有唔少拎住BNO VISA嘅朋友係落腳之後決定會喺英國生仔,原因都不言而喻,而編輯K亦係其中一位。小朋友出世之後有幾份文件需要準備,包括出世紙、登記NHS、申請BNO Visa及海外申請HKSAR Passport(非必須),今次文章會簡單講下需要注意的細節。
Table of Contents
英國出世小朋友的國藉?
由於父母都並不是英籍,所以小朋友就算係英國出世並不會自動獲得英籍,而係根據父母嘅國籍。係BNO VISA情況下,小朋友即係香港藉。
不過小朋友係英國出世,只要父母拎到IRL(永居資格,非入藉),即係5+1之中既的5年之後,小朋友係有資格直接申請入藉,而唔需要等候父母就可以先入藉。
詳情可以參考以下政府網站: https://www.gov.uk/apply-citizenship-born-uk
為英國出世嬰兒申請HKSAR Passport出世紙
小朋友出院之前,正常護士會提醒父母需要喺42日內之為小朋友申請出世紙,咁大家就需要去返自己所住嘅Council登記,留意要登記嘅係County Council而唔係District Council,可以去以下政府網址Search邊個Council負責 – https://www.gov.uk/find-local-council
如下圖結果就係去Nottinghamshire Council 而唔係Broxtowe Borough Council。
申請流程
搵到邊個Council之後就去Council 網站Search “register a birth”,一般都有教你點做,有D要直接電話去預約,有D就網上登記。編輯K所在嘅Council要求先網上登記,之後等Council打電話來再約時間。編輯K等左大約一星期就收到Council電話安排去所住嘅Council Centre進行手續,不過當時安排係要個半月後,但係編輯K想盡快幫二小姐拎到出世紙,所以就問職員可唔可以早D,職員就問介唔介意去隔離District處理,由於點都要揸車,所以編輯K就決定去一個15分鐘車程嘅隔離區盡快拎出世紙。留意只需要申請人出席,即係父母其中一位,而小朋友亦不需要出席。
所需文件(根據編輯K所在Council要求)
- 小朋友Red Book
- 申請人Passport (即係父親或母親)
- 住址證明
- 小朋友個名
過程中職員會問你幾個問題,包括小朋友出世年月日、地點、住址、申請人關係及職業等等,之後簽名就即埸完成可以拎出生紙,收費一份係 £11,可以即時要求要多幾個Copy,都係£11@。
參考網址: https://www.gov.uk/register-birth
登記NHS
編輯K帶二小姐出院果時,護士講明非英藉初生嬰兒只有3個月免費NHS,所以建議盡快去GP登記,當時護士有提醒並非每間GP都可以喺冇任何證明文件下登記,但係打護士認為值得一試。結果編輯K係未有出世紙嘅情況下,去咗自己用開嘅GP同職員講明情況,職員表示應該無問題,就遞上一份申請表並叫我哋寫返個情況落去再交返去就OK,結果一個星期後收到信通知申請成功。
為英國出世嬰兒申請BNO Visa
由於小朋友國藉係跟家長,所以小朋友要申請BNO Visa都係合情合理,而有無限幾時要申請到,編輯K就無去深究,但係一齊文件就去申請,因為初生嬰兒最有機會用到NHS服務,而且只有3個月免費,所以申請BNO Visa比埋IHS就安心了。
幫本地出世BB申請BNO Visa方法同當年LOTR國內申請程序係差唔多,都係Apply in the UK,過程同Apply outside UK亦係差不多,申請網站: https://www.gov.uk/british-national-overseas-bno-visa/apply-in-the-uk
