英國人好鍾意踩單車，政府亦推出唔少政策鼓勵市民用單車代步，同時英國係各項國際單車比賽成績亦非常優異。鍾意踩單車嘅朋友嚟到英國踩住自己架戰駒四出探索絕對係人生活一大樂事。不過英國咁大，未必下下都可以直接踩架單車過去，有時都要揸車去到目的地先再踩。所以大家係英國路上都唔難見到有車裝咗單車架（Bike Rack）用嚟車埋部單車四周圍去。今次就同大家分享一下編輯L朋友R裝車用單車架的有關資訊。
Table of Contents
英國的租單車服務
英國有唔少踩單車嘅好地方，好似我哋之前介紹過嘅Rutland Water，不過跟據Google Map顯示由朋友R嘅屋企直接踩單去Rutland Water來回就需要超過6個鐘，對一眾單車高手嚟講可能無咩問題，但對朋友R哩個普通人嚟講基本上係不可能嘅任務，更唔講話要同埋個小朋友一齊踩過去。雖然Ruland Water有租單車服務，但係如果大家有自己單車嘅朋友，我信相都會比較想踩返自己部單車多過租車，更何況唔係每地方都有單車租。
Bike Rack的種類
所以朋友R添置咗個Bike Rack方便去唔同嘅地方時候可以帶埋部單車去玩。Bike Rack 有主要有兩種，一種係放車頂嘅Roof Bike Rack，另一種係放車尾嘅Bike Rack。
Roof Bike Rack
唔係架架車都可安裝Roof Bike Rack，要睇你架車有無果2支Roof Rack係頂。不過而家就算原裝無Roof Rack，有部份款都可以額外裝，不過即係又要加錢了。用Roof Bike Rack好處係可以好方便咁用到車尾箱，最多可以一次放4架單車。
Roof Bike Rach, photo credit: https://www.halfords.com/cycling/bike-racks/roof-mounted-bike-racks/halfords-roof-mount-bike-rack-635780.html
Trunk/Rear 及Towbar Bike Rack
放車尾都主要分兩種，一種係成個架掛上個尾到嘅Trunk/Rear Bike Rack，另一種就係裝係個Towbar到嘅 Towbar Bike Rack，Towbar Bike Rack個隻一般承重量都會大啲，不過首先你架車本身要有個Towbar先，另外Towbar Bike Rack普遍貴啲。用Truck/Rear Rack好處係細件同容易儲存，不過用車尾箱唔係咁方便，最多可以一次放3架單車。Towbar就最容易Load架單車上去，而且係3種之中最安全。
Truck/Read Bike Rack, photo credit: Saris
Towbar Mounted Bike Rack – photo credit: https://www.halfords.com/cycling/bike-racks/towbar-mounted-bike-racks/halfords-advanced-4-bike-towbar-mounted-bike-rack-339294.html
Bike Rack價錢?
Roof Bike Rack: 如果你車頂原裝係有Roof Rack，最平£24係Halford就可以買到，貴D就£200左右，如果唔識安裝仲可以加錢比Halford幫你Install埋!
Trunk/Rear 及Towbar Bike Rack
Truck/Read Bike Rack相比Towbar 比較平，最平一架單車就£38.25，3架單車就£74.99，普遍都係百鬆鎊多D，有少量過£200-£300。
Towbar Bike Rack雖然最平£48可以裝到，但係絕大部份都要會超過£200，有D仲有6百幾鎊! 安裝費用都貴過人。
係邊買?
Halford
Website: https://www.halfords.com/cycling/bike-racks/
係英國買車用品第一時間一定係諗到Halford，當然Bike Rack亦都有得賣啦，仲可以加少少錢就幫埋你安裝。以上配圖及資料大部份都係由Halford搵出來。
Decathlon
作為最大戶外用品的零售商之一，單車用品當然少不了，價錢同Halford一樣有平有貴，不過唔包安裝。
Amazon
Website: https://amzn.to/3oeanBg
最多款式選擇當然係Amazon，而且有最多平價貨揀，不過最容易中伏都係佢。
安裝方法
朋友R係用Rear Bike Rack自己安裝，佢話其實都唔係好難，睇下說明書同上網Search下片就OK，不過如果無信心就可以加錢係Halford比人裝埋，費用大約係£20-£35。
安裝短片參考
Bike Carrier Towbar – Thule EasyFold
Bike Carrier Bike Rack on Trunk Installation Guide by LT Sport BR-3BA
Bike Rack需知
大家揀嘅時候記得Check吓個車架啱唔啱自己部車，因為唔同車可以只可以用某D型號。唔識就最好揸架車去Halford問下職員。另外如果大家選用Trunk Bike Rack嘅話，記得要配備一個Lighting Board，因為你裝Trunk Bike Rack再放埋單車嘅話，一般都會遮晒後面個車牌同指示燈。但如果用Towbar Bike Rack 嘅話就一般都會有個放置畀人大家裝返個車牌上去，唔駛額外買。提一提大家，如果大家去配車牌嘅時候，記得帶埋V5C Form去，因為如果去配車牌嘅時候，一般係要求大家出示證明文件大家係該車牌號碼號車主先會畀你配個車牌。