喺英國買架單車，無論係road bike、mountain bike定係我哋介紹過英國好多人踩嘅gravel bike，質素稍為好一啲嘅價錢，動輒都幾百鎊，甚至唔少過千鎊以上。我哋都講過喺英國生活，有架單車會方便好多《騎著單車的我倆~懷緊貼背的擁抱》https://hkersuklife.co.uk/13/01/2021/entertainment-event-travel/2349/，但萬一心儀嘅單車型號或款式，超出預算budget，可以點做呢？其實喺英國二手單車買賣都頗為普遍，價錢普遍較新車便宜唔少，正如新車落地嘅道理一樣，即使上一手車主保養得幾好、架車買咗唔喺好耐，或者踩咗好少路程，新車只要一落地，價值普遍跌咗三至四成。所以我哋建議chapter2朋友，打算買單車，有一個心儀嘅單車類型或款式時，除咗去一手商店睇，不妨亦喺二手市場搵一搵，比較一吓，隨時可以搵到好嘢慳唔少，即使最後二手市場唔啱，亦都無成本啫！
喺英國網上和舖頭都有二手單車買賣，購買時有唔少要注意嘅地方，包括點樣確保架二手單車嘅質素，以及唔係一架偷嚟嘅單車，等我哋今次講吓！
如何在英國購買二手單車確保質素？
先講點樣確認架二手單車嘅質素。根據英國網站bike radar https://www.bikeradar.com/features/how-to-buy-a-used-or-second-hand-bike-online/ 提供嘅貼士，喺二手單車買賣網站刊登出嚟嘅帖，絕大部分都附有相片，賣家如果用一張stock photo，而唔係自己親自影嘅，建議都唔好考慮，因為試問一個賣家覺得自己架二手單車係見得吓人，又會保養自己架單車，宜家影張相upload又咁方便，佢點解有需要用stock photo呢？相反如果賣家係親自影，即使影得嘅角度唔係好靚或者唔係好清楚，都唔太緊要，因為之後可以聯絡賣家，要求佢影提供多幾張架單車嘅相。
慎防買到「賊贓」二手單車
買二手單車另一個極需要留意嘅地方，喺要確保架二手單車唔係賣家偷返嚟，否則即使解釋到唔攸惹上官非，亦好大可能會損失金錢。如果你有睇過我哋另一篇文章《4招英國單車防盜》，應該記得我哋講過英國登記單車嘅網站https://www.bikeregister.com/，呢個網站獲英國警方批准和承認，英國警方搵報失單車都會用佢。運作方法簡單嚟講，係喺單車車身mark低一個登記編號，然後喺網站上登記，如果車主唔見咗架單車，會去個網站度報失，一方面希望有心人幫手搵吓，另一方面就係防止賊仔轉賣架單車。所以買二手單車，最好搵有喺呢個網站登記嘅單車，要求賣家提供登記編號，再去網站度查吓，有無人曾經報失。如果架單車無登記呢？最好就要求賣家出示當初買單車嘅單據，咁就比較安全啲。
最後俾個英國有二手單車賣嘅網站大家參考，
https://www.preloved.co.uk/classifieds/cycling/bicycles ，有過千部二手單車或者ebikes俾你揀，質素平均都幾好，好多都係有牌子單車，可能係賣家本身係單車愛好者，想換單車玩，相信可以揀到心頭好！