正所謂一日之計在於晨，先不論一餐早餐對每個人有幾重要，如果每人每日都有一餐豐富嘅早餐開展佢嘅新一日，真係心情都愉快啲。繼上次試完農場直送食材之後（https://hkersuklife.co.uk/13/04/2021/food/3088/），今次就試農場直送牛奶，一餐豐富健康嘅早餐一杯鮮奶真無不能缺少。連英國政府喺Nursery同小學都有實行school milk subsidy scheme，就知道牛奶幾重要。
Milk and More農場牛奶直送到府上
Milk and More透過與不同小型農場（供應商）合作，致力搜羅最好嘅產品，透過Milk and More的物流網絡將產品每天送到大家門口。入到Milk and More 網站 – https://www.milkandmore.co.uk/ 只要輸入Postcode，Milk and More 就會話畀你知你屋企有無供應牛奶的農場服務覆蓋，同埋每星期幾可以送貨。
圖1: 輸入Postal Code查詢附近供應牛奶的農場
圖2: Milk and More的Milkman，證明你當區有服務覆蓋
Milk and More牛奶的價錢及味道
今次就要咗一支Organic Whole Milk嚟試下，568ml(即2杯左右)值錢£0.95，當然會比去超市買嘅貴少少，不過重點係佢係新鮮農場直送。今次只係訂咁一支價值£0.95嘅鮮奶，但係仍然免費送到你門口，第一張Order仲要送Free Welcome Gift，500ml 橙汁一支，真係好鬼抵。大家試完啱心水，可以Join定期送貨（Deliver Regularly）計劃。味道方面，先利申編輯R係有飲開奶，而且平時都比較重口味，個人感覺依支農場直送牛奶係的而且確比平時係超市買開嘅味道較濃。但係留意返由於每區供應牛奶的農場都唔同，所以味道可能都會有差異。
圖3: 指定送貨日當天，一早起身開門就見到鮮奶放咗係門口。
圖4: 自家制豐富早餐＋一杯Milk and More新鮮牛奶去迎接新一天。
除咗鮮奶仲有咩買？
其實Milk and More入面嘅產品好多，除咗鮮奶之外，芝士、牛油、Bacon、蛋、甚至蔬菜水果、麵包蛋糕你都可以係入面搵到，大家可以入去發掘一吓一啲平常係超市未必見到嘅品牌，支持吓啲英國小型農場出品。今日介紹到哩到先，下次有好西再同大家介紹。
Milk and More網站: https://www.milkandmore.co.uk/
