移民英國後第一次去超市，通常都會因肉類便宜的價錢感興奮，不過同時會發現蔬菜選擇比起香港少，而且好多不明蔬菜! 初來英國時選擇自己熟悉的蔬菜好正常，但係來來去去都係西生菜、椰菜、菠菜、西蘭花、椰菜花、Chinese Leaf同埋一系列沙律菜，雖然間中都有白蘿白同埋西洋菜，但係都係可遇不可求，結果為左增加可以食嘅蔬菜清單，就決定發起英國超市蔬菜試食，報告如下。買之前通常都唔會search佢係咩味道，因為無論係點，都想盡量試下先。
帶定頭盔先，口味既野好個人，以下只係編輯S個人意見，你可能會覺得好好食，但係唔代表我覺得係。另外亦有可能係煮法唔啱，歡迎大家提供你認為好食的食譜。
Table of Contents
Parsnips Loose 歐防風
編輯S見識少，一開始以為佢係蘿白，睇清楚就以為係紅蘿白D Friend，估計味道唔會太濃。結果編輯S太太選擇左用黎炒，一食落去以為佢落左咩精油!!!!! 個味道濃到不得了!!! 而且因為係炒，所以口感係好爽下的，編輯S個人認為除左精油味，仲有好大陣的草青味，唔係完全食唔落口，不過有得揀係唔會食。但係編輯S太太認為是OK的，口味既野真係呢……. 之後上網睇返食譜，唔少都係教你用焗or 煲湯 or 燉菜，下次再try try。不過wiki話歐防風營養價值豐富，比薯仔同紅蘿白更高，仲含有豐富的鉀，有助於降低血壓、預防中風，並有助於預防骨質疏鬆症和腎結石。OK fine, 編輯S話會比多次機會佢。
Savoy Cabbage 捲心菜?
係香港好似見到都有得食，不過未試過。今次又係用炒，加埋少少蝦米，口感味道都似椰菜，不過有d硬，估計纖維應該比椰菜高。網上Search係可以用黎做肉捲、燉菜和湯。編輯S認為可以加入新菜單。
Leeks 韭蔥
又係見識少問題，以為係京蔥，其實係近似不過係唔一樣。編輯S太太又係用黎炒，不過今次係炒牛面頰(beef cheek)，想做到京蔥炒牛肉Style，炒出黎味道都近似，不過2種食材都同我地認識嘅有少許分別。首先韭蔥味道係同京蔥十分相似，不過口感感覺上更硬 or 高纖維，要黎炒的話應該要比京蔥煮耐少少，又或者要切薄D，留意編輯S已經係買細條果d Leek，如果大條的話，根據建議係用黎燉菜或者煮湯比較好，Wiki話世界著名的蘇格蘭萊比錫雞湯和法國奶油維希湯都係用Leek煮的。牛面頰(beef cheek)方面都幾多根，有d似牛展，但係硬少少同比例酥，應該要黎鹵水或者炆會唔錯。編輯S認為可以加入新菜單，不過煮法要調整。
Fresh Green (中文名不詳，歡迎指教)
係超市見到佢大棵又粗糙，賣相完全令人提唔起勁，而且又咁平，估計未必好食得去邊，亦唔係好諗到可以點食。結果又係炒(笑)，係煮之後特別吩咐要切細條D同埋唔食最出果片葉，同埋要煮耐少少，否則可以預見係完全咬唔落。用左睇落個樣好似嘅臘腸Polish Sausage去炒，結果出黎係掂嘅，口感及味道似臘腸炒芥蘭，不過都係一貫問題，口感感覺上稍硬 or 高纖，但係價錢超級平，性價比高，絕對係可以加入菜單之一。
Samphire海蘆筍/海蓬子
係Tesco見到的，£2 得115g 算係貴d既菜(?)。Samphire生長係海的旁邊嘅多肉植物，決定點煮之前用滾水煮左幾分鐘，試左味先決定做法。Samphire味道基本上同海葡萄極似，姐係都係好咸同埋海水味，不過口感係爽脆d。今次終於唔係炒，而係加埋木耳做涼拌，加左大量糖、麻油同埋豉油，放入雪櫃凍食。結果出黎係適合涼拌的，不過覺得仲係咸，同埋差少少味道，因為個咸味實在太強烈，之後加左d花椒油，強強對對碰之下效果竟然唔錯! 不過由於唔係主食，又略貴，而且係係季節性食品(每年5至8月)，所以一年可能食得2-3次，下次會試下熱食。
總結
你可以會覺得唔跟食譜煮梗係唔好味啦，其實煮食果個探索過程係幾好玩，最緊要你唔好一次就判一種食物死刑，自己試過唔得既先同其他人學習都未遲。而且黎到英國，同另一半研究點煮食都不失為一件樂事。如果諗唔到煮咩或者係新手，不妨可以去HelloFresh或Gousto偷下師 – 英國食譜及材料直送服務Hello Fresh及Gousto
再唔係就喺自己花園種啦! 英國花園 – 種出熟悉的味道
煮食相關文章: