係英國生活，唔少朋友都會選擇揸車，就算個香港車牌已經生鏽，黎都英國都會選擇重新上路，之前已經介紹過買車相關知識，今次就講下英國入油一些小知識及個人經驗。如果你有留意英國油站價錢，你會發現英國超市汽油價格會比有牌子，例如Shell、BP及ESSO便宜，網上又有人話討論話超市油係差D，事實又係唔係呢?
Table of Contents
英國超市汽油是否比有牌子差?
簡單答案是 “NO”，首先英國對汽油係有標準的，凡係進口英國的汽油都必需要通過該標準，第二大部份超市及有牌子油站基本上係由同一間煉油廠入貨的。兩者最大分別係有牌子汽油公司係有一套自家的秘密配方，會將唔同的添加劑加入到汽油中，令到汽油的質量更適合被引擎燃燒，而且減少廢氣排放。所以如果只係以汽油基本質素比較，超市油站係同有牌子一樣的。
有牌子汽油公司的添加劑是甚麼及其作用
有牌子的公司主要都係喺汽油之中加入2種添加劑，令到引擎及汽車效能更好。
主要分為2種
- Detergents – 可以叫做清潔劑，主要減少機械上沉積物的積聚而影響效能
- Friction Modifiers – 可以理解類似潤滑劑，可以減少機件磨擦
不過專家指出差距及改變一般只有好細微，反而係你架車嘅款式及類型會有更大的影響。簡單d講如果你果間係錢7，就無咩影響，如果你果架係超跑，效能提升就會大D。亦有資料指出，如果用有牌子的汽油，燒油的效率會有10-15%的提升，假設你一個月入2次油，一次入£40，一年姐係入24次，你會用少左£96油，不過要明白有牌子汽油係貴過超市的，當中差幾多就要睇2者價錢差距喇(*來源三)。當然超市汽油都有依2種添加劑，只不過係份量同配方無有牌子汽油咁講究。
PetrolPrice網站的用家對各大汽油品牌的評分
有車一族應該對依個網站唔會陌生，因為就算係超市油，都會有唔同價格，入油前通常都會check check附近油站價錢先去入油，未用過既就Bookmark佢下次記得用喇。
以下係PetrolPrice用家對各大汽油品牌的評分，大家可以參考一下。(可惜無Costco)
有牌子汽油
超市汽油
圖片來源: https://www.petrolprices.com/brands/
個人經驗
首先利申編輯S果架只係錢7一架，亦對汽車無咩要求，主要為代步，一開始係入Tesco及Sainsbury’s，用Tesco好地地的，用Sainsbury’s 就有時候剛開車會窒油，之後轉用Costco，感覺同Tesco無咩分別，Shell果D真係少入，不過唔覺有咩太大分別。另一位編輯R就邊間平就入邊間，暫時全部都無問題，不過編輯S係歐洲車，編輯R就日本車，唔知有無關係喇。
總結
就如唔少超市都有自家品牌，當中的質量唔一定比其他牌子差，只不過因為定價較低而影響個人觀感，不過如果你係愛車之人，或者買左新車，又或者你係揸超跑，用返有牌子汽油可能會令你的愛車的更能發揮潛能，而且長遠來講都係機械的保養都有好處。最後帶返個頭盔，小弟並非實驗室的化驗員，以上資料都係由各大知名網站搜集，如有任何問題，可以去以下資料來源再深入研究下。
資料來源:
汽車相關文章: