剛剛先開始凍? 咁快就介紹溜冰? 係呀，因為小部份英國冬天戶外溜冰場地係10月尾已經開放喇，大部份最遲11月都開始有嫁喇! 而且整個英國東南西北都會有多個溜冰場，唔少仲會係Winter Wonderland模式或者喺Christmas Market附近添! 今次就為大家精選及列出當中比較大型的場地及入場費用等等啦! 睇啱記得快手買飛，唔少星期六下午場次已經Sold Out!
Table of Contents
London區域
作為英國最繁榮的城市，冬天溜冰場都多過人!
Hyde Park Winter Wonderland
Photo Credit: The Bon Vivant Journal
地點: Hyde Park, London W2 2UH (https://goo.gl/maps/rm18ibgVdiuz6oYNA)
開放日期: 19 Nov 2021 – 3 Jan 2022
溜冰收費: 成人£10.50起；小童£7.50起；家庭£30.00起
官網: https://hydeparkwinterwonderland.com/things-to-do/ice-skating/
簡介: 位於London的Hyde Park Winter Wonderland係全英國最大的戶外冬季嘉年華，每年都係全英的焦點，當中溜冰的場地亦係全國最大之一。而且除左溜冰仲有好多其他野玩，包括大型機動遊戲、摩天輪、跳樓機、攤位、表演及美食等等。每個活動都需要分開買飛，編輯F 10月中執筆時， 12月頭三個星期六大部份活動下午場次嘅入場券已經賣曬，所以想玩真係唔好等立即買飛啦。
Skate at Somerset House
Photo Credit: Secret London
地點: Strand, London WC2R 1LA (https://goo.gl/maps/tkXRCDRC41VUfYvy9)
開放日期: 17 Nov 2021 – 16 Jan 2022
溜冰收費: 成人£11.00起；小童£5.50起
官網: https://www.somersethouse.org.uk/whats-on/skate-somerset-house
簡介: 係有超過240年歷史的Somerset House前溜冰真係十分浪漫，電影Love Actually亦都有係依道取景，夜晚仲有DJ現場打碟添。另外特定星期六早場有Disney+ Session，9成9你可以聽住Let it go 黎溜冰。
Natural History Museum Ice Rink
Photo Credit: Trustees of the Natural History Museum
地點: Cromwell Rd, South Kensington, London SW7 5BD (https://goo.gl/maps/8f8bdJFF88tEncESA)
開放日期: 22 Oct 2021 – 16 Jan 2022
溜冰收費: 成人£12.65起；小童£8.80起
官網: https://www.nhm.ac.uk/visit/exhibitions/ice-rink.html
簡介: 最後一年係依個場地做溜冰場，要好好把握機會喇。世界知名博物館之一，不妨考慮上午行博物館，傍晚就溜冰，之後一家人就去食聖誕大餐(記得Book位 – 英國餐廳 搵食分享及手機App介紹 )。如果係博物館Members可以以優惠價£9(Adult)及£6(Child)買飛
London其他知名場地
-
Canary Wharf ice rink
地點: Canada Square Park, Canary Wharf, London, E14 5AB (https://goo.gl/maps/KRHjY8VQZQgCdqzX6)
Date: 23 Oct 2021 – 26 Feb 2022
溜冰收費: 成人£17.98起；小童£11.95起
官網: https://icerinkcanarywharf.co.uk/
-
Queen’s House Greenwich ice rink
地點: Romney Rd, Greater, London SE10 9NF (https://g.page/QueensHouseGreenwich?share)
Date: 18 Nov 2021 to 9 Jan 2022
溜冰收費: 成人£17.98起；小童£11.95起
官網: https://www.rmg.co.uk/queens-house/attractions/queens-house-ice-rink
-
Hampton Court Palace ice rink
地點: Hampton Ct Way, Molesey, East Molesey KT8 9AU (https://goo.gl/maps/6K97JioufK3ce6iW9)
Date: 19 Nov 2021 to 2 Jan 2022
溜冰收費: 成人£16.00起；小童£11.55起
官網: https://hamptoncourtpalaceicerink.co.uk/
***留意London熱門溜冰場地之一 – Tower of London 今年將會連續2年取消(Source)。
Warwick Castle Ice Rink
Photo Credit: Solihullobserver
地點: Warwick CV34 4QU (https://goo.gl/maps/n4fa2by8Yq1NYNcE7)
開放日期: 27 Nov 2021 – 3 Jan 2022
溜冰收費: 成人£16.00起；小童£16.00起
官網: https://www.warwick-castle.com/explore/events/christmas/
簡介: 編輯F認為係遠離大城市之一，最最最靚的戶外溜冰場地之一。Warwick Castle已經有953年歷史，係英國第3擁有最悠久歷史的古堡。
Brighton – Royal Pavilion Ice Rink
Photo Credit: Visit Brighton
地點: Royal Pavilion, Brighton BN1 1FN (https://g.page/royalpavilionicerink?share)
