兒童節就快到了，大家揀咗禮物畀你小朋友未呢？咦？兒童節唔係4月4日咩？香港嘅兒童節係4月4日，但係英國嘅兒童節就通常係5月第二個星期日（可以睇返之前篇介紹：https://hkersuklife.co.uk/04/04/2021/sports-history-local-culture/british-culture/2907/）。大家移民嚟到英國無理由唔入鄉隨俗，跟返英國嘅兒童節同小朋友慶祝架嘛。
除咗去Smyths Toys、上PoundToy 揀禮物之外，大家有無諗過送啲以前係香港想送但送完都未必有位擺嘅大大件玩具畀你哋嘅小朋友呢？英國移民之後生活空間大增，大家不如考慮送啲大型戶外用設施畀你哋嘅小朋友作為佢哋第一份英國兒童節禮物。
Table of Contents
TP Toys的背景
TP Toys係一間有60年設戶外兒童遊樂設施嘅公司，於英國有自己嘅設計團隊，對產品嘅質素有一定嘅要求同保證。而且佢哋為咗加強對環境嘅保護，出售的戶外木製設施都係選用有FSG驗證嘅材料去製造的。
乜嘢FSG驗證？
TP Toys支持對森林嘅保護，佢哋選用嘅木材都係得到FSC驗證。FSC全名係Forest Stewardship Council，係一間獨立第三方營運嘅非牟利機構，佢哋會按照既定嘅標準對林木業經營者進行驗證，希望達至森林可持續發展，減少對森林嘅破壞。
首創2 Level彈床
係英國生活，其實如果有細心留意，就好容易知道邊一戶屋企有小朋友，因為英國父母好多都會買張彈床擺係花園畀佢哋啲小朋友玩，除咗想用嚟幫啲小朋友放電之外，其實跳彈床本身都有好多好處，例如加強全身協調、增強動態視力等等。一般彈床都係一張過，不過TP Toys首創的2 Level 彈床有高有低，令彈床嘅可玩性進一步提升。
如果各位家長發現小朋友好鐘意跳床，因而唔敢買張好啲嘅床褥的話，買張彈床應該可以解決大家嘅憂慮。到時大家仲可以睇返我哋之前三篇床褥介紹，揀返張心水床褥瞓返個靚覺添呀。
私人遊樂場
除咗彈床，鞦韆都係其中一樣小朋友好想喺花園擁有嘅設施，如果花園夠大，大家不妨試下幫自己小朋友打造一個私人遊樂場。TP Toys產品中有一系列攀爬架，可以用Build Your Own服務因應小朋友嘅喜好或需要增加配件，每次加少少，仲可以保持新鮮感添。以下圖為例：單獨買一個Play Tower價錢係£229.99。加咗一個Slide、一個瞭望台同一個鞦韆成Set就係£484.96。 大家可以入去TP Toys個網頁試下砌一個你小朋友心儀嘅攀爬架組合。
TP Toys Build you own網頁: https://www.tptoys.com/collections/build-your-own
上返TP Toys官網買?
其實大家去Smyths，又或者上Argos嘅網站都會見到有TP Toys嘅產品出售，但我會建議大家上返TP Toys嘅官網到買，點解？因為TP Toys嘅產品一般都有5年保養，如果係經TP Toys官網買係會有額外嘅一年保養。所以除非係其他地方做大特價，如果唔係都係上返官網都買會穩陣啲。另外TP Toys官網送貨時間係需要3至7天，今日即刻訂都仲有可能今個星期內送到!
可能大家會覺得咁貴買咁大件嘢返嚟，玩幾年後點算？唔知大家仲記唔記得我哋之前介紹過一個二手買賣網站 — Preloved？（可以睇返之前篇介紹：https://hkersuklife.co.uk/18/02/2021/daily-life-2/2691//）如果大家嘅小朋友真係大個，唔再玩，只要個設施無爛，大家到時用平啲價錢放上去賣，我相信應該唔少家長都會有興趣接收。
最後係度祝大家嘅小朋友英國兒童節快樂!
TP Toys官網: https://www.tptoys.com/
Smyths Toy官網: https://www.smythstoys.com/
PoundToy官網: https://www.poundtoy.com/