如果想用網上+ App申請,小朋友就需要有Passport,即係HKSAR Passport,海外Passport申請方法下面再講。如果無Passport,就要係網上填完表後親身去Visa Centre影相及核對身份。網上填表過程中會問到小朋友有咩身份證明文件,選項之中無出世紙可以選擇,所以要解釋原因,編輯K當時就直接寫明小朋友係英國出世,未有申請Passport但係有出世紙。填好資料就要比Visa application fee同埋IHS費用。最後係會有Link Direct去UKVCAS website開account及預約時間去Centre,開完Account之後會要求你Upload身份證明文件,到時Upload小朋友出世紙就OK。另外編輯K亦有Upload Consent Letter,Consent Letter Template係BNO Visa申請程序中最後會提供。UKVCAS係全國超過個40個Centre,可以用Postal Code係以下網址Search下你附近有邊間最近你 – https://www.ukvcas.co.uk/locations
去到Centre要做野野好簡單,核對小朋友出世紙正本,代申請人Passport正本同埋幫小朋友影相,整個過程15分鐘就完成,之後就係返屋企等批。
為英國出世嬰兒申請HKSAR Passport
如果小朋友係父母拎到IRL之前唔打算出境英國,申請HKSAR Passport並非必要,是否申請就睇你個人需要喇。小朋友有BNO Visa就有資格係英國居留,不過就無旅行證件,touchwood香港or國外屋企人有咩事要出國,咁就不能出入境了。有網友提出可以向英國政府申請一次性出入境文件,但係編輯K暫未有聽過真實案例所以不能評論是否可行,有需要既朋友可以參考 – https://www.gov.uk/apply-home-office-travel-document
海外申請HKSAR Passport的方法及文件
要申請HKSAR Passport,就要同時申請埋香港身份証,以下係申請所需文件
- ID844香港特別行政區護照申請書(適用於十六歲以下兒童在香港以外地區的申請)
- ID853A 在香港以外領取香港特別行政區護照付款表格
- ROP144 僑居海外十八歲以下人士的香港永久性居民身份證申請書
- ID641 副署事項表格(供申請香港特別行政區旅行證件使用)
- (參考用) ID852 收費通告(香港以外地區的申請)香港特別行政區護照
- 小朋友出世紙副本
- 父母身份証副本
- 父母結婚証書副本
- 支票
- Passport 相片4張;尺寸40x50mm
- 身份証 相片2張;尺寸29x35mm
之後將以上文件寄返去香港入境處,之後等消息去中國大使館收證件。
以上就係編輯K為二小姐申請左既證件,要等幾耐先會批核BNO Visa及收到HKSAR Passport,目前編輯K仲未有資料,之後收到後再Update大家!
BNO Visa終於批核 + 收到HKSAR Passport – Dec 2022更新
編輯K為二小姐申請既BNO VISA由7月初去UKVCAS影相之後,等到12月終於批左,係收到Email通知之前係先收到銀行IHS退款通知,因為Dependant Visa係跟主申請人既,就算係幫BB IHS比左5年費用,結果係會根據主申請Visa仲有幾耐時間去批核,即係如果主申請人已經黎左1年半年先係本地生小朋友,Visa時期就仲有3.5年,小朋友Visa都會係3.5年,因此會退返1.5年既IHS費用。收到通知之後大約1個星期就會寄到張BRP去申請小朋友Visa既地址。編輯K整個過程用左超過5個月先完成,但係編輯K有住係倫敦既朋友係UKVCAS影相之後一個月已經攪掂。中途編輯K都有打過電話去UKVI跟進,可惜Hotline講明唔接受電話查詢Status,結果只好一直等等等,所以大家都唔需要擔心,只要耐心等候就可以。
而HKSAR Passport方面,編輯K就算有漏簽名都係用左3個月就可以取證,中途係會收到香港入境處Email要求填一份國籍文件,只要如實填就OK,就算有答案係BNO Visa編輯K二小姐最後一樣係獲批HKSAR Passport。而去取文件編輯K就揀左去Manchester,留意取證地點係Visa/Passport Center而唔係大使館,而取證時間只被限制係2個Time Slot,而朋友係London Center同樣係有2個Time Slot,所以去邊拎就自己位置就OK。