乜嘢係英國Credit Score？係香港，個人信貸評級 嘅機制，好多人會覺得我唔借錢，買樓Full Pay，Credit Score唔關我事 ，係香港都可能係，但係喺英國Credit Score影響嘅範圍可能比大家想像中嘅大 ，只要你係英國生活，Credit Score就會影響到你。以下就Credit Score會影響到嘅範圍
Table of Contents
按揭批核(Mortgages)
哩個我諗大家都會諗到，Credit Scores嘅高低直接影響按揭公司接唔接受你個申請，如果接受你個申請亦會影響你個按揭利率嘅高低 。所以大家如果會考慮係英國置業 ，咁就需要大家好好管理自己嘅Credit Score。
信用卡（Credit Card）
係香港申請信用卡 好容易，基本上你附合佢個入息要求都批比你咁濟，係英國批唔批張卡畀你大部信用卡公司都係睇你個Credit Score嚟決定批定唔批。坊間都有啲專係畀啲無Credit Score or Credit Score好低分嘅人申請嘅信用卡，有機會再同大家介紹。
貸款(Loans)
我諗哩個我唔講大家都知，都係會直接影響個貸款 批唔批 同個利率嘅高低。
家居保險及車保 (Home Insurance and Car Insurance)
可能你會問點解買保險都會關Credit Score事呢 ？係因為如果你選擇月供嘅話，其實係代表保險公司事會先借錢畀你，你再攤分一年咁還比保險公司，所以你選擇月供嘅時候，保險公司係會Check你嘅Credit Score。
手提電話 (Mobile Phones)
我諗哩個嘅出現好多人都會有啲意外，用手提電話 都要Check Credit Score？因為對電訊公司嚟講，假設你個電話Plan係連一個電話一齊出嘅，其實電訊公司只係將電話嘅成本分攤到你每個月嘅帳單上，對電訊公司嚟講，其實哩個都係一個借貸嚟。咁當然喇，大家上唔到台唔代表無得用電話，大家仍然可以使用個嗰電訊公司嘅服務，只係大家要每月付款(Pay as you go)咁解姐 。
今日講住咁多先，有機會再同大家分享緊多關於Credit Score嘅事。