移民英國，如果你想為新屋企加強保安，可以考慮安裝警報系統或者CCTV。但係要留意英國人十分重視私隱，如果你選擇安裝CCTV，因為會做錄影或錄音，所以會涉及私隱問題，除咗相關機構有機會向你查詢，鄰居或路人都有一定權利或知情權，唔想犯法被罰款，就要知道相關法則喇!
Table of Contents
英國有沒有肖像權?
英國是沒有肖像權的，係英國街頭影相拍片等，而只係私人用途，一般係無問題的。不過要留意，英國人十分重視私隱，雖然無肖像權，如果佢地認為你的行為騷擾，而且多於一次，你有機會已經犯罪，係英格蘭，威爾士和北愛爾蘭，騷擾是一項刑事罪行，最高可判處監禁6個月及罰款。
英國私隱及信訊監察機構
Information Commissioner’s office(ICO)係一個獨立於英國政府的機構，負責監察英國個人及機構訊息，Data Usage及隱私。如果你打算係英國開公司，你會收到ICO信叫你交一個Data Protection Fee，大約係£40-£60一年，如果你公司需唔需要和要比幾多，就要到佢地Website登記和評估，網址係https://ico.org.uk/for-organisations/data-protection-fee/。不過個人係唔需要登記同交依個費用。除此之外ICO會負責為立法提供意見、促進Data Usage發展及處理查詢等。
安裝CCTV需要留意的事項
ICO有文章提醒係英國裝CCTV需要留意的因素，如果CCTV只拍到自家範圍，就不受data protection laws影響，如果會影到街或是路人，你就係數據擁有者，就會受到依條法律規管! 所以係裝CCTV前，不妨考慮以下。
- 是否需要CCTV，而不是警報系統(沒有拍攝功能)?
- CCTV應該影邊個位先可以唔影響其他人
- 要否需要錄音，因錄音更有機會被認為侵犯私隱，所以如無合理原因，最好關左依個功能
ICO指出，如果你真係需要影到自家範圍外，你係需要提供正當理由，ICO或者個人都有權向你查詢有關理由，另外亦需要留意以下事項
- 需要比其他人知道你已經Set up左CCTV的位置及原因，最簡單就係整個標誌加文字
- 只拍攝你需要的東西，以達至以上目的
- 數據保存的安全性，只可在有合理原因下，才可以比其他人查閱
- 數據保存期限，舊記錄需要定時刪除
由於你拍攝家中以外範圍，其他人係可以向你要求查閱當中拍攝到佢地的有關記錄，對方可以口頭要求或以書面提出，而你需要一個月內回覆及提供有關Copy。對方睇完之後有機會要求你delete包括佢的有關錄像。當然你可以拒絕，你可以叫對方經ICO或法庭處理。如果收到鄰居等投訴，應該仔細考慮縮細拍攝範圍。如果你無合理理由拍攝多於自己需要的範圍，你有可能違反法律被ICO提出檢控及罰款等，而且更可以面對個人向你提出訴訟。
總結
最後一個亦建議，係安裝CCTV之前，最好同鄰居傾下，解釋點解你要裝CCTV，甚至為咗消除鄰居對你嘅疑慮，可以喺唔侵犯其他人私隱的情況下，邀請鄰居一齊查閱你拍到嘅內容。英國社區的互助情況，初初移民英國的你未必會相像得到，不過你可以由一些細微之處睇到，例如唔少送貨公司係可以比你有一項選擇係”由鄰居收件”，而Nextdoor App亦都算十分Popular，係英國住真係會令你有守望相助的感覺。
相關文章
家居保安系統Home Security System 令你令你 感覺很安全
Source: