踏入三月，提提已經身處英國嘅大家，冬令時間即將結束。而英國夏令時間(Summer Time)將於每年嘅3月最後一個星期日至10月最後一個星期日實行，今年即係3月28日至於10月31日，大家記得將個鐘同錶較返快一個鐘(如果有開定位，大部份電子產品都會自動調整），否則返學、返工、約見工或約收件等等攪錯時間就老尷了!
夏令時間其實是為咗節約能源嘅一種制度，由於夏天日光時間較長，日出時間比較早，因此有部份國家就會實施夏令時間，將時間較快一個鐘，令到大家早睡早起，更加充份利用陽光，從而減少照明系統嘅用電，達致節能嘅較果。
雖然夏令時間實施多年，但夏令時間嘅好壞都現在仍爭炒不休，但無論如何，又濕又凍、夜長日短嘅冬季將會慢慢離去，大家準備迎接夏季來臨啦。
(Visited 246 times, 1 visits today)