無論一個地方幾咁安全，但係始終都會有不法份子鋌而走險，話說不少保安森嚴的豪宅都曾經被賊仔光顧，大家可以做只能夠盡量令賊仔唔好揀你屋企。最近編輯L鄰居剛剛被爆格，所以令編輯L下定決心要提升防盜系統，以下除咗分享其中一款Smart Device – Ring Doorbell 4之外，亦有提到賊仔踩線的方法，大家可以去我哋個blog詳細睇睇。
Table of Contents
鄰居被爆格 連依樣野都偷?
話說編輯L搬咗嚟哩區都就快一年，數據同感覺一直表示哩區好安全，而附近鄰居大部分亦都無幾多戶有裝CCTV，所以之前買落嘅IP Camera 都無裝。點知早幾日其中一個鄰居畀人爆格，仲要係光天化日4~5點入潛入後園爆玻璃入屋，鄰居過嚟問我哋有無聽到啲咩聲音，但係編輯L一家案發時唔係屋企，所以無資料可以提供。言談間，鄰居話佢損失慘重，最估唔到係D賊連本Passport都偷埋。
Ring Doorbell的作用
之後編輯L再同另一位鄰居吹水，佢係附近小數係前後園都係裝咗CCTV同門口仲裝咗Ring Doorbell嘅鄰居，編輯L就問佢係唔係因為哩度好多爆格所以佢裝晒Cam，咁佢話唔係，純粹係因為佢後園無裝閘，裝咗個Cam安全啲，門口個Ring Viedo Doorbell，都係因為屋企成日無人，如果有人送貨嚟，唔係啲咩貴重嘢或者知道就快有人返到屋企，就可以透過手機App同速遞即時通話，指示佢放入花園或者交比鄰居等等。
鄰居都話裝Cam哩啲都係阻嚇作用多過實際防盗作用，始終做賊嘅都係取易不取難，要爆都揀間乜都無裝嘅嚟爆。聽到哩度編輯L返到屋企就嗱嗱聲上網訂咗個Ring Doorbell裝係門口。
安裝Ring Doorbell 4的方法
Ring Doorbell 個Set Up同安裝過程都整之簡單，基本上用USB差完電之後，裝Ring App Scan機背個QR code做登記，10分鐘內完成，仲將個Ring Doorbell連埋個手機App添，對於用電子野唔太叻嘅編輯L就最啱。安裝仲簡單，鑽兩個窿就攪掂。（如果大家係租屋，就最好問一問Landlord介唔介意你係牆鑽窿。）你可能會諗，就咁放個門鐘喺門口，個賊可以黎手可以掉咗佢，不過Ring係有保證如果個門鐘畀人偷咗佢會送返一個免費嘅畀你。
RingDoor Bell的功能及防盜小Tips
Ring Doorbell嘅好處除咗可以經手機App係有Network的情況下即時同按門鐘嘅人對話之外，其實佢仲可以Set 特定範圍探測到有物體移體就會Send Notification同自動錄影（哩個功能好多IP Camera都有）。編輯L其實裝Ring Doorbell最大嘅原因都係對話功能，因為鄰居畀爆格嘅第二日後有警察過嚟落口供，問下當日係邊聽唔聽到咩聲音之類，警察問咗編輯L一條問題就係，案發前一兩日係唔係有人敲門問要唔要抹窗服務，編輯L先醒起的確案發前兩日真係有人敲過門問要唔要抹窗。之後再同鄰居傾開，佢都話有機會都係踩線，如果你成日都無人應門，就會較容易畀人Target。就算你有人應門，你開門嘅時候賊仔會借D e望下你屋內係咩情況。但如果你裝咗個智能門鐘，有可疑人士黎撳鐘，就算你係屋企，你都可以透過App用門鐘係電話回答，一嚟對方就無機會睇到屋內情況，二嚟對方就唔肯定當時有無人係屋企，減低被Target嘅機會。我見被爆格個位鄰居案發後嘅日後都裝返個智能門鐘同搵人嚟裝咗家居防盗系統。
Ring Doorbell的價錢及計劃
編輯L今次買嘅係Ring Video Doorbell 4，係Amazon既價錢£179。如果覺得貴，可以買舊款，舊款係Argos都買到(傳送門)。另外有一點係好重要的，就係要Join Plan，如果你唔Join Plan，個人認為最重要的拍片功能就會無左，拍到嘅片會放上Ring個Cloud Server，所以唔會佔用你電話or電腦任何位置，basic plan一年都係£24.99，想做好防盜無理由仲要想慳埋少少錢，強烈建議要Join埋。亦有Plus Plan可以選擇，揀邊個就睇個人需要了。
相關閱讀: 英國安裝CCTV 私隱限制你要知