英國水費是頗貴的，有時候收到水費單時真係會嚇到個心仔離一離。很多朋友可能會以為因為供水公司是不可轉換的，就以為節省水費的幅度很有限。都係個句，慳得一鎊得一鎊啦，大家可以考慮使用水錶(當然事前要計算清楚是否划算)或其他慳水方法。上次Chapter 2另一篇文章《節省英國生活費─ 專人轉換能源供應商Look After My Bills》同大家介紹左如何節省能源開支，今次我地會同大家簡介英國的水費計算方法以及其他慳水費政策略。最後呼籲大家珍惜食水、切勿浪費。
Table of Contents
2種水費計算方法
在介紹如何慳水費之前先要講解英格蘭如何計算用水收費。第一種是Unmetered，即是沒有用水錶來計算，供水公司會因應1. 房屋類型2. 住戶人數 3. 房間數量4. 同一間供水公司所在地的平均水錶用水量。換句話說，用unmetered方法的朋友即使自己如何節約用水對水費實際收費來說沒有太大影響(當然大家也不可以浪費食水)。第二種水費計算方法則是Metered，按用量收費，需要留意的是英格蘭已實施排污費徵費，所以在計算用飲用水收費是也會一併計算排污費。Unmetered用戶的方式是可以轉換到metered收費模式的，申請水錶流程亦非常簡單，只需致電所屬的供水公司要求安裝水錶即可。而由unmetered轉到metered的客戶，一般可以有24個月時間要求轉回原來的unmetered模式。
安裝水錶可以減少水費開支嗎?
在英格蘭大概有50%的住戶已有安裝水錶，但安裝水錶可以節省開支嗎? 咁就要視乎你家中房間數目、住屋人數以及用水習慣有關。如果以一般人的平均用水習慣來推算，如果你的房子很大而且住屋人數很少，轉用水錶應該是比較划算的，但如果房間少而住屋的數很多，用unmetered應該是較划算的。
大家唔需要估估下，應該計計數，咁就要為大家介紹一個有用網站CCW，CCW的 Water Meter Calculator會幫大家比較到底是用metered還是unmetered的方式去計算水費較有利。大家需要先選擇住宅地區的供水公司、排污公司，然後點答幾句問題倒如住屋人數、用水模式(包括每星期沖涼、沖廁、洗衫、洗碗淋花次數)、現時水費水平等等，之後系統就會推算轉換到metered後的水費數目是多少，大家就可以按相對科學化的方法決定是否轉用metered收費模式。
慳水方法– 亦等同於慳錢
當一間屋的水錶安裝達24個月便不能轉回unmetered，換句話說大家就是需要接實際使用量付款，所以節省用水等同於節省開支。咁不如果大家一齊探討下在英國生活的慳水方法。
慳水裝置 – 免費索取的方法
無論大家住係英國邊個地方都可以向供水公司索取免費的小型慳水裝置，大家沒有聽錯是免費的，當然不同的供水公司會提供不同的慳水器俾大家。當中可以包括慳水花灑、慳水水龍頭、花園軟管噴嘴、水箱袋(放入馬桶水箱之後每次沖水時所使用時可減少用水量)等等。每間供水公司提供的節水裝置的多寡有別，例如London其中一間供水公司Affinity Water就可以免費為用戶提供慳水花灑頭、花園軟管節水噴嘴、水箱袋等等，而亦有部份供水公司只會為大家提供水箱袋(cistern bags)。有部份供水公司由save water save money網站負責統一派發慳水用品，大家只需要輸入postcode就可以申請索取不同的慳水器。如果所屬地區不屬於save water save money的服務範圍亦不用擔心，佢地會可以直接將你轉駁到相應的負責公司，例如住係Leicester的朋友就會被轉駁到Get Water Fit。
其他慳水方法
除了免費派發的裝置外，大家都可以考慮其他慳水方法：1. 檢查水管有否滲漏 2. 儲齊一機衫、碗先開機洗 3. 收集雨水用來淋花 4.使用其他慳水裝置。
Water Butt 收集雨水裝置
Kitchen Tap Spray head 廚房噴霧式水龍頭
除左裝設噴霧式水龍頭，大家洗碗時都可以用傳統方法，加個大盤係下面，都可以達到慳水目標。
Water saving and filter hard water shower head 慳水花灑頭
雖然有部份地區的朋友可以索取到免費的慳水花灑頭，但我又知道大家對把頭髮幾咁珍視，市面上都有部份的慳水花灑同時具有過濾硬水的功能。