英國暑假係出遊的好時機，就算有熱浪，係郊外地區夜晚都唔會太熱! 係英國國內旅遊，除了可以住酒店、Airbnb之外，其實仲有其他選擇，除了之前介紹過嘅FarmStay之外，其實仲有一種叫Caravan嘅住宿可以畀大家選擇。但同大家平時嘅係街見到嘅Caravan唔同，今次哩啲係大型好多，一般都唔會係馬路上見到，同埋佢已經齊晒水電煤，嚴格嚟講你可以當佢你一間屋。
Table of Contents
Yorkshire的假期
雖然英國最靚既海灘大部份都係南部，由於編輯R住嘅地方去南部車程比較遠，所以今個暑假就同朋友一家選擇咗係Yorkshire東面海邊喺Skipsea的Caravan嚟做今次4日3夜嘅住宿。唔好睇哩架Caravan細細間咁，其實入面有一個廳、廚房、三間睡房、一個廁所同一間浴室，絕對係麻雀雖小五藏俱全。而且個Boiler又夠熱，花灑出水量又夠! 完全係喜出望外! 仲有一點好重要係架車係可以直接泊係Caravan隔離，如果你有小朋友要帶好多野真係好方便上落。
有一點提一提大家，雖然係三房一張雙人床，4張單人床，不過佢會話最多可容納8個人，因為佢本身就係預有兩個要做廳長。不過畀定個心理準備大家，啲房係好細間架咋，不過由於編輯R掛住出去玩，所以無影到。
Caravan有咩玩?
留意有部份嘅Caravan會以渡假村嘅形式去營運，村內會有唔同嘅設施，今次哩個就有餐廳、表演場地、兒童遊樂場、遊戲機中心、泳池、保齡球場等等。唔少 Caravan營地仲會直接係個沙灘隔離，除左可以去玩，可以聽住海浪聲訓覺。比起酒店式渡假村，講真真係無咁多野玩，不過英國人就係喜歡大自然，安安靜靜同家人或朋友曬下太陽飲下Beer!
Caravan的收費
依間係Yorkshire東部近Skipsea的Caravan渡假村， 4日3夜嘅租金大約係￡370，不過由於今次去哩個旅程嘅時間唔算係正式嘅暑假（因為編輯R個小朋友間學校比其他地方嘅學校早咗一個星期放暑假）。如果到正式暑假，價錢會貴啲，大約會係￡450左右，不過其實6-8 個人除開真係幾抵玩!
總結
要不是4月已經book左，等到5月尾6 月book好多場地已經成個暑假已經book滿哂，而且愈早book仲會愈平。Caravan哩類型嘅渡假遍佈英國，大家下次去旅行，不妨一試。