開放日期: 30 Oct 2021 – 9 Jan 2022
溜冰收費 成人£15.00起；小童£10.00起
官網: https://royalpavilionicerink.co.uk/
簡介: 曾經係英國皇室宮殿的Royal Pavilion，1823年完工，後來Queen Victoria 1850年賣左佢比City Council。被譽為英國南部最靚溜冰場，賣點係整個溜冰場係由Green Energy運作，係英國首個「綠色溜冰場」。小朋友仲可以借好可愛的企鵝造型溜冰輔助器。
Bath on Ice
Photo Credit: Somersetlive
地點: Royal Pavilion, Royal Ave, Royal Victoria Park,, Bath BA1 2NR (https://goo.gl/maps/K2vpoqKWh9o2BBGv5)
開放日期: 12 Nov 2021 – 3 Jan 2022
溜冰收費: 成人£16.00起；小童£11.00起
官網: https://www.bathonice.com/
簡介: 被聯合國教科文組織列為世界遺產的城市Bath，位於City Centre位置，鄰近知名景點Royal Crescent，而且Christmas Market亦都係步行隔離之內。雖然比London的溜冰場無咁華麗，不過係歷史名城過聖誕又另有一種風味。
Manchester
Skate Manchester
Photo Credit: manchestereveningnews
地點: Cathedral Gardens (https://goo.gl/maps/xMC9ZZTtUMqCzwnw8)
開放日期: 1 Nov 2021 – 3 Jan 2022
溜冰收費: 成人£13.00起；小童£11.50起
官網: https://skatemanchester.com/
簡介: 點可以少左作為港人熱門聚居地的Manchester，Skate Manchester面積今年比過去幾年更大，而且全天侯都開放。
其他Manchester場地
-
Winter Funland Manchester
地點: Longbridge Rd, Trafford Park, Stretford, Manchester M17 1SN (https://goo.gl/maps/gmmsRAmDTdoQErzw8)
Date: 19 Dec 2021 – 2 Jan 2022
溜冰收費: 成人£18.50起；小童£18.50起
官網: https://www.winterfunland.com/
Cambridge – The North Pole at Parker’s Piece
Photo Credit: https://thenorthpolecambridge.co.uk/
地點: Parker’s Piece (https://goo.gl/maps/f2TB3uWMBWgRw8JN9)
Date: 19 Nov 2021 – 3 Jan 2022
溜冰收費: 成人£13.50起；小童£11.50起
官網: https://thenorthpolecambridge.co.uk/
簡介: 都係Winter Wonderland形式，姐係仲有好多其他野玩同食。
Birmingham – Ice Skate, Birmingham
Photo Credit: Midlands What’s On
地點: Centenary Sq, Broad St, Birmingham B1 2ND, United Kingdom (https://goo.gl/maps/GdhzRehawc9YLPYQ8)
Date: 4 Nov 2021 – 9 Jan 2022
溜冰收費: 成人£9.50起；小童£7.50起
官網: https://www.iceskatebirmingham.co.uk/
簡介: 英國另一經濟重鎮當然都有得玩，溜冰會改為半室內，全天侯都開放。
Yorkshire’s Winter Wonderland York
Photo Credit: www.yorkshire.com
地點: York Designer Outlet, St Nicholas Field, York, North Yorkshire, YO19 4TA (https://goo.gl/maps/qJk8gr6hesnwmCHv7)
Date: 19 Nov 2021 – 9 Jan 2022
溜冰收費: 成人£11.95起；小童£10.95起
官網: https://www.yorkshireswinterwonderland.com/
簡介: 都係Winter Wonderland形式
Nottingham Winter Wonderland
Photo Credit: Visit Nottingham
地點: Old Market Square, Nottingham, NG1 2BY (https://goo.gl/maps/MT6JvMi2vfuZNM1E7)
開放日期: Mid Nov 2021 – 24 Dec 2021
溜冰收費: TBA
官網: https://nottinghamwinterwonderland.co.uk/coming-soon
簡介: 作為East Midlands大城市之一，暫時仲未決定開始日期，不過完結日期已經定左係24 Dec，內容方面官網尚未有公布，不過如無意外係會舉行的，此Christmas Market係East Midlands中最大的。
Liverpool Christmas Ice Festival
Photo Credit: Ice Festival
地點: Pier Head, Liverpool L3 1DP (https://goo.gl/maps/WLVNFWqxZ1ZHkNsX8)
開放日期: 19 Nov 2021 – 3 Jan 2022
溜冰收費: 成人£13.00起；小童£11.00起
官網: https://icefestivalliverpool.co.uk/
簡介: 留意中間褊左圖片有一條滑梯，話說係全英國最長Ice Slide.
