Table of Contents
閱讀英國雜誌，學習貼地英語了解生活文化
相信大家喺香港都會有閱讀雜誌嘅習慣，不論喺網上版本又或者係傳統嘅印刷本，大家可以在當中吸收各式各樣不同的知識，移民英國閱讀本地雜誌除咗可以幫大家係英國學好英文，了解英國生活文化之外，其實仲可以令我哋吸收更多同本地人增進交流的題目。較早前我們有另一篇文章《讀報能知天下事 英國地區報幫你了解社區》曾經同大家介紹邊過閱讀地區報紙了解身邊社區。今次我哋會同大家簡介5本英國本地嘅雜誌，當中涉獵不同的生活興趣及題材。今次我哋同大家介紹嘅雜誌題材包括科技產品、汽車、室內裝修設計、英國花園園藝、娛樂新聞等等的英國雜誌。
Stuff Magazine
第一本要介紹的雜誌就是Stuff Magazine，如果你係熱賣科技產品的擁躉就千萬唔可以錯過。呢本英國雜誌會介紹時下最流行熱賣嘅科技產品，除了而家英國最流行嘅手提電話、平板電腦、電視產品之外，佢仲會Test唔同種類嘅科技產品再評分，等大家喺購買之前有更多認識。另外，我最鍾意就係佢一個好特別的專欄叫「Next Big Thing」，題材係預測係gadget界未來嘅發展。
圖片2: Stuff Magazine
圖片來源: https://www.magazine.co.uk/magazines/stuff-magazine
汽車雜誌- Autocar Magazine
鍾意揸車的朋友就可以選擇睇吓呢一本汽車雜誌。呢本雜誌會同大家介紹汽車界最新的情報，review各款剛剛推出的汽車，就住每一架車嘅安全、速度、配套、駕駛系統等等一一作出深入的剖析，然後作出評分。除了剛剛推出的新車外，佢仲會介紹好多喺英國購買二手車的資訊。呢本雜誌仲會為各位愛車的朋友介紹喺英國即將會舉辦邊啲不容錯過嘅汽車活動。
圖片3: Autocar Magazine
圖片來源: https://www.magazine.co.uk/magazines/autocar-magazine
家居雜誌-The World of Interiors Magazine
不少香港嘅朋友都會考慮喺英國置業，香港跟英國對室內裝修的概念同埋品味始終有一定距離，呢本月刊每次都會介紹英國唔同嘅家居裝修以及佈置，當中仲會有唔少篇幅講解如何配合嘅藝術風格去令到你嘅安樂窩可以住得更舒適。除此之外佢仲會講講而家一啲關於樓市嘅情報，其中一個特別嘅地方就係會講拍賣樓，有興建的朋友不容錯過。
圖片3: The World of Interiors Magazine
圖片來源: https://www.magazine.co.uk/magazines/world-of-interiors-magazine
花園種植雜誌-Kitchen Garden
我哋之前一篇文章〈英國花園-種出熟悉的味道〉同大家簡單介紹左可以如何善用家中後院嘅空間去種植我哋好熟悉嘅農產品，如果係對呢一個題材有興趣嘅朋友就唔好錯過呢一本雜誌，Kitchen Garden 會由播種到收割好深入咁同大家講解點樣去種植生果蔬菜，例如點樣去預備一個適合某類植物生長的環境去令農作物生長得更好，當然大家亦都可以學到好多英國本地流行農產品的英文及資訊。
圖片4: Kitchen Garden Magazine
圖片來源: https://www.magazine.co.uk/magazines/kitchen-garden-magazine
花邊新聞雜誌-Hello Magazine
如果你對皇室新聞以及其他花邊新聞都好有興趣嘅話，Hello就係其中一本大家喺茶餘飯後可以揭一揭嘅八卦雜誌。呢本雜誌大家平時行開超級市場時通常都會喺雜誌架好當眼處見到。除咗花邊新聞先來，呢本雜誌中會報道電影電視等等的娛樂新聞，當然仲有唔少篇幅係講Fashion同埋扮靚嘅貼士，最重要係，你會學好多英文slang，對了解英國當地英文運用都相當有幫助架。
圖片5: Hello Magazine
圖片來源: https://www.magazine.co.uk/magazines/hello-magazine
如何訂購英國雜誌？
喺英國隨處都可以買到以上我講嘅呢幾本雜誌包括便利店超市等等，當然大家亦都可以選擇去訂購，因為訂購通常有折扣，英國一類公司叫個magazine agent，包括Magazine.co.uk，大家上佢地網站訂購，佢就會可以每期寄到你屋企，用呢類公司訂購仲有一個好處就係通常會有價格優惠，對於剛剛嚟到英國慳得一鎊得一鎊嘅香港朋友都係一個唔錯嘅選擇。