聽住「藍色多瑙河」係屋村或尖沙咀鐘樓食雪糕應該係唔少香港人嘅童年回憶。不過大家放心，香港嘅雪糕車概念其實都係由英國引入，所以大家嚟到英國一樣可以懷緬一番，但係可以係邊捕獲佢地? 食杯雪糕要幾錢? 同埋聽到咩音樂就知道雪糕車係附近呢?
Table of Contents
英國雪糕車的出沒時間及地點
英國雪糕車最繁忙時間係每年三至九月，除了因為天氣開始回暖，日照時間變長都係原因之一，大家哩段時間可以喺各大Market及公園等，嘗試野生捕獲佢哋（畀個小Tips大家，放學時間係學校附近嘅公園捕獲機會大增）。英國雪糕車喺依幾個月周圍揸來揸去，淡季的話其實照樣會開，不過會變成定點，所以如果你想12月食住雪糕過聖誕都係可以的。如果唔知淡季雪糕車泊左係邊，可以試下用App Nextdoor問下鄰居。如果想知點樣用Nextdoor app認識你的鄰居與社區，可以睇返我地之前文章 – https://hkersuklife.co.uk/22/03/2021/daily-life-2/2579/
英國雪糕車的經營模式
英國嘅雪糕車同香港唔同，香港嘅雪糕車賣都係同一間公司經營，每架車賣嘅款式都係一模一樣。但係英國嘅雪糕車就唔同喇，大部份雪糕車都係獨立經營，只有Mr Whippy Ice Cream係有車隊。首先佢地唔會只賣雲呢拿雪糕同埋甜筒，雖然英國雪糕車所賣嘅款式都係大同小異，但每架車都可能有屬於自己嘅獨特口味，所以大家見到唔同嘅雪糕車嘅時候，都可以行埋去睇下有無啱你嘅口味。而價錢方面，大約係£1至£3，你睇下圖(按圖放大)可以見到D雪糕係有唔同Topping，有Oreo、Butterscotch、芒果、Bubblegumz、Raspberry等等，款式選擇真係好多。
英國雪糕車的音樂
係香港，唔知大家聽咗咁多年知唔知首音樂叫咩名，其實就係鼎鼎大名嘅「藍色多瑙河」。而係英國，雖然無指定一首音樂，不過根據BBC早年報導，英國最多雪糕車用嘅音樂竟然係令唔少喺香港考公開試嘅朋友難以忘懷嘅「綠袖子」。其實「綠袖子」係英國民謠，由16世紀開始流行，係香港公開試聽到嘅版本係正常速度版，不過係英國雪糕車用嘅係快版，可以Click去以下Youtube聽下 – https://youtu.be/52G62_e7VKg
英國雪糕車其他常用音樂，可以係依道聽: https://youtu.be/htAMXx3upow
雪糕車到會服務
順帶一提，有部分嘅雪糕車檔主係有到會嘅服務，大家結婚，開Party等，都可以預約佢哋嚟提供服務。Mr Whippy Ice Cream就有提供全國服務，不過自家經營嘅就未必全國通行喇，如果想約返常常服務街坊嘅雪糕車，係計劃前就問清楚喇。
最後附上好友小朋友英國食雪糕開心照片3張
資料來源:
http://www.bbc.com/autos/story/20160728-the-ice-cream-truck-jingles-summer-spell
https://mrwhippyicecream.co.uk/