Lockdown左一排又成日去超市買好西食，你係咪肥左好多呢? 鍾意做GYM鍾意游水又唔知去邊度? 可以試試用HUSSLE APP，你總會搵到總有一間係左近嘅健身會所。
Table of Contents
好APP介紹- HUSSLE
我唔要做飛天少女豬事丁呀!!!
忙完一大輪，嚟到英國展開Chapter2生活，日日睇大量超市Yellow Tag慳錢攻略，英國生活真係變得愈來愈「有福氣」。都係時候練返靚個Body見人嘞！之前我哋介紹過英國人比較常做有咩運動，同埋可以點樣搵到附近嘅運動設施，今次等我同大家集中講吓Gym同埋室內游泳池啦！
搵間啱自己嘅Gym唔容易
以我呢位小鮮肉(哈哈，講完自己都笑)多年來做Gym嘅經驗，我知道要搵到間啱自己嘅Gym Room並唔容易，首先啲器材要啱自己做，究竟想多做啞鈴定機，而個GYM又有幾多部健身單車，啞鈴齊唔齊，有無倒立機先？其次要睇吓衞生環境掂唔掂，更衣室同浴室舒唔舒服；最後亦可能係最緊要，係睇吓大部分同場啲客係唔係差唔多Level，即係唔係自己想Keep吓Fit，但個場人人都係操去比賽，又或者衰啲講，會唔會好多人喺自己眼中騎騎呢呢。總而言之，真係未試過都唔知掂唔掂。
嘅然係咁，想搵返間近近地自己屋企嘅Gym，介紹你用以下呢個網頁/ APP： HUSSLE ，呢個gym search engine 仲可以買埋個健身會所嘅 one-day pass ，可以試真啲先選定行車線，而係HUSSLE通常會有埋折扣，慳得一鎊得一鎊😉
🔗 HUSSLE 網站連結
入POSTCODE就搵到 網站 & APP一樣咁方便
HUSSLE網站嘅用法好簡單，只需要輸入想搵Gym Room嗰區嘅Postcode，佢就會顯示出一個結果List，喺附近有啲咩Gym，仲會列出埋每間Gym做緊咩收費Plan。舉個例子，輸入Birmingham市中心區B2嘅Postcode，顯示出嘅結果係有68間Gym係20英里範圍入面，click入面你會見到每間Gym嘅package，有月費plan、day pass、5次plan、10次plan等，同walk-in買唔同，喺呢個網頁買會有最高差唔多18%折扣，折咗後月費個range大約 £10-£40，day pass就通常幾鎊，唔會貴過£10。有啲Gym會同其他Gym有合作，即係買佢哋嘅Plan可以去埋其他幾間。如果搜尋到結果嘅Gym太多無時間睇哂，網頁有filter功能幫你揀，例如可以揀有「女性專區」、「桑拿」、「泳池」，「Boxing Ring」、「沙包」等等等等。 TrustPilot對HUSSLE嘅評分就有overall 4.5 。
如果我鍾意游水做SPA?
雖然英國冬夜漸暖，但天氣都係涼涼地，如果你好鍾意游水都未必想挑戰冬泳。剛才略略講過，HUSSLE呢個search engine除左可以開到GYM之外，仲可以搵到室內/暖水泳池，好多都係比較大型GYM CLUB HOUSE附屬設施，有啲仲附設SPA。想keep住係英國游水其實都唔係咁難。
Flexibility is the KING
其實好多朋友都係剛剛先搬到英國生活，長遠都未知係咪需要再搬屋，如果一次過要買2-3年健身會藉真係要唸唸先。用HUSSLE有個好處，大家可以按自己嘅需要按日、月、甚至次數去買，自己話事，到時要搬去更好嘅地方都唔怕浪費。
不過提提你，而家疫情下英國大部分嘅gym都關閉，做定research，為好快恢復工常做準備啦！ 大家可以click呢度download 佢地個APP(最底) – HUSSLE APP