英國咁大，周圍都有唔少免費車位，不過其實通常泊車時間係有上限的，另外如果想係屋企前長泊，又可以點做呢? 如果唔係住係城市，好大機會需要揸車，近近地去玩可能都講緊要揸成個鐘頭車，雖然英國油錢比香港平，不過少數怕長計，究竟有咩慳油錢攻略呢?
英國泊車需知
係英國，除非你住倫敦等大城市，否則揸車真係生活必須，當然啦，喺英國養車同係香港養車嘅成本會差一大截，單係停車場錢就已經無得比，喺英國除非你入市中心，如果唔係大部份地方都係免費泊車。不過要留意商場或超市免費泊車時間上限 – 一般都係兩小時，因為係公共資源，唔希望你長時間霸佔停車位，所以超時收費會比較高。
另外，如果住House 通常都包車位，Apartment就算要Street Parking都只要向Council申請Permit Parking，幾十鎊至幾百鎊一年，睇你車型同埋地段，每個Council都唔同收費。另外千祈唔好違例泊車，英國政府同私人公司都裝咗唔少CCTV監察交通，比人捉到閒閒地都罰一百幾十鎊。
慳油錢攻略 – 善用油價格價App
揸車另一個重皮嘅一定要數係油錢喇，香港油價係全世界最高，英國大約比香港便宜30%-40%。另外一樣野係英國唔同，香港每一間油公司嘅油站都係同一個價錢，甚至唔同油公司都同一個價錢添。喺英國就唔同喇，唔同地區同一間油公司兩個油站嘅價錢係可以有分別，以下圖為例兩間都係Tesco 油站，價錢可以相差6%咁多。咁當然喇，你要揸遠啲去入油，相差嘅價錢係唔係真係補償到你揸遠咗嘅距離同時間呢？不過有時去遠咗，返屋企途中順路去入油，就可以慳返唔少生活費！
今日想同大家分享哩個油價嘅格價App— PetrolPrices。佢會自動幫你Search 晒附近嘅油站價格，再話你知最平同最近你個間油站係邊間。咁當然喇，佢只會話你知最平嘅油站，油嘅質素如何就要大家入過先知。
今日分享住咁多先，下次再用咩實用嘅App再同大家分享，如果大家有咩好用嘅App都歡迎你話我知。