唔知大家平時週末假日會去邊到玩呢？編輯L就鍾意同屋企人朋友去唔同嘅英國公園玩，當中唔少都係Country Park，唔計北愛爾蘭，英國大約290個大大小小不同嘅Country Park，英格蘭＋威爾斯就佔大約250個，蘇格蘭就有大約40個。所以真係梗有一兩個Country Park係你附近。英國公園系列將會不時有新文章，敬情留意!
Table of Contents
英國嘅Country Park介紹
英國嘅Country Park其實無一個特定嘅模式，唔同嘅Country Park都有唔同嘅重點，有啲佔地極廣，入面有鹿有牛有啲舊建築物，有啲就起晒唔同設施畀人用，有d有小食車畀人買嘢食同咖啡，甚至有部分有餐廳坐低食嘢，但係亦有啲真係乜設施都無，成個Country Park就係一個樹森幾個水塘畀人行下就係一個Country Park，英國嘅Country Park唔一定係有咩重大嘅生態價值，英國Country Park主要目的係畀市民唔駛山長水遠去到老遠先享受到大自然，所以大家都可能會發現Country Park一般都係出現係城鎮嘅外圍。
位於Nottingham的Rushcliffe Country Park
Google Map位置：https://goo.gl/maps/EHZsnsD3RAVmJm6h9
評分(5星滿分)
位置(以近大城市距離而定)：⭐⭐⭐⭐
玩樂設施：⭐⭐⭐⭐⭐
飲食設施：⭐⭐⭐
車位數量：⭐⭐（２星因為£１泊全日）
今次想同大家介紹返一個係Nottingham南邊嘅Country Park — Rushcliffe Country Park。哩個Country Park編輯L就覺得好適合有小朋友嘅家庭去玩返一個下午，哩個Country Park 係暫時去咁多個Country Park設施最多嘅一個，已經返左去玩幾次。除咗N咁多個大草地同埋一個細湖外、有一個有沙玩嘅Play area、一個鍛練感官同手腳協調嘅遊樂設施區、一個滑板場、一個BMX Track、兩架小食車。
特別區域 – 狗隻障礙區
如果大家係帶同毛孩一齊嚟嘅話，園內設有一個狗隻障礙區亦可以畀大家嘅毛孩一展身手。不過大家帶同毛孩嚟嘅時要注意，園區內有部分地方狗隻係可以放繩（但狗隻必須可控），有部分地就一定要用繩甚至有部分區域係禁止狗隻進入，所以大家帶同毛孩嚟嘅時候最好先了解下公園嘅區域。
總結及泊車提醒
整體嚟講，Rushcliffe Park都係一個適宜一家大細消磨一個週末、週日嘅好地方，小朋友玩到肚餓都有小食車補給，識踩單車嘅小朋友仲可以畀佢去BMX Track到玩（但記得戴齊安全裝備）。而且停車場都非常便宜，£1就可以泊一日，但係位置堅係少，有機會需要泊出小路，不過建議照買Pay and Display，因為唔少當地人都係咁做的，不過係唔係真係唔會抄牌，就唔敢講了。
歡迎大家係下面留言分享下大家覺得有邊個值得去嘅Country Park。
相關內容：