咁聽歌途中有電話都可以直接聽埋電話唔駛轉來轉去添。
係邊買同埋價錢
最平最簡單係Amazon就可以買到，編輯L就買左樓下左面£9.90依隻，實測用左一排完全無問題。Amazon Prime做緊30日試用，用左仲可以免運費同第2日送貨添! 啱哂初來英國報到好多濕星野買果時用。
另外Halford同埋Argos都有得賣，不過最平都要£18同埋£15鎊，貴過Amazon少少。
https://www.halfords.com/technology/car-audio/fm-transmitters/
https://www.argos.co.uk/sd/fm-transmitters/
英國買車相關文章: