好開心見到係英國開展新生活的朋友最近可以瘋狂同陽光玩遊戲。根據英國天文台的資料，2021年英國的夏季將會是6月21日至9月22日，換句話說，熱天只是剛剛開始。相比起其他亞熱帶的亞洲城市，英國春天的天氣的確十分宜人，但是到7-8月的時候，日間溫度往往可以超過30°C，英國天文台亦會因應情況發出熱浪警告，觸發條件是日間平均氣溫30°C以及夜間平均氣溫15°C，提醒市民提防中暑，2020年8月便連續發出了6日。雖然各位香港朋友久經訓練，習慣三十幾度都可以係中環全套西裝健步如飛面不改容，但係英國炎熱的夏天始終都要注意降溫，提防中暑，下面會同大家介紹幾個本地人常用的消暑方式。我地仲會講下係邊度買風扇同埋英國的冷氣機款式。
Table of Contents
英國位處溫帶氣候區都有熱浪? 日間平均溫度可超過30°C
根據英國天文台的資料，2019年英國平均溫度是16.4°C，當中英格蘭最熱，整個夏天平平均溫度是17.5°C，需注意的是平均溫度計算是包括夜間溫度。2020年8月7-12日英國便連續6日發出熱浪警告，部份英格蘭地區日間溫度超過34°C。而英國有史以來錄得最熱的日子就是2019年7月25日係Cambridge University Botanic Garden錄得38.7°C高溫。所以大家係英國生活的朋友係夏天都要唸下點樣消暑。我地較早前有一篇文章介紹英國天文台，佢地網頁有好多關於英國天氣的文章《英國天文台 Met Office 及警報系統 咩Warning唔駛返工?》，如果想更了解英國的氣候可以去了解下。
圖片1: 英國2019年夏天平均氣溫
圖片來源: Met Office
英國人會用甚麼方法消暑?
在室外的地方避免中午時份長時間被陽光直接照射，穿淺色通爽的衣服以及盡量補充足夠的水份。英國夏天只是短短3個月，所以大部份室內地方都沒有裝設冷氣，大家以前係香港返屋企消暑方法最簡單就係開冷氣，我地以下睇睇本地人會用咩方法降溫。
日間關閉門窗以及拉上遮光窗簾
NHS就提議如果戶外的溫度較高時可以關左個窗而且放下遮光窗簾
，再等室外溫度稍涼先再打開，大家可能會”嘩”一聲，因為大家的認知都是打開窗令空氣流通，但NHS指出咁做比較容易引流熱空氣入屋，令室內更似溫室，加上英國樓保溫係做得幾好。當然大家請按實際情況決定。我地較早前有2篇關於窗簾的文章《高緯度的超長日照生活 英國點買窗簾(上)- 紗簾》、《夏日陽光燦爛 英國點買窗簾(下)- 打孔式窗簾與捲簾》，有談及簡單安裝窗簾的方法。
炎夏時使用冷枕及透氣床上用品 cooling bedding
係好熱的日子，最難捱的莫過於訓覺熱醒，大家都可以考慮用冷枕或者透氣性高的床單、被褥、枕頭。英國本地唔同地方都有cooling bedding，有部份產品稱可以幫助調節體溫。例如Marks and Spencer, Argos, Amazon都會有。又或者可以係枕頭加個cooling pad。
圖片2: Marks and Spencer 床單 Cool Fitted Sheet
圖片來源: https://www.marksandspencer.com/comfortably-cool-fitted-sheet/p/hbp22379893
圖片3: Argos Cooling Bedding 枕頭
圖片來源: https://www.marksandspencer.com/comfortably-cool-fitted-sheet/p/hbp22379893
住house的朋友可以考慮訓樓下
晚上太熱的話，如果住屋的朋友可以考慮訓樓下，係下午時份樓上受熱比較多，高溫的日子就需要更多時間散熱，因為熱空氣會往上升，地下living room往往會較早更涼快，大家可以考慮訓樓下梳化床，但最好唔好直接睡在地上。
英國電風扇加冰，唔該！
係英國買定部電風扇絕對會係一個明智的決定，因為所需位置不多而且又易於收藏。電風扇的原理是增加空氣流動令附近環境涼快。如果天氣真係實在太太太熱，可以考慮係前面放一盤冰，吹出來的風就更加透心涼，而呢個亦都係我最愛的方法之一。如果驚唔夠冰，都可以考慮添置一部製冰機，平時同朋友係屋企BBQ都可以用來整沙冰食。大家記得溶左嘅冰唔好就咁倒左佢，可以考慮用來淋花呀。好多地方都有風扇賣，但每每踏入6-7月都會賣得好快，Argos, Currys PC World, Sonic Direct, Amazon都會有。
圖片4: Currys PC World 風扇專頁
圖片5: Argos 風扇專頁
圖片6: Sonic Direct 風扇專頁
英國冷氣機的款式‧ Air Conditioner or Air Cooler?
如果大家真係非常怕熱，連以上的方法都幫唔到你，英國都係有冷氣機以及冷風機賣的，但就唔會係香港用開的窗口式，分體式都會見到有不過不是common，通常係會用座地式(Portable air conditioners)，插左電就用得，當夏天過去亦容易收藏，當然係無窗口式同分體式咁涼。其實因為天氣愈來愈熱，英國都開始愈來愈多人有冷氣機，大家可以自行判斷是否有需要。最後提提大家買嘅時候要分清楚個部係 Air Conditioner 定 Air Cooler，通常Air Conditioner 仲可以令溫度下降10°C以上，而Air Cooler基本上都只係可以降溫3-5°C左右，千祈唔好買錯呀。
圖片7: Argos Air Conditioner 專頁
圖片8：Currys PC World Air Conditioner 專頁
酷熱天氣下 請關顧附近獨居長者
最後呼籲大家，酷熱天氣可導致中暑、熱消耗等等，嚴重可以致命。希望大家可以關顧附近的鄰居，尤其是獨居的長者，看看他們有甚麼需要。如果係剛剛搬到新社區，大家可以考慮用Nexdoor呢個app同街坊互通消息，睇下有無朋友需要幫助，詳情可以閱讀我地另一篇文章《認識你的鄰居與社區 — Nextdoor App》。
Source of Climate Date: Met Office