Table of Contents
🐦在自己英國的後花園觀鳥
英國雀鳥有極高的觀賞價值，在石屎森林長大的香港朋友，鬧市中經常見的鳥類大概只有麻雀、白鴿。賞心悅目的觀鳥大概需要到米埔或濕地公園。今次大家拎住BNO移民英國，不妨趁假日好好享受綠色生活，親親大自然。在英國觀鳥要去到好遠? 非也非也，只要花點心思，自己後園已經可以睇到好多色彩繽紛的雀仔。常居英國的鳥類大約有600多種，今日我地會同大家介紹係英國花園常見的10種鳥類(附圖)當中包括知更鳥、觀鳥、紅額金翅雀、大山雀、蒼頭燕雀、斑尾林鴿、椋鳥、戴菊鶯、銀喉長尾山雀,、冠藍鴉和家麻雀。第日大家見到佢地就可以知道佢地個名同佢地 say hello啦。大家仲可以考慮裝設餵鳥器或者整間簡單嘅鳥居，就可以邀請佢到你的英式花園作客。
1️⃣Robin 知更鳥
知更鳥是英國最常見亦最受英國朋友喜愛的雀鳥。胸前羽毛呈橙紅色，於是非常客易被大家發現。知更鳥全年都係英國生活，佢地係冬天非常活躍，聖誕節是牠們的繁殖期，而佢地嘅蛋係碧水藍色。知更鳥最愛嘅食物包括昆蟲、蚯蚓、水果、種子等等。大家如果想吸引佢地多些去你屋企探你，可以考慮裝個雀鳥餵食器bird feeder。
2️⃣Great Tit 大山雀
Great Titk 大山雀是英國山雀類中體型最大的一種。大山雀非常客易辨認。頸部羽毛烏黑、兩頻橢圓形大白斑，頭部與頜下的黑色羽毛連成一條黑線，兩邊胸腹部份呈淡黃綠色。在冬天的繁殖季節，大山雀會與同類連群結隊覓食。昆蟲係佢地主要食糧，但亦非常喜歡向日葵花籽、花生等「香脆」堅果食物。
3️⃣ Goldfinch 紅額金翅雀
紅額金翅雀是其中一種英國顏色最鮮艷的雀鳥。頭部淡黃色的羽毛，加上額、臉頰呈紅色非常搶眼。而眼部四周圍的羽毛是黑色，由頸部至胸部羽毛呈褐色，兩翅以及尾巴同樣是黑色，但最得意係翅上有淡黃色斑點。紅額金翅雀多於夏天出沒，冬天則會飛到較溫暖的地方過冬。佢地嘅主食係植物果實、種子，昆蟲。如果想吸引佢地去你屋企，記得係bird feeder度放啲向日葵花籽同黑棕籽。
4️⃣Chaffinch蒼頭燕雀
在英國及愛爾蘭非常常見的雀鳥，Chill級唱歌高手。蒼頭燕雀跟麻雀的體型差不多。雄鳥頭至頸部羽毛為灰藍色，胸前到腹部羽毛呈粉紅色，雌鳥羽毛則呈啡色。幼年時父母餵食昆蟲長大，成年時則以種子為主要食糧。
5️⃣Wood Pigeon 斑尾林鴿
斑尾林鴿係英國最常見的鴿子，亦係英國體型最大的鴿鳥。叫聲「咕咕」聲，常常樹叢和灌木叢間，食物係種子、穀物和漿果，繁殖期為4-7月。雖然佢羽毛係暗灰色，並非鮮艷，但如果大家見到佢地都要好好對佢地呀。
6️⃣Starling 椋鳥
椋鳥多連群出沒，英格蘭南部就最常發現牠們的蹤跡，每每出現都有相當數目，因為屬於體班較小的鳥類，跟族群一起生活起保護和取暖作用，胸前黑色的羽先滲透著一絲絲紫色，臉上的羽毛帶綠、黑色。Starling並不揀飲擇食，花生、水果、昆蟲都是牠最愛的食物。
7️⃣Goldcrest戴菊鶯
戴菊鶯係英國體型最細的雀鳥，常居於狹小的縫隙當中。一身灰褐色的羽毛，雄鳥戴菊鶯頭上有橙色及黑色間條狀羽毛，雌鳥則沒有。因為身型十分細小，牠們只會進食蜘蛛，蛾卵和小昆蟲。
8️⃣ Long Tailed Tit 銀喉長尾山雀
顧名思義，銀喉長尾山雀的尾巴很長，甚至以自己的身體還要長，牠們喜歡群居以互相取暖。銀喉長尾山雀是很客易識別的，第一，是其帶淡粉紅而蓬鬆的羽毛，頸部前面是銀白的羽毛。身材圓圓潤潤，一條長長尾巴，十分可愛。如果你係花園見到佢，佢最愛嘅食物就係一種叫”Fat Balls”的鳥食。
9️⃣ Blue Jay 冠藍鴉
冠藍鴉鴉鳥家族中最色彩繽紛的一員，全身包括長長的尾巴都是鮮艷的藍色。佔牠們絕大部份的食物是橡實(Acrons)，而且會在秋天中儲存很多橡實以作過冬之用。
1️⃣0️⃣ House sparrow 家麻雀
相信大家對家麻雀不會陌生，栗子色的羽毛，是英國公園以及花園的常客，習慣與人類「共居」。雌鳥帶有灰色羽毛。雖然以前在英國可以經常見到麻雀，但近年的數目急速下降，如果大家係屋企見到佢，可以考慮請佢食小米 (Millet)或者花生啦。
🐦想邀請雀仔成為家中賓客 可以幫佢地起間鳥居
英國生活最得意嘅地方就係好多事情可以自己動手DIY，不失為一個好好的親子活動。如果大家想自己DIY幫雀仔起返間靚屋，可以參巧National History Museum 呢條片。只要有心機，應該唔難整到出來，又或者去WayFair買亦可以。亦有部份Bird Box可以裝置觀鳥鏡頭，咁各位爸爸媽媽就可以同小朋友一齊觀察小鳥們的日常生活。當然如果無時間整，都可以考慮平平地買一間。
How to make a bird box , National History Museum
🐦想吸引更多雀鳥住到你的英式花園?
如果你很有興趣吸引更多雀鳥住到你的英式花園，不妨參巧下呢本書How to attract birds to your garden (仲有Kindle版本)，書中會講哂佢地鍾意咩食物、鍾意咩植物同埋需要邊一種居所。
Chapter 2 之前亦有一篇開於英國花園的文章 《英國花園 – 種出熟悉的味道》，大家如果有時間就click入去睇下啦 – https://hkersuklife.co.uk/16/04/2021/daily-life-2/3177/