英國移民後第一件是除了租樓買樓，便是要添置傢俬安頓新家了。除了一些大牌子，例如IKEA，Dyson等，究竟英國仲有咩品牌、鋪頭或者Online Shop可以買到傢俬，電器及家品，而產品及服務又有甚麼分別呢? 其實不經不覺已經寫了接近150篇英國生活文章，是時候為大家整合一下英國買傢俬合集，方便大家格價。
Table of Contents
英國床褥
英文、類型及特性
最多人關注一定係英國床褥的軟硬，不過大家對軟硬的要求不同，所以不如首先了解一下英國床褥的英文、類型及特性
相關文章: 入伙第一時間就係買床褥 英國床褥介紹(上) – 英文、類型及特性
高級床褥牌子及床褥標準尺寸
一張好嘅床褥隨時可以訓10年8載，所以先教大家認識英國高級床褥牌子同埋補充英國床褥標準尺寸
相關文章: 入伙第一時間就係買床褥 英國床褥介紹(中) – 高級床褥牌子及床褥標準尺寸
大眾化床褥牌子及Online Shop
一張英國高級床褥隨時都講緊成千鎊，並唔係個個都捨得。另外初到英國，邊間可以最快時間送貨都係好重要，所以最後一篇就教大家認識英國床褥大眾化品牌同Online Shop!
相關文章: 入伙第一時間就係買床褥 英國床褥介紹(下) – 大眾化床褥牌子及Online Shop
英國床架
有床褥打住地鋪一排其實還可以，不過長期都要買返個床架，一來減少接地氣引至風濕的機會，二來可以增加儲物空間。英國有一款床架因為易裝嵌又平，所以特別受歡迎，間間Online shop都有得賣，不過送貨速度就無床褥咁快了!
相關文章: 買完英國床褥買床架 – 英國床架種類及Online Shop介紹
英國羽絨被鋪
英國冬天要開Radiator真係無法避免，不過今年英國電費媒氣費係咁加價，大家都要諗下計仔點樣慳得一鎊得一鎊。三更半夜同埋清晨就最凍，夜晚瞓覺點保暖就十分重要，較定Radiator定時開關就一定嫁喇，但係無理由長開嫁嘛，所以有返張羽絨被保暖就啱喇! 英國羽絨其實都好平，等我同大家簡單介紹下啦!
相關文章: 英國羽絨被鋪種類及價錢
英國Sofa
想起初初移民到英國，無床係第一大痛苦，無Sofa可算是第二大痛苦，日日坐係地下揀傢俬買傢俬砌傢俬真係坐到Pat Pat痛，大家係英國買Sofa前可以考慮下有以下唔同特色及定位的品牌，亦會同大家check下平均出貨時間，買之前當然最重要係睇下邊間有Discount同格價啦!
IKEA同Argos依d我就唔多介紹喇，立即睇下有咩其他選擇啦!
相關文章: 英國Sofa喺邊買? Online+實體店介紹
英國傢俬Online Shop及商店
解決左訓教依個基本需要之後，就要進一步裝設新居，以下幾間商店及Online Shop各有特色及定位，Shopping之前記得比較吓先好買呀!
英國家居用品實體鋪 Dunelm
講到家品店，IKEA認第2應該無人敢認第1，但係英國咁大只有24間英國IKEA，雖然大部人都會買車，不過如果只係想買少少野，去IKEA分分鐘要揸幾十分鐘先到，另外online買又有運費，不如幫襯下英國本地最大，擁有170間實體鋪的家居用品品牌Dunelm啦!
相關文章: 英國本土家居用品連鎖店Dunelm 英國版IKEA
英式零售巨人Argos
英式零售巨人Argos是全英國其中一間最出名的英國百貨公司亦是其中一個主要的英國網上購物網站，主打大眾化市場，但佢同我地平時一貫理解的百貨公司模式非常不同。當有一樣產品唔知係邊度買的時候，就總會上Argos網站睇一睇。Argos賣的產品包括手機、電腦產品、傢俬、家居用品、玩具遊戲、書本、運動產品等，大家可以Click and Collect或者Fast Track Delivery即日收到又得，所以話Argos超強真係一啲都唔誇張。
相關文章: 英國Argos購物-手機電腦、電器、傢俱、玩具遊戲俱全
英國網上家居用品專門店 Wayfair 超過2千萬款產品選擇
來自美國的Wayfair，產品種類包括床褥、衣櫃、廚櫃、飯桌、Sofa、戶外傢俬、燈、裝飾品、床上用品、地毯及寵物用品等，差不多係任何會出現係你屋企既野(除左電器) ，官網指出佢地總共carry超過2千萬款Product。未必有Argo賣得咁雜，不過同一樣產品一定有最多款揀!
相關文章: 英國網上家居用品專門店 Wayfair
英國窗簾
買完大件傢俬之後，千其唔可以漏左窗簾，因為英國夏天生活時嘅日照時間可以高達最長16.5小時，唔用窗簾有機會影響睡眠質素，另外唔同Style嘅窗簾亦可以為屋企帶來唔同情調添!
相關文章: 英國買窗簾- 打孔式窗簾與捲簾
相關閱讀: 電器
入伙之後除左要買床褥Sofa、裝寬頻、登記Council Tax及水電煤之外，必不可少就係要買各類大小型電器，咁究竟係英國買電器可以幫襯邊間，又有咩牌子值得留意呢?
相關文章: 英國電器 牌子及商戶分享
相關閱讀: 洗地毯機
英國樓大概有7-8成係用地毯而唔係用地板，無他既，皆因同Under Floor Heating比較下，地毯經濟又保暖。黎到英國後，好多香港人都係第一次買洗地毯機，咁究竟英國洗地毯機有咩品牌比較好呢? 今次文章綜合咗3個媒體Best Carpet Cleaner of 2021介紹大家幾款最新或皇牌產品以配合大家唔同需要!
相關文章: 英國洗地毯機 2021年得獎名單
相關閱讀: 吸塵機
之前講過英國樓大概有7-8成係用地毯，所以大部份人都會考慮買返部洗地毯機。其實每次係洗地毯之前，最好都係先用吸塵機吸一次先，否則洗地毯機個轆會翹曬頭髮同埋毛頭，最後要用額外時間清潔返。另外廚房廁所，又或者你全屋係硬地，亦都需要用到吸塵機。咁英國除左Dyson仲有咩吸塵機可以考慮呢? 今次又搵左Best of 2021比大家參考一下。
相關文章: 英國吸塵機 Best of 2021
依篇文章將會持續更新，如果有朋友準備要來英國，記得share比佢睇呀!