近年「無人機」影相拍片大行其道，無論係自然風景抑或宏偉建築，放「無人機」可以從高空拍攝到壯觀嘅畫面，的確與以往在地面拍攝到嘅影像大大不同。即使唔係去到啲咩特別地方，只係喺日常出入嘅地點，「無人機」從高空影出嚟嘅畫面，都俾到人從未見過嘅欣賞角度。「無人機」除咗影到靚相靚片之外，控制「無人機」同玩模型飛機一樣，樂趣多多，既考技術又考經驗。Chapter2朋友去到英國生活，地方大，更加適合玩「無人機」，但要留意英國當局2019年起，已經要求大部分「無人機」通過登記獲得兩個ID後，先可以完全合法飛行。
英國「無人機」登記制度
根據英國負責航空當局The UK Civil Aviation Authority要求，所有重量介乎250克至20公斤「無人機」，都要經過登記獲取ID才可以合法飛行。登記可分為兩方面，分別為Flyer ID和Operator ID。但具體邊類「無人機」要做邊類登記呢？大家要先睇吓自已架「無人機」嘅分類，大部分喺生產廠已經獲得認證為，為架「無人機」分咗級別，級別為C0至C4，買咗之後可以喺包裝或說明書上睇到，咩級別要咩登記如下：
| 級別 | Flyer ID | Operator ID |
| C0-toy | 不用 | 不用 |
| C0-not a toy, without camera | 不用 | 不用 |
| C0-not a toy, with camera | 不用 | 要 |
| C1 | 要 | 要 |
| C2 | 要 | 要 |
| C3 | 要 | 要 |
| C4 | 要 | 要 |
萬一生產商無幫手分級別，可以點呢？就要自行根據「無人機」重量決定：
| 重量 | Flyer ID | Operater ID |
| 250g以下–toy | 不用 | 不用 |
| 250g以下-not a toy, without camera | 不用 | 不用 |
| 250g以下-not a toy, with camera | 不用 | 要 |
| 250g以上 | 要 | 要 |
Flyer ID和Operator ID分別
先講Flyer ID，Flyer ID係負責控制「無人機」嘅「駕駛者」所需要，申請要喺網上通過一個能力測試，證明了解相關的「無人機」基本知識、安全和私穩條例，才可以通過登記，佢有責任確保合法和安全地駕駛「無人機」。持有Flyer ID駕駛「無人機」時，必須遵守一系列嘅操作條件，包括：
- 操控者者須一直保持「無人機」喺自己視線範圍以內
- 「無人機」不可在任何人、車或建築物50米範圍內飛行
- 「無人機」飛行高度不可以超過120米
- 機場5公里範圍內不可飛行
- 「無人機」須遠離飛機
- 不可接近軍事禁區
- 警方有權要求「無人機」著陸，並出示相關的登記文件，否則可被罰最高£1000
而家講Operator ID。Operator ID持有人通常係架「無人機」嘅擁有者，須負責有關果架「無人機」保養，維持喺安全適合飛行嘅狀態。要留意嘅係，持有Operator ID者須年滿18歲，即係話如果未夠18歲而買咗架「無人機」想玩，佢要搵父母或監護人負責登記Operator ID，而佢自己只要有Flyer ID，佢仍然可以駕駛果架「無人機」。
獲得Operator ID後，要喺架「無人機」貼上label展示ID號碼，展示要符合條件，包括要清楚，用大階字母，字母高度大於3mm、可以用肉眼睇到、貼在機身等等。另外要注意係記住用可以搣走嘅label，因為萬一你轉手賣俾你，就要搣走屬於你嘅label，以免日後負上責任。
更加詳細資料以及登記方法，可以去到The UK Civil Aviation Authority網頁了解https://register-drones.caa.co.uk/ 。至於想買返架「無人機」拍攝英國美麗嘅風景，可以去argos UK度選購。https://www.argos.co.uk/browse/technology/drones/c:30277/customer-rating:5/?tag=ar:event:technology:drones