照顧陪你一齊過英國生活嘅老人家
喺今次英國移民潮裏面， 有部分香港家庭好好彩，老人家可以陪佢哋一齊移民去英國生活，佢地唔怕幾十歲人都需要重新適應新嘅環境，只想齊齊整整陪阿仔阿女阿孫一齊。 當仔女兩公婆都要出去做工搵錢嘅時候，老人家甚至會肩負起幫助打理家頭細務同埋照顧小朋友嘅重任。
但始終佢哋年紀一日比一日大，啲後生出去做嘢嘅時候都不免擔心佢哋屋企自己搞唔搞得掂。 相信各位香港嘅朋友對「平安鐘」三個字唔陌生，平安鐘嘅英文係Personal alarm， 而英國都有發展得好成熟嘅平安鐘服務，目標係令長者覺得更安全，而需要出去返工返學嘅屋企人更加放心。佢哋嘅服務對象除咗老人家之外，仲包括行動不便或者其他有需要嘅人士。
Table of Contents
英國嘅平安鐘服務通常包括呢三種功能
24小時專人即時支援熱線 Telecare：唔識英文都無問題
有部分老人家剛剛來到英國生活，英文程度未必咁好，當後生仔女出返哂工返哂學嘅時候，如果老人家有任何需要求助時就可以透過呢一個telecare平安鐘電話服務去求助，當中有部份平安鐘款式仲支援直接使用歌平安鐘Emergency Resolutions Centre直接聯繫(其實有小小似apple watch)。 登記平安鐘服務時需要登記長者緊急聯絡人聯絡方法，所以即使佢哋撳嗰個緊急掣嘅時候，唔識講太多英文又或者因為任何原因講唔到嘢話，24小時支援熱線嘅職員就會即刻打電話畀佢嘅緊急聯絡人，咁啲仔女就可以好快知道屋企嘅長者而家需要幫助。熱線嘅接線人員亦會喺仔女返緊屋企嘅途中提供適切嘅幫助， 例如安撫老人家，又或者同屋企人溝通完之後，先通知救護車去接老人家去醫院，以免耽誤治療，非常有責任感。
GPS tracker 定位系統 ：適合患有認知障礙嘅老人家
有幾款手錶型或者頸鏈型嘅嘅平安鐘款式具備全球定位功能， 明白到因為私隱問題，並非人人都鍾意用定位功能， 但係呢項服務的確比較適合有認知障礙嘅老人家。而呢類擁有定位功能嘅平安可攜式平安鐘亦都可以容許屋企人透過專用智能電話app去locate老人家嘅位置，喺老人家迷路或者走失嘅情況下屋企人都會比較容易搵到佢地。
跌倒偵測功能 Fall Detection：老人家跌親無人發覺手尾長
有一部分嘅平安鐘款式具備跌倒偵測功能，透過老人家嘅活動模式去偵測到老人家會唔會跌親，喺呢個情況底下，emergency resolution center嘅人員就會即時用平安鐘去同老人家對話，睇下有冇需要提供協助。
平安鐘服務供應商 – PPP Taking Care
平安鐘如何選擇？英國比較具規模嘅平安鐘供應商有PPP Taking Care, Telecare Choice, Lifeline24, Telecare 24, SureSafe。我哋睇咗Trustpilot (評分4.7)同Which?.co.uk (評分5) 呢兩個英國客戶評分系統之後，決定今次先用PPP Taking Care嚟做例子同大家講解平安鐘嘅款式功能同埋package，唔好以為平安鐘，其實都係大概£20-£30(加上佢而家有頭六星期免服務費嘅promotion)。 如果大家想知道更多Trustpilot 呢個英國嘅評分系統係咩點請睇返我哋之前呢篇文：
Chapter 2 Facebook- 消費者 – 如何搵出可信商家? 公司 – 如何增加消費者信心?
如果大家都想睇下which.co.uk 同 trustpilot對PPP Taking Care有咩評論，可以去以下呢兩條link：
Which.co.uk – 傳送門： https://bit.ly/2OLtMfz
Trustpilot – 傳送門：https://bit.ly/3c6k9Rn
PPP Taking care-於英於格蘭、威爾斯、北愛爾蘭提供多項平安鐘服務，今次先介紹2種
1. Personal Alarm Package
呢個係家用套裝，Taking Care會透過你屋企嘅電話線接駁佢哋提供嘅一個感應器(如果無landline佢可以加錢轉用landline free personal alarm連免費SIM card)，覆範圍大概係75米內，所以比較適合平時多數只係屋企附近或者花園走動嘅長者。 當中包一個personal alarm button (平安鐘) 佢可以係一條頸鏈或者個鎖匙扣咁隨身攜帶，而且in-home alarm仲會有終身保養。 當長者有需要嘅時候，只需撳個平安鐘嘅緊急掣，就可以直接利用個平安鐘同24小時支援熱線聯絡。雖然冇GPS定位功能，但係Emergency Resolutions Centre嘅職員會知道你屋企嘅位置以及緊急聯絡人資料。呢個package有兩個收費包括1次性安裝費大概係£80，月費就大概係£20(用Without VAT Exemption)。
2. Taking care anywhere
呢個係一個有GPS定位服務嘅package，比較適合周圍去或者容易迷路嘅長者。長者佩帶一個GPS定位嘅平安鐘帶喺身，無論佢去到邊度， 有需要嘅時候撳一撳平安鐘嘅按鈕便可以即時同Emergency Resolutions Centre聯絡。呢個平安鐘會以sim卡連接到multi-network嘅網絡，而呢張sim卡係唔需要額外畀電話費或者網絡費，因為已經喺個package度包埋。 大家都知道老人家跌親可大可小，呢個package包埋跌倒偵測功能 (fall detection)， 如果個平安鐘感應到老人家好嚴重咁跌倒 ，就會自動聯絡Emergency Resolutions Centre ，職員就會馬上提供協助。 呢個package有兩個收費包括1次性安裝費大概係£70，月費就大概係£26(用Without VAT Exemption)。
今日就先同大家做一個簡單嘅介紹，如果大家有興趣，可以瀏覽佢地嘅網頁：https://taking.care/