大家移民到英國，除了一般衫褲鞋襪之外，我諗都唔多唔少都有啲金飾名錶跟埋過黎，可能係結婚金飾嘅龍鳳鐲、介指或者係小朋友滿月金吊墜等等。係香港大家都可能會係銀行租個保險箱擺好佢，初嚟到英國人生路不熟嘅時候，要將啲金器貴重物品放係屋企嘅話，唔多唔少都會缺乏安全感，所以哩個時侯大家可能需要一個可靠嘅保險箱服務公司。
Table of Contents
英國保險箱市場概況
係香港提供保險箱服務嘅主要都係銀行，其他供應商選擇有限。而係英國，銀行保險箱服務被視為過時，大部份銀行已經完全停止提供保險箱服務，餘下部分更只為現有客戶繼續提供服務，並已經停止接受新申請，不過英國仲有大量提供專業保險箱服務嘅公司可以選擇。
保險箱服務你要知
擺係保險箱就等於有保險保障？
你要記住，大部分銀行只係提供一個安全環境畀大家畀大家存放貴重物品，唔代表你嘅物品會受到保險保障。以Halifax Bank為例，對於保險箱內的財物他們不會提供保險保障；Metro Bank亦列明不會對保險箱內的財物損失及損壞承擔任何責任。相反大部分專業保險箱公司都會提供基本保險保障，如Sovereign、Metropolitan等公司都會於租用保險箱的費用中包括基本保障額，大家亦可以因應存放財物嘅價值再額外投保。
租用保險箱可能會慳到錢？
有買開家居保險嘅你哋都知，係申請階段，一般都會要求大家填寫家中有咩貴重物品，如果貴重物品越多，價值越高，保費也會因而上升，如果你租用保險箱後通知保險公司已張貴重物品轉移到保險箱保管，保費亦可能因而大幅調整，慳出的保費可以用來支付部分甚至全額的保險箱服務。
保險箱放現金得唔得？
法例上係無限制保險箱是否可以存放現金，雖然係咁，但銀行一般唔建議客人將現金存放於保險箱，因為現金係不在保險保障範圍之內。甚至有部分銀行如Lloyds Banks嘅保險箱服務列明不可存放仍然流通中嘅紙幣及硬幣（收藏用就可以）。但有部分保險箱服務公司列明保險箱嘅保險保障範圍是包括現金的。
保險箱有咩唔放得？
每間公司都可能有啲唔同，但一般都係大同小異，武器、毒品、化學物品，易燃物品及任何非法物品都是被禁止的，相信普通人都唔會租個保險箱擺哩啲嘢。我諗最大出入嘅物品相信就是否容許存放現金。
有咩唔建議大家放入保險箱？
護照、唯一副本嘅遺囑和授權書、以及任何你有可能突然需要嘅文件等，都唔太建議大家放入保險箱入面，大家都係喺屋企搵個安全地方收好佢。
今次就講住咁多先，下次再同大家分享下英國提供專業保險箱服務嘅公司同埋價錢。
(Visited 2,202 times, 1 visits today)