Reading Winter Wonderland 2021
Photo Credit: Reading Winter Wonderland Facebook
地點: HILLS MEADOW CAR PARK Reading, RG4 8DH (https://goo.gl/maps/HgqMaPiTQNeRznYQA)
開放日期: 13 Nov 2021 – 3 Jan 2022
溜冰收費: 成人£13.50起；小童£11.00起
官網: https://www.facebook.com/outdooricerink.co.uk/
簡介: Bavarian Slide滑梯係主要Selling Point
Edinburgh Winter Wonderland
Photo Credit: Edinburgh News
地點: The George Street
開放日期: 20 Nov 2021 – 2 Jan 2022
溜冰收費: TBC
官網: https://www.edinburghschristmas.com/
簡介: 作為Scotland主要城市之一，Edinburgh市中心變身Winter Wonderland，雖然無London咁大型，不過除左溜冰之外仲有唔少機動遊戲、摩天輪、60+攤位、美食等等，係北部嘅朋友千其唔好錯過。
Cardiff Winter Wonderland
Photo Credit: Wales Online
地點: Cardiff City Hall / Castle Grounds, City Centre, CF10 3EW (https://goo.gl/maps/n6XSDXtZ4KQ21b9S6)
開放日期: 16 Nov 2021 – 2 Jan 2022
溜冰收費: 成人£12.00起；小童£9.00起
官網: https://www.visitcardiff.com/events/cardiff-winter-wonderland/
簡介: 作為Wales最大城市的Cardiff同London及Edinburgh一樣都有Winter Wonderland，不過係應該係3者之中規模最細。
其他地區
Ice Skate Bournemouth
地點: Lower Gardens, Westover Road, Bournemouth, BH2 5AH (https://goo.gl/maps/oDPeSq13pq6wkaEm8)
Date: 18 Nov 2021 – 3 Jan 2022
溜冰收費: 成人£12.50起；小童£10.50起
官網: https://www.iceskatebournemouth.co.uk/
Portsmouth on Ice
地點: Guildhall Square Portsmouth PO1 2AB (https://goo.gl/maps/RBkmDf21DDMQiSwN9)
Date: 27 Nov 2021 – 9 Jan 2022
溜冰收費: 成人£11.00起；小童£9.00起
官網: https://portsmouthiceskating.uk/
留意事項 – 收費內容, 附助用具等
除左時間地點之外，仲有以下幾點要留意
- 以上價錢只係非Peak Hour的收價，如果係12月星期六，基本上全部都係Peak Hour，所以如果想玩平D，就試下安排11月閒日去玩。
- 費用通常都包埋租溜冰鞋
- 一般12歲以上就已經係成人收費，3歲以上就小童收費，不過有少量係16歲以上先係成人收費，買飛果時記得睇清楚
- 唔識溜冰唔駛怕，可以借skate aids即係溜冰輔助器(見Brighton – Royal Pavilion Ice Rink圖片)
- 小朋友唔識溜冰可以考慮借bob skates，即係雙刀片溜冰鞋(下圖)
- 以上全部活動12月25日都會休息一天
- 泊車安排，太晏到可能會無位的，可以嘗試用下連鎖停車場App優先Book位，方法可以參考 – 英國搵位泊車無難度NCP app
(bob skates)
以上當然唔係全部，如果你有任何推介，歡迎留言或者Inbox我地!
相關閱讀: