嚟到英國生活，好多人都會買架車代步，而揸車有兩難：一係搵路、二係搵位泊。雖然英國地方大，泊車唔會再好似以前咁難搵位，但去到市中心搵車位泊，其實都要考啲功夫同耐性。泊車最方便當然係可以泊街邊，但究竟點樣睇邊啲位泊得？邊啲位唔得？只可以俾咩車泊？咩時段先泊得？要唔要入錶？要唔要permit？又有啲路段可以泊上行人路？今次等我哋同大家講吓。
英國街邊車位的劃線
喺英國，車泊嘅街邊位，叫做「on-street parking places」，一般都會喺地面用白線劃出，通常都係位置馬路嘅一邊，有啲同路邊平衡而設，有啲就打斜而劃，兩邊嘅盡頭會用兩條白線作顯示：
亦有一啲劃線無分每架車嘅泊位，而係可以俾車連續泊，換言之只要喺範圍入面，你泊到幾多架車就泊啦：
雖然比較少見，但亦有啲泊位喺路中心，同樣會用白色虛線劃出，如果係特定俾某類人士嘅車停泊，旁邊會有字寫明，例如「DOCTOR」，如果無寫，就即係一段私家車都泊得：
英國街邊車位的分類和限制條件
要注意嘅係呢啲街邊位，可以係收費或免費、或者只容許俾某類車泊、或必須持有某類許可證、或者只可以某啲時段泊車、或者有限時只可以泊一陣。呢啲情況，旁邊都會豎立指示牌。
以下指示牌意思係可以俾果類型嘅車停泊，而且無時段和時限：
只可電單車泊
只可私家車泊
只可泊拖拉旅行車
只可泊貨車
以下路牌一般chapter2朋友亦十分常見，係指喺某個時段內，所有或指定車種可以免費停泊，但有時限 ; 喺其他時段就可以免費泊而無時限。例如：
星期一至六上午八時至下午七時，所有車可泊20分鐘，之後40分鐘不可再泊。
星期一至六上午八時至下午七時，私家車可泊20分鐘，之後40分鐘不可再泊。
電單車可以停泊一小時，之後兩小時內不可再泊。
某啲街邊泊位，只有某啲時間可以免費泊，但喺某啲時段係嚴禁泊車，例如：
星期一至六上午8至10時、下午4至6時禁止泊車 ; 星期一至六上午10至4時可以泊一小時，之後兩小時不可再泊；其他時段無時限免費泊。
當然有唔少街邊位，需要俾錢泊車，即所謂「入錶」，不過英國唔會每個收費街邊位都有一個咪錶，而係有一部機器俾人買飛，張飛上面會寫住可泊到幾時，然後記得記得將張飛放係車頭，否則警察見唔到都會照抄牌。呢啲要收費嘅街邊位通常都有指示牌提醒：
另一樣嘢chapter2朋友亦比較少見，係喺某啲路段，私家車係可以泊上行人路，而且有分可以泊半架車上去，定成架車泊上去：
可以泊半架車上行人路
可以成架車泊上行人路
下午六時至上午八時，可以泊半架車上行人路
28天內繳交罰款
最後提提chapter2朋友，警察、local council和Driver and Vehicle Standards Agency嘅人員，都可以對違例泊車發出定額罰款告票。萬一咁唔好彩，記住喺28日之內好交罰款，否則要俾多一半或以上嘅罰款額，而違泊罰款可以喺網上繳交，非常方便。
相關閱讀: