英國超市食材價錢便宜我相信大部份人都讚同，但係對於高級食材的選擇比較少，如果大時大節或者另一半生日，想係屋企食餐好都不為過，咁係邊買到好野呢? 大家可以嘗試英國高級食材供應商 – Fine Food Specialist。佢地產品包括和牛、魚子醬、松露、海鮮同埋菌類等等，共有超過2,000款產品。而家到31 Aug仲做緊Sale添!
Table of Contents
Fine Food Specialist的背景
於2010年由曾經係米芝蓮餐廳學藝的廚師Drogo Montagu成立，當年佢因為患重病被迫要辭去廚師的工作，但不減對高級食材的追求，所以成立左Fine Food Specialist，為大家搜羅全球各地的高級食材。
網站: https://www.finefoodspecialist.co.uk/
Fine Food Specialist的產品
係主頁見到的best seller都係d頂級食材，包括和牛(Wagyu)、魚子醬、松露、海鮮同埋菌類等等，另外仲有蔬菜、水果及醬料等。
當中最吸引編輯的就係和牛，大家可能係英國超市見過和牛扒或漢堡有得賣，不過質素同鄉下日本和牛質素有不少距離，所以價格都平好多。而Fine Food Specialist夠膽開一個和牛Category同其他分開，就知道和牛係佢主打產品。雖知道和牛都有唔少產地，所以就Click入去睇下佢咩河車。
Fine Food Specialist的日本和牛
入到去睇佢都好均真，有分類列明和牛係邊出產，想食最好既，當然係揀返日本和牛。Fine Food Specialist的日本和牛全部都係來自鹿兒島，雖然唔係日本最頂級的三大和牛，但係亦都到達A5級別。 和牛原本已經係貴價食材，黎到英國，價錢就更加貴，但係編輯認為Fine Food Specialist的日本和牛價錢仲係喺可以接受的範圍，因為如果係London餐廳食同一級的日本和牛，價錢就再高一級了。而且日本和牛油脂超級豐富，一個人食哂一件200g(7oz)可能已經好膩了，要黎大家分享其實好夠食。
日本和牛vs英國和牛vs澳洲和牛
睇完日本和牛就睇埋英國和牛比較下，同喺超市買到嘅英國牛一樣，英國嘅和牛都係偏瘦，油脂比例同日本和牛完全冇得比，睇吓以下圖片你就明白，不過價錢起碼平一半以上。咁嘅情況下編輯寧願揀返超市d 牛扒算了。而澳洲和牛就係兩者之間，但係油脂方面都係同日本和牛無得比。
圖1: 英國和牛
圖2: 澳洲和牛
海鮮
相信大家都曾經係Soldeli買過日本刺生及海鮮，大部份Soldeli有既Fine Food Specialist都有。除此之外，亦有好多其他頂級海鮮選擇，例如地中海紅蝦，新鮮龍蝦、蟹及多種魚類等等。
時令食材
喺依個category之下，可以見到唔少時令食材，特別係水果及蔬菜類，當中包括紅火龍果、番石榴、梨、山竹、椰青、柿、仲有好多未見過未聽過嘅食材，如果你係勇於嘗試的人，可以係道選購下。
Fine Food Specialist的運費
送貨對於食材來講係十分重要，尤其是新鮮及冷凍食材，而Fine Food Specialist有提供Royal Mail 及Next Day Delivery，不過無論無幾多錢，用咩方法，都係需要收費，價錢由£3.99-£19.95不等。要留意如果係易壞的食物，Fine Food Specialist會自動設定用Courier公司DPD送貨，即係必為Next Day Delivery，收費表如下。另外由於Fine Food Specialist office位於London，如果係11am前落單而送貨地址係London內，仲可以有Same Day Delivery, 收費統一為£25。
Fine Food Specialist August Sale – 最多40% off
睇完以上介紹心思思可以趁佢地8月Sale去揀下有無心水食材，最多會有40% off嫁。優惠由即日去到31 Aug, 仲有時間比大家慢慢約朋友開大食會。
Fine Food Specialist August Sale網址: https://www.finefoodspecialist.co.uk/august-sale
總結
睇完個介紹，你可能都同編輯想法一樣，會覺得價錢係貴，但係Fine Food Specialist所提供的食材的而且確較難係一般英國超市搵到，而且唔少新鮮食材都係要靠空運，可以明白價錢點解會貴。但Fine Food畢竟只係遇一為之，有時癮起上黎，又或者係特別日子，對自己或親朋好友好d，食貴少少都可以啦，畢竟英國超市食材咁便宜平時都慳左唔少了!
Fine Food Specialist 網站: https://www.finefoodspecialist.co.uk/
飲食相關